【爆笑鬥嘴】父子Chok住爆笑鬥嘴 謝霆鋒彈82歲謝賢「好百厭」
2018年12月31日18:24

藝人謝霆鋒主持的戶外美食節目《鋒味》第二季,圈中人緣甚好嘅霆鋒不時邀請一眾大牌藝人出演節目。最新一期節目中,佢再次邀請咗老竇謝賢與契媽汪明荃擔任嘉賓。兩父子罕有大談童年往事,全程鬥型鬥Chok兼鬥嘴,不過,「薑還是老的辣」82歲的謝賢最後一句話KO霆鋒。

撰文:Chloe | 圖片:《鋒味第二季》截圖、微博、謝霆鋒微博

延伸閱讀:

全港53間直資私小學費一覽 10大學費最平直資私立小學

【母乳教室】奶媽唔易做 餵母乳的10個難處

謝霆鋒 謝賢父子Chok住爆笑鬥嘴

最新一集《鋒味》霆鋒邀請老竇同契媽汪明荃擔任嘉賓,一齊煮飯仔兼傾吓計。節目中,呢對好勝父子不時互寸鬥嘴,場面非常搞笑。

節目中,霆鋒同老豆、契媽、內地影星張一山,一齊下廚煮飯俾「順德自梳女」。煮餸期間,謝賢同阿姐講起當年合作拍《千王之王》時霆鋒出世嘅情況。謝賢憶述,當時接到電話就即刻除低戲服撲去醫院,趕到醫院等咗15分鐘霆鋒已經出世。

不過,第一眼見到霆鋒後,謝賢第一句話竟然係:「咁醜嘅。」

第一次做爸爸,謝賢都難得感性透露:「但嗰日我一抱住佢,眼淚都出來了。」

一旁嘅嘅霆鋒即刻唔服氣大嗌:「似你囉。」連同場嘅阿姐都笑咗出聲。

之後,張一山踢爆霆鋒話謝賢認為他「唔夠型格」,謝賢聞言即刻話:「沒有,他,慢慢來。」霆鋒又話自細就聽太多老竇的「穿衣原則」,阿姐都忍唔住幫口:「那你肯定要聽他的(謝賢),他穿衣服很講究。」

另一邊廂,阿姐透露謝賢嚟緊又做演員,婆婆聞言大讚霆鋒與謝賢都好紅。謝賢就「彈」霆鋒只是「一般般啦」,一旁嘅阿姐都開口讚:「一代勝一代。」

好勝老竇聞言,就九秒九回答:「我唔識聽呢句話」,認真爆笑。

最後,霆鋒趁喺拍緊節目,但粗粗質疑老竇「一直戴著太陽眼鏡究竟睇唔睇到嘢」。謝賢二話不說脫下眼鏡,霆鋒就將太陽眼鏡拿到鏡頭前,讓觀眾一嘗老竇嘅視角。然後話:「今天的不算黑,平時戴那麼黑能不能看到?」謝賢見阿仔質疑佢多年不變嘅造型,直言:「(因為)我不想看到你!」

霆鋒聞言已無還擊之力,直接舉手投降,仲話老竇:「真係好百厭」,眼見呢對父子爆笑鬥嘴,連阿姐都忍唔住笑謝賢係「老頑童」

延伸閱讀:

【攬實放閃】樂基兒晒孕肚 幫B仔改「得得B」花名

關注我們Facebook專頁
    相關新聞
      更多瀏覽