黃宗澤用上本身演戲笑爆全場 大喊:我唔識演啊導演!
2019年01月05日16:00

早前黃宗澤(Bosco)就因為拍網劇《飛虎之雷霆極戰》整傷腳,搞到要做手術,不過出院後為趕拍攝進度,唯有帶傷上上陣,認真專業!近日他在Instagram 上傳了不少拍攝時的「搞怪」位,搞到Bosco嗌哂:「我唔識演啊導演,呢個真係」!

撰文:東方新地、Louis|圖片:黃宗澤instagram

延伸閱讀:

Selina公開變瘦秘訣 3個月體脂30%減到21%!

蘇民峰2019豬年生肖運程(猴、雞、狗篇)

黃宗澤腳傷 用上本身演戲

雖然話就話已經復工,但Bosco仍要包石膏同撐拐杖開工,之後仲要接受物理治療,而且要3個月或以上的康復期,所以動作戲方面就唯有用替身。

黃宗澤
黃宗澤
黃宗澤
黃宗澤

不要以為有替身就輕輕鬆鬆,其實這樣才是演技大考驗,皆因Bosco仍要補拍上身近鏡。看一下Bosco IG就知道他有多辛苦了,有一場戲要他戴起頭盔、背著背囊、扶著拐杖,但同時要坐在椅子上扮開電單車,要扮得似真係唔係咁易架,難怪Bosco都話「拐仗都變電單車,問你怕未?」

元旦日Bosco更上載了一段拍攝花絮,還寫著「導演,一個不良於行嘅人,點樣好急咁行?我真係唔識演!」原來片中Bosco 要坐在凳上面,同時又要膊頭擺下擺下,再由工作人員推住扮急步行。起初Bosco都神色凝重地「行」,不過到中段連他自己都認唔住爆笑大嗌:「我唔識演啊導演,呢個真係」。

有片睇:

非常敬業

粉絲看完都紛紛留言話:「笑到個肚抽筋」、「我睇咗10次都係咁好笑」,小編我都笑咗出嚟!不過都有心水清的網民看得出Bosco負傷開工非常敬業,而且遮住下半身時完全看不出是扮行,真的好像是在急步行,認真好戲!

View this post on Instagram

竟然係屋企揾到對襪啱我依家著!🤭

A post shared by boscowong (@boscomine) on Dec 13, 2018 at 10:13pm PST

其實Bosco認真唔話得,事關他每次坐下時,雙腳的血液都會積聚在患處,導致腫脹和痲痹,久不久就要提起左腳,所以Bosco的狀態其實是不太合適開工的。不過Bosco硬是帶傷開工,趕進度。Bosco咁敬業,大家也一起為Bosco祝福吧!

黃宗澤媾女無難度

黃宗澤(Bosco)於13年在九龍城投資了四百多萬開蠔吧,開業後不時請圈中好友來擦蠔。Bosco去年與曾志偉未來新抱王敏奕合作《飛虎極戰》,被影到招呼王敏奕、陳瀅及糖妹到蠔吧飲酒,當晚王敏奕疑似因感情問題借酒澆愁,離開時要好姊妹扶實,黃宗澤被指向王敏奕大獻殷勤,想乘虛而入。

眼見糖妹及陳瀅在街頭照顧飲醉的王敏奕,黃宗澤竟然扮唔識扮路過,連一句問候都冇,咁唔正常有啲嘢喎!
當晚王敏奕的心情明顯非常差,醉哭街頭不特止,仲好唔想返屋企。

黃宗澤與陳嘉桓去年10月合作拍網劇《守護神》,一拍即合互生情愫,在女方的IG內可搵到二人的合照。

布拉格訂情

向來媾女無難度的黃宗澤,榮升蠔吧老闆更如虎添翼,雖然不愁冇女,仍是喜歡向圈中女星埋手。去年10月與陳嘉桓(Rose)合作拍網劇《守護神》,二人在布拉格拍外景時,原來已眉來眼去互有好感。

據知拍外景期間兩人有時會一齊走開去其他地方影相,又會一齊拎住手機傳短訊,一來一往咁又笑瞇瞇。不過佢哋有時又會專登玩避忌,去食飯同返酒店又前後腳咁,咁刻意反而仲惹人懷疑。

黃宗澤
黃宗澤
黃宗澤與陳嘉桓為拍網劇《守護神》曾遠赴布拉格兩星期,二人不時相約外出影相,同劇的三哥苗僑偉及劉心悠應該親眼見證二人擦出愛火花。

拍拖買家品

據悉返港後《守護神》繼續拍攝,黃宗澤亦終於將陳嘉桓追到手,二人為保形象早已有共識,把戀情低調處理,至今拍拖半年一 直密冚戀情,不過半個月前,有人目擊到沙田宜家傢俬拍拖買家品,當時二人並肩而行沒有拖手,但非常有默契,買完家品即前後腳閃。

黃宗澤
黃宗澤

蠔吧會情郎

最近黃宗澤未有劇開,趁空檔籌備即將在中港城擴充營業的新蠔吧,而陳嘉桓亦在睇劇本階段,準備下月投入網劇《反黑第二季》的拍攝,二人都咁得閒,當然要爭取見面時間。周一晚(25日)9時許,陳嘉桓獨自從銅鑼灣駕車過海到九龍城,陳嘉桓熟晒地形,先把車停泊在黃宗澤的蠔吧外,下車後先傳短訊給對方,然後慢慢行入蠔吧。據知黃宗澤近日忙於為新店試新菜式,陳嘉桓這晚入內後亦直奔蠔吧廚房,二人在內逗留了個多小時才離開。

周 一晚 ( 25日 ) 11時許,陳嘉桓熟練地行入黃宗澤在九龍城投資的蠔吧「Oyster Mine」,她邊行邊撳電話,似是與在店內等她的黃宗澤傳短訊。

晚上12時許,陳嘉桓率先步出蠔吧,頭也不回上自己車離開,相隔唔夠十秒,黃宗澤亦步出,行去另一方向上其黑色七人車,由司機送返家。與此同時,陳嘉桓亦開車尾隨黃宗澤的七人車,兩架車一前一後返回火炭晉名峰。期間黃宗澤的司機曾多次慢駛,警覺性甚高。

陳嘉桓到蠔吧會合黃宗澤並逗留個多小時,凌晨12時許,陳嘉桓先行步出去攞車,黃宗澤相隔十秒才離開,一個向左走, 一個向右走。

黃宗澤
黃宗澤

前後腳離開蠔吧後,黃宗澤坐上由司機駕駛的黑色七人車 (前) ,陳嘉桓則自駕軍綠色Cube (後) 尾隨黃宗澤的車,兩架車一前一後往火炭方向行駛。
最後到達黃宗澤位於火炭晉名峰的寓所,黃雖與母同住,但仍讓陳嘉桓進駐。
當日晚上9時許,陳嘉桓去蠔吧搵黃宗澤前,在銅鑼灣閒逛買繃帶,穿背心熱褲的她有愛情滋潤發福不少,之後上了繼父陸灼盛的拳館。
做完運動的陳嘉桓換上長牛仔褲又穿上厚外套,駕車由銅鑼灣過海去九龍城。

黃宗澤
黃宗澤
與陳嘉桓一齊返歸過夜後翌日 (26日),黃宗澤與同住的母親一齊坐七人車到沙田街市搵嘢食,雖然有新女,但黃宗澤仍盡孝順仔責任,抽空陪阿媽去街。

陳嘉桓回應話:

陳嘉桓日前回覆傳媒時,表示自己其實係去黃宗澤屋企睇波,因為大家都知Bosco新居入伙,而且正值世界盃期間,所以一大班人被邀請去開Party。陳嘉桓仲笑說自己出名食量大,開大食會時一定會請埋佢去幫手清晒啲食物!

View this post on Instagram

🤩

A post shared by 𝕽𝖔𝖘𝖊 𝕮𝖍𝖆𝖓 (@chankawoon) on May 14, 2018 at 6:26pm PDT

黃宗澤回應話:

至於男主角黃宗澤接受訪問時,就唔係話新屋入伙,而係屋企啱啱裝修完所以開Party,最近公司朋友、自己朋友及《守護神》劇組台前幕後都輪流上去食飯。提到佢一向鍾意長腿妹,Bosco就話長腳還長腳,鍾意還鍾意!

即係話,黃宗澤同陳嘉桓喺電影《男人唔可以窮》入面的情節… 相信唔會喺現實中發生啦!

《男人唔可以窮》劇照
《男人唔可以窮》劇照

延伸閱讀:

速學8個派對或約會簡單編髮 手殘女都一定做到!

關注我們Facebook專頁
    相關新聞
      更多瀏覽