張衛健唔止做戲得仲好識唱歌!盤點5首大帥哥浪漫情歌
2018年12月28日20:30

張衛健(Dicky)喺《大帥哥》飾演嘅男主角,雖然就冇喺《萬千星輝頒獎禮2018》拎到獎,不過觀眾嘅口碑同收視幾乎每節上升。Dicky演技好唔好,唔一定要靠視帝去證明嘅,但佢唱過嘅歌肯定深得民心喇。

張衛健5首浪漫情歌

早於1984年,Dicky已經喺TVB及華星唱片合辦的「第3屆新秀歌唱大賽」亮相,仲以金獎入行。歌手出道的他,曾獲得多個音樂歌曲獎項。Dicky出過不少好聽的歌曲,其中為大家揀選嘅5首必聽情歌,無論隔咗幾耐,都一樣咁好聽。
張衛健
張衛健
張衛健
張衛健

1. 《真真假假》

《真真假假》是Dicky於1992年首張出版的個人專輯。其中,主打歌的原曲是林志穎的國語歌《不是每個戀曲都有美好回憶》,重新配上廣東歌詞後,成為《真真假假》。

同時,這首歌也是TVB劇集《捉妖奇兵》(又名《日月神劍續集之聖戰風雲》)的主題曲。當時除了成為TVB勁歌金曲的冠軍歌、最佳歌詞獎,也是叱咤903、港台派台歌曲播放榜的亞軍歌。

2.《I Love You》

Dicky在《真真假假》專輯中的另一首歌《I love you》,不但旋律容易上口,歌詞也十分簡單。

呢首《I love you》真係冧女之作。
呢首《I love you》真係冧女之作。

Dicky以溫柔的聲線去演繹呢首歌,使歌詞的意境更顯浪漫,熱戀中的情侶那種甜蜜激情的感覺表露無遺,聽完又聽,十分陶醉。

3.《傾心、傾意、傾神》

另一首特別表現Dicky柔情唱腔的歌曲《傾心、傾意、傾神》收錄在《180°+》的專輯中,大家又有沒有聽過呢?

Dicky唱得好溫柔。
Dicky唱得好溫柔。
這是一首描寫甜蜜愛戀的情歌,戀人之間迷戀傾心的愛慕之情,Dicky同樣唱得相當溫柔。

4.《身體健康》

講起《齊天大聖 – 孫悟空》,大家冇理由唔知啦,當中嘅主打歌曲,就係《身體健康》。呢首歌除咗係叱咤903派台歌曲榜的冠軍歌外,同時係Dicky的經典情歌。

歌詞入面沒有俗氣的情情愛愛,而是對愛人的關懷、愛惜之情。相信歌詞都表達了Dicky對愛妻張茜的心聲,加上他深情的唱腔,實在聽到人心生感動。若望住MV聽的話,絕對會令人感動到哭的。

5.《你愛我像誰》

曾經風靡一時的電視劇《小寶與康熙》,當中的主題曲就是這首《你愛我像誰》,這首歌收錄於Dicky的國語專輯《我(不:)是張衛健》。

《你愛我像誰》係劇集《小寶與康熙》嘅主題曲。
《你愛我像誰》係劇集《小寶與康熙》嘅主題曲。
TVB勁歌金曲、港台以及新城997的派台歌曲榜上的冠軍歌,都是此歌曲獲得。加上當年劇集的熱播,此歌亦成為了膾炙人口的情歌。

大爆回巢拍劇3大原因

當年張衛健一氣之下剃光頭北上發展,是因為有人睇死,說過一句話:「 唔好以為你做咗孫悟空就好巴閉,你張衛健塊面唔黐毛,根本就唔值錢!」,至今他雖依然以光頭造型示人。

張衛健指這位仇家絕非電視台中人,說:「嗰個當年話過我嘅人,咁多年我連佢電話都冇,佢仲喺呢行,亦都唔算好風光。」,更強調自己並非記仇。

提到回巢原因,他坦言:「最大原因,係有一啲人、有一啲恩,我想還。珍姐曾勵珍,我細個時,佢曾經幫過我。」,恩人要點名報恩,而報恩更是其中回巢最大的主因。

除了報恩,還有另外一個原因,他續說:「我好記得嗰一年,人人以為我會拍續集做孫悟空,我唔止冇,仲走咗去,喺我心目中,一直都覺得係不辭而別,一直爭咗香港觀眾一部劇!」,香港地是個幫他揚名立萬的踏腳石,心中一直記著的事從未敢忘!

「簽得畀人,就要幫人搵錢,嗰22年有20年啲時間唔係我嘅。直到幾年前,我再冇簽畀任何人,一年365日,終於可以自己決定工作內容。」,揭開當年他是身不由己的因由。

張衛健22年前終止合作是為了錢,22年後恢復合作關係,則肯定絕對,不可能是睇錢份上,「老實講,拍成半年喎,仲有為咗咁推咗啲工作 呢?如果係為錢,唔使講啦 …….」。

22年後重回無綫拍劇,張衛健去年回港出 席記招時解釋過,除了為報恩,亦一直覺得欠了香港觀眾一套劇。

「我正式嚟講未開工、仲讀緊劇本時已經開始唔捨得佢,講緊我番到香港用廣東話拍劇喎!呢個機會幾時仲有?可能永遠都唔會再有!」,希望《大帥哥》並不是張衛健最後一部播出的港劇!

成功在於自己努力不懈

84年贏完新秀冠軍入行,出碟不成,倒是加入戲劇組捱足六年後被力捧,張衛健演的孫悟空、韋小寶,是一代人的集體回憶。

「 對於依家嘅成就,我為自己而驕傲。我會覺得攞季 選,有更多歌手比我值得個獎,但係演戲有今時今日嘅地 位同影響力,因為我值、因為我嘔心瀝血。」,對於自己於戲劇方面的成就直言不諱。

「就算係做緊大配角嘅年代,三五場戲先至得到一句對白,簡單十幾個字,我會諗廿幾種版本出嚟。用唔同態度演繹同一番說話,或者運用唔同用詞去表達同一個意思,再加埋身體語言、眼神、節奏,就係 一句咁簡單對白,都有好多學問,呢個就係表演。」,明顯成功注定要付出努力。

張衛健續說:「我無論 一句對白定一段對白、一集戲定係做主角,幾十年都係呢 個態度,從來冇變過,所以我話我值!」,自信滿滿的道出所有。

張衛健更坦言:「我覺得才華同財富相等,我係老闆,見到一個人有才,就會知道你嘅才華會幫我帶來財富,你做多咗,點會有人睇唔到?」,相信大家要為自己工作繼續努力打拼。

張衛健於訪問中說到如果有如果,歷史該從他十三歲起改寫,爸爸沒有離家、自己不用擔起頭家:「我可以肯定,當時屋企環境仲要唔錯,我九成九去咗英國讀法律,我志願係做律師,點會走去電視台參加歌唱比賽呢?如果我去咗讀書,一 切嚟得太易,我九成九唔會太畀心機、 得過且過。就算畀我做到律師,呢樣嘢我可以肯定,百分百唔會比我做演員更成功!」,語氣堅定!

從人生經歷得到更多

張衛健回想過去同時說:「TVB份人工三千五蚊,我好記得成家人住間屋月租又係三千五,仲有食、水電煤、兩個細佬供書教學、返工搭車,個個月都搵朝唔得晏,個個月都要周圍搵電話𢱑撈拆掂佢!」,為養家及自己從未放棄。

「八百蚊一 場,一場兩場都係咁接,捱到今個月就又係一條好漢,又係好開心唔會覺得閉翳,依家有份工係我鍾意,可以用興趣搵錢,好過好多人啦係唔係呀?」,說得有理,要做自己喜歡又可搵錢的工作確實非人人如願。

行船的父親本來就常年在外,張衛健13歲那年更拋妻棄子自此不相往來,所以17歲就放棄學業成為家中經濟支柱。弟弟張衛彝今年初在寓所滑倒失救去世,曾經感情要好相依為命。

面對妻子流產

十年前妻子懷胎八個月流產,他說看著張茜又喊又笑,「 佢性格開朗過我,仲識開心過我,就算係 嗰段日子,佢睇卡通片都係識笑 . . . . . . 睇完,咪就係又流眼淚。我喺側邊睇住最恐怖係唔知點算好,係再摷部卡通出嚟引佢笑番呢?定係由得佢喊晒出嚟好呢?」,苦不堪言。

早於04年註冊, 張衛健卻選擇在太太小產後翌年、09年才舉行盛大婚禮,婚後太太長居北京,自己大 多數時候留在香港,身處異地全講個信字。多年來恩愛如昔,不時拍拖外遊。

面對一個個打擊,張衛健直言:「總要提醒自己進入半杯水模式,唔好總係睇我失去啲咩,而係還幸好我仲擁有啲乜嘢。我永遠都會咁諗,好彩我仲有呢半杯水咋,你話阿Q精神又好、自我麻痺都好,所以我會話我大部分時間係過得快樂!」,人一生的確要懂得如何於困苦中面對一個個低潮,你又有無自己一套獨有方法呢?

延伸閱讀:

蘇民峰2019豬年生肖運程(猴、雞、狗篇)

關注我們Facebook專頁
    相關新聞
      更多瀏覽