陳豪 陳茵媺一家五口過熱辣辣聖誕
2018年12月26日16:49

藝人陳豪同太太陳茵媺(Amiee)2013年結婚後,育有三個子女,不時放閃,恩愛依然。趁聖誕假期,陳豪一家飛到澳洲避寒過熱辣辣聖誕。廿四孝人妻Aimee更將家人合照分享到社交網,一家五口超級溫馨!

撰文:Chloe | 圖片:陳茵媺 IG

延伸閱讀:

【好感動!】結婚誓詞的意義 6段最真摯動人的明星誓詞

全港53間直資私小學費一覽 10大學費最平直資私立小學

陳茵媺一家五口過熱辣辣聖誕

陳豪拍攝完新劇《殺手》後,趁著聖誕假期,帶著老婆仔女飛往澳洲過聖誕。Aimee喺社交網晒出同老公合照,興奮留言終於等到同老公一齊度假:「Enjoying Balmoral beach with the family. Finally @moses_chan_ can travel with us! Yeah!」

陳茵媺一家五口溫馨合照

昨日,Amiee再晒出一家五口著住家庭裝嘅合照,夠晒應節。

未到boxing day大仔Aiden同二仔Nathan已經迫不及待拆禮物。而囡囡Camilla就戴著一身公主飾物,自己一個坐埋一邊密密拆糖食。

悉尼當地正值夏季,唔少人聖誕去避暑都必去陽光與海灘。不過,Amiee一家就專程去搵聖誕老人合照。佢哋著住短衫短褲留影,陳豪仲興奮舉擺V字手勢,睇嚟呢個假期一家都玩得好盡興!

陳豪台灣開工 陳茵媺一拖四探班遊動物園

早前,陳豪為《殺手》去台灣拍外景三個星期,呢個廿四孝老竇專程抽空返港同三個仔女慶祝萬聖節,然後急急腳又再飛台灣開工。

老公開工,廿四孝人妻Amiee自然就要肩負起湊仔的責任。早前,Amiee今次一拖四,除咗帶著三個寶貝仔女外,仲帶同奶奶同行飛往當地探老公班。

陳茵媺到達台灣後,問粉絲有乜好去處同提議?「In Taiwan… Any suggestions where to go?」

View this post on Instagram

In Taiwan… Any suggestions where to go? 😝

A post shared by Aimee Chan (@aimeechan_official) on Oct 28, 2018 at 2:40am PDT

Amiee將照片分享至社交平台,留言︰「Taiwan with the 3 munchkins and my mother in law since moses_chan_ is filming there! 📸(自陳豪在這裏拍攝,我就和3個小矮人及奶奶在台灣)」仲單拖帶他們到處遊覽,在市區內逛街,仲去埋動物園玩。

隨後,佢上載咗去動物園遊玩嘅相,三個小朋友似乎玩得好開心,奶奶亦都笑容滿臉!

View this post on Instagram

Such beautiful creatures… 📸 #taipei

A post shared by Aimee Chan (@aimeechan_official) on Oct 29, 2018 at 10:10pm PDT

老公胸前晒巨鑽

要孭起一個五口之家,陳豪真係忙到冇時停,之前暑假都冇時間陪老婆仔女,Aimee只好一個帶住3個細路返加拿大!不過陳豪都好積極爭取時間做個好老公,同好爸爸,好似當日Aimee幾仔乸返嚟香港,佢不但親自去接機,仲要逐個啜番啖,睇佢咁肉緊,就知佢真係好掛住妻兒!

阿Kay笑甜到有糖尿!

其實Aimee都一樣成日掛住個老公㗎!早前Aimee喺 ig PO咗張同老公抱抱嘅合照,話老公最近因為忙於拍劇,好耐冇同佢二人世界拍吓拖,所以好感激老公有幾個鐘都留嚟陪自己!公然晒恩愛,都已經夠閃,如果留意到Aimee放喺陳豪胸膛上嗰隻手,手上面嗰粒巨鑽,就更加閃到令人眼都盲!最搞笑係,連阿Kay謝安琪都睇唔過眼,話佢哋兩公婆甜到搞到佢有「急性糖尿病」!

愛你閃不完

本月初陳豪又出咗埠拍劇,行開冇耐,Aimee就已經忍唔住流露出對老公嘅依依不捨,仲話掛住老公,最好就係碌手機睇相喇!呢張陳豪同一對仔女嘅合照,Aimee就最歡喜喇!因為幾個笑容已代表一切!最後Sweet爆講咗佢「I love you baby!」,講完仲要Tag埋老公個名!真係甜到惹到一地都係蟻!

一個湊三個 玩足成個月

平時見Aimee兩公婆湊住3個小朋友一齊出街,都要帶好多裝備,今次Amiee一個人湊住啲仔女,飛到去加拿大咁遠,到底搞唔搞得掂?加拿大勝在地方大,一家四口上哂車,已經可以免卻好多煩惱啦!

陳茵媺
陳茵媺
陳茵媺 IG

落雨一樣冇有怕! 仲要着哂花花雨褸,襯到絕咁喺雨中散步!

好多家長見到水氹都會叫小朋友避開,Aimee見兩個仔玩得咁高興,仲幫佢哋數埋123添!

陳茵媺 IG

落雨濕濕,哥哥拖住妹妹一齊行!幾咁溫馨!

陳茵媺 IG

妹妹件花花雨褸都好搶眼呀!同對水鞋襯埋一Set!

陳茵媺 IG

到好天!佢哋就一齊去有機農莊玩!

原來係想摘啲新鮮蔬菜返去做晚餐呀!

兩個仔仲要着埋兄弟裝添!駛唔駛咁cute呀!

陳茵媺 IG

又好天,啲仔女又玩得開心,媽咪梗係開心啦!唔知會唔會開心到唔記得咗嗲地呢?

延伸閱讀:

【童星兄弟】「大喊十」浸大畢業 王秉熹奪全球大學電影獎

關注我們Facebook專頁
    相關新聞
      更多瀏覽