2018年仲有喜訊 女神倪晨曦宣布已在巴黎訂婚
2018年12月31日15:25

2018年娛樂圈喜事多多,去到最後一日都仲有喜訊!現年31歲的網絡女神倪晨曦(Elva),與圈外男友「V先生」拍拖兩年,今日倪晨曦就喺網上宣布其實早已訂婚,並上載男友在巴黎跪地求婚的短片,女神喊到收唔到聲,超感人!恭喜Elva!

撰文:東方新地|圖片:Instagram

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(猴、雞、狗篇)

女神倪晨曦宣布已訂婚

2018年娛樂圈喜事特別多,特別多藝人宣布結婚或有喜,來到最後一日都仲有,網絡女神倪晨曦(Elva) 今日公布與圈外男友「V先生」已訂婚!事情發生喺Elva今年10月到巴黎出席時裝周活動期間,有日下午其髮型師表示自己唔見了銀包,於是Elva立即趕回拍攝場地,點知就見到西裝骨骨、手捧鮮花的V先生出現在橋上!

倪晨曦
倪晨曦
唔見銀包係呃你咋!

倪晨曦
倪晨曦

片中見到V先生即場下跪求婚,更遞上大大紮紅玫瑰及戒指,身旁亦準備好腳架同相機紀錄呢個難忘一刻。主角Elva當然係喊到收唔到聲,場面浪漫又感人,最後更首肯答應!Elva又留言:「上輩子一定是做了什麼好事,這輩子有這樣的疼愛。」

倪晨曦
倪晨曦
Elva本來都仲笑緊,之後就忍唔住喊啦!

Elva又留言大讚未婚夫:「他說了好多好多但我都不記得了 只是一個勁的哭 因為我好感動!! 沒有想過他會選擇在我覺得最浪漫的城市向我求婚我們在一起也很少討論關於結婚的事 因為他知道我太愛工作了 他總是默默的在我身邊不斷的付出」

V先生隨即拿出紙巾,替Elva抹去眼淚。

下跪就指定動作啦!

戴上戒指。

最後深情一吻!

盤點6大運動型女神 鍾意爆汗定爆乳?

1|林芊妤Coffee Lam

29歲的林芊妤(Coffee)因為某件大家都知的事出名,而佢離開無綫後亦大把出路,唔止拍片做KOL,又憑住天生軟骨神功以及不斷自我進修,轉型做瑜珈導師,事業發展如日方中!

人氣瑜珈導師

Coffee唔止教瑜珈,仲會不時拍片分享做運動心得,依家佢YouTube Channel已經有超過57萬個訂閱啦!

Coffee就算去旅行都唔會放棄任何一個做運動的機會,難怪佢弗得嚟身形又咁靚啦,恨死一班女生~

今年10月誕B仔

Coffee今年5月時被爆與圈外男友翟志榮(Weng)秘密入紙結婚,隨後亦公開宣布自己懷孕近四個月,不過Coffee陀B期間依舊活躍,上山下海做運動,不時晒大肚靚相,女士們都好羨慕佢得天獨厚,肥肚不肥人!

超索大肚婆!

Coffee今年10月誕下B仔。
Coffee今月中上載一張餵母乳相片,感覺非常溫馨,但卻引來不少網民抨擊。

2|倪晨曦 Elva Ni

網絡女神倪晨曦相信大家都認識,佢出晒名樣貌標緻甜美,又擁有174cm模特兒身高,對扮靚好有心得之餘,係模特兒、藝人,同時係一位瑜珈導師,男男女女都被佢迷倒!倪晨曦經常都會上載自己瑜伽運動照,有姿勢有實際!

運動打扮勁吸睛

倪晨曦雖然唔算話上圍非常豐滿,不過勝在身型平均又修長,每次一身運動打扮都非常吸睛,難怪唔只男士們視佢為女神,女生們都好想跟佢學嘢!

網絡女神 男女通殺

唔係講笑,倪晨曦IG真係幾乎張張相都女神級,男女通殺,咁多粉絲亦不無道理!

泳衣照唔係成日有!

3|簡幗儀 Lilian Kan

網絡紅人簡幗儀(Lilian Kan)身材火辣、前凸後翹,當然有賴平常勤力健身keep fit!而Lilian去健身時,不時都會開live或者拍片同粉絲交流心得,不過大家個焦點都會落咗去佢衣著度… 因為實在太太太吸睛!

特別的運動衣著:

Lilian曾經在IG story中上載了自己做運動的短片,見到佢身穿白色貼身上衣,下身就灰色貼身長褲,把魔鬼身材展露無遺,尤其豐滿上圍勁突出! 所以有唔少網民都留言話,做Lilian教練真係好難忍…

喂大佬,邊有人著到咁做運動㗎…

索女設計師

Lilian除了是一個樣靚身材正的模特兒之外,仲係一位富知識性的時裝設計師,IG有勁多非常漂亮的照片,或火辣性感、或可愛嫵媚,各種各樣的風格都能呈現在照片上。所以網上有唔少巴打都話,基本上求祈一張相都係咁正!

內衣模特兒

Lilian Kan
Lilian Kan
呢身打扮,呢個表情…… 正常男人都頂唔順啦?
Lilian Kan
Lilian Kan
人同內衣都靚!
Lilian Kan
Lilian Kan
佢又留言問大家喜歡咩顏色的內衣,大家覺得呢?

Lilian Kan泳衣照放題:

Lilian Kan身材勁得嚟其實都幾好肉地,著起泳衣效果逼爆!

4|伍樂怡 Kelly Ng

去年大熱倒灶、三甲不入的落選港姐伍樂怡(Kelly),除了有精緻漂亮五官,當年參選時更狂騷腹肌,身材靚又有線條,唔係剩係得男仔先會睇,好多女仔都勁羨慕Kelly個身形。都係嗰句,希望之後有多啲機會喺TVB見到佢啦!

一個側身,線條非常突出!

Kelly的運動打扮非常好睇~

Keep Fit心得

Kelly受訪時,曾表示身形咁弗,唔需要特別節食,相反佢話要多食多運動,所以平時成日都會跑步鍛鍊。

索爆女騎師

雖然Kelly望落斯斯文文,不過原來佢幾鍾意戶外活動,成日有唔少騎馬、行山等等的靚相,生活都好健康!其中一張「回眸一笑」圖中,仲令人清楚睇到其玲瓏浮凸身材,小編真係好想同呢位女騎師瘋狂……

身材咁正,著咩都靚:

5|余香凝 Jennifer Yu

Model出身的余香凝(Jennifer),樣靚兼有高佻身材,依家已經轉型成為歌手同演員,佢更是出晒名熱愛運動,社交網經常見到佢做運動做到香汗淋漓的樣子…

好想同佢瘋狂做運動!

好Fit!

Jennifer曾表示:「運動是快樂的根源,運動面紅是最好的胭脂」,所以佢好多類型嘅運動都會去做,例如健身、跑步、行山同踩單車等等。

遊水當然要騷吓身材~

長腿勁吸睛!

《逆流大叔》演出亮眼

今年年中熱爆的港產片《逆流大叔》,余香凝亦有份參演,表現亦備受讚賞!運動型女孩演呢個運動型角色,襯到絕!

6|董嘉儀 Lulu Tung

大埔Lulu董嘉儀因為足球令佢成名,熱愛運動就唔使多講,但係究竟係鍾意到咩程度呢?Lulu接受訪問時,就話自己跑步跑得超密,一年會參加幾次馬拉松喎!如果可以同佢一齊跑,平時懶到爆的小編都一定會下定決心做運動!

董嘉儀
董嘉儀

足球相關活動當然要搵埋Lulu!

董嘉儀
董嘉儀

Lulu平時除咗運動Sports Bra之外,最鍾意就係著白色緊身Tee或者白色小背心去做運動!做完運動的爆汗Lulu真係特別索!

白色真係好襯Lulu啊~流晒口水啦!

延伸閱讀:

盤點14個明星感人故事紋身 每個都埋藏深層意思!

關注我們Facebook專頁
    相關新聞
      更多瀏覽