拍拖9個月 陳庭欣隨時閃嫁億萬富商
2018年12月24日13:41

10年港姐冠軍陳庭欣(Toby),今年六月爆出撻著過億身家彩豐行老闆Benny(楊振源),拍拖大半年已獲男友確認女主人地位,日 前就以老闆娘姿態陪實Benny 出席化妝品協會周年晚宴,更傳出二人將於明年拉埋天窗,向陳庭欣求證閃婚一事,她直言同男友結婚有共識: 「大家有講過結婚呢個話題,佢有問過我結 婚想點搞,但我好傳統,一定要跪地求婚 先得!」她更大讚男友浪漫,得男友錫到燶的Toby,一早融入楊家,見晒家長又同男友兩個仔相處融洽,近日出入還有男友御用七人車同司機接載,未做楊太已經地位 超然!

撰文:東方新地 圖片:新傳媒圖片、instagram

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(猴、雞、狗篇)

照顧周到

同過億身家彩豐行老闆男友Benny拍拖大半年,陳庭欣亦由 之前講的「了解中」轉入直路, Toby女主人身份已獲男友肯定,上月Benny更將個人社交網的頭像,由昔日單人照換成同女友攬到實的親暱合照,日前, Toby(陳庭欣)亦以老闆娘姿態陪實男友出席化妝品協會周年晚宴,甜蜜放閃。

據知情者透露:「雖 然拍拖唔係好耐,但Benny同Toby真係好夾,好多話 題,佢對女友照顧周到,仲好似粉絲咁,會追晒Toby所 有演出, Toby拍《兄弟》有好多打戲,Benny好緊張成日提住女友要小心啲,佢知道Toby拍親嘢時間都好長,怕佢揸車唔夠精神,細心安排咗自己嘅七人車同司機畀女友用,對Toby錫到燶!」

公開放閃

年約40的Benny事業有成兼家底厚,以往曾同女藝人孫慧雪、劉依靜等傳緋聞,但論愛得高 調都係今次同港姐冠軍陳庭欣,兩人拍拖大半年一直愛得熾熱,在 Benny Fb 就經常有二人 sweet 爆合照,難怪近日傳出 Toby 閃嫁消息。

男友專車侍候

箍掂有米男友,陳庭欣早前一掟 50萬換寶馬新車,近日開工亦有男友御用七人車同司機管接送!

隨時入門

近日Benny的美容零售公司內部就有消息傳出,指Toby已箍 掂Benny將於明年拉埋天窗。向Toby求證結婚一事,她坦言同男 友結婚有共識,但就話男友並未求婚:「佢有問過我想結婚點 搞,只係講過一兩句啫!我個人好傳統,求婚一定要男人做啲 嘢,仲一定要跪低求婚嗰隻!」 雖然被標籤係屋村港姐,但孝順顧家亦令Toby加分,更成功 贏得男友全家歡心,早已見晒家長的Toby,跟Benny同前妻所生的兩個仔亦相處融洽,早前男友父母結婚40周年, Toby就同 Benny 結伴參加家庭聚會同兩老慶祝。

老闆娘姿態

一年一度的化妝品協會周年晚宴, Toby便以老闆娘姿態,陪實化妝品零售商老闆男友Benny出席,完全融入Benny好友堆。

問到Benny父母同兩個仔對她的印象?Toby就表示:「嗰日係有去祝賀佢哋,好戥佢爹哋媽咪開心!不過佢哋對我嘅印象,你要問番佢哋先得,其實同佢 兩個仔都成日會見面,大家就好似朋友咁相處!」 睇嚟已入晒屋的Toby,閃婚做楊太完全唔奇。

早前Benny將Fb 頭像換成攬住女友的甜蜜合照,公開肯定女友地位。

喺屋企都著晒情侶Tee , Toby 與 男友真係好甜蜜!

放假陪父母

出名孝順的Toby ,當選港姐後仍繼續同父母同住九龍灣,早前更以50萬買入金色寶馬畀父母用來代步,呢日佢陪父母飲完茶,再一齊去九龍城買大閘蟹

變師奶仔

Toby 同媽咪見到靚水果,即師奶仔上身 仔細揀,絕對唔係翹埋手乜都旨意阿媽 做,大有做賢妻條件。

除超揀蟹

揀大閘蟹都好認真,Toby更除低副超睇清楚。

男友搞生日會

成功攻陷有米男友Benny ,今年Toby 31 歲生日,有男友幫佢大搞生日會慶生!

Toby早前31歲生日,佢再晒出同朋友、男友慶生照片!佢仲留言話:「多謝咁多位兄弟姊妹陪我預祝生日,特別係我的honey 🍯♥。。。愛死你哋😘😘😘」呢個「我的honey」真係好閃囉⋯

入晒屋

早前Benny父母結婚40 周年,Toby 亦有份出席到賀,Benny 更攬住女友合照,非常溫馨! 除咗識氹老人家,陳庭欣更同 Benny 與前妻所生的兩個兒子 相處融洽,入門似乎冇阻力!

男友晒合照派定心丸

公開戀情初期,有傳新歡Benny本來亦有個𡃁模女友劉依靜,Toby本人同男友唐偉倫未分手就另結新歡。Toby回應時強調自己冇一腳踏兩船,唔係「小三」,拒絕再食「死貓」,仲罕有地多次喺IG貼同男友合照,分明係要話畀全世界知佢係正印。面對女友狂發功,Benny近日終於喺IG貼上同Toby嘅合照,以正其女友嘅地位,Toby收到定心丸,開心晒啦!

對戀情向來低調嘅陳庭欣,早前罕有地喺社交網公開同富二代男友楊振源(Benny)行山合照。

記唔記得劉依靜?

報道稱Benny本來有位正印女友劉依靜(Ruby),但現時男方和陳庭欣發展中,令陳庭欣有當小三之嫌。劉依靜係邊個?咪就係當年曾介入過周永恆同趙頌茹婚姻𠴱位囉!所以唔少網民都話,「剃人頭者,人亦剃之」……

劉依靜回覆傳媒時,表示事情已經告一段落,大方讚陳庭欣又靚又叻,表示陳庭欣只想遇到簡單的愛情,但言詞間寸爆陳庭欣耍手段有機心。

陳庭欣出海開船P狂晒「胸器」

近日開始入秋,不過一眾女藝人依然無懼涼意,繼續出海大搞船P!陳庭欣(Toby)就約埋成班女藝人朋友如莊思明、李君妍、尹詩沛、譚嘉儀等出海,同時仲開埋big big channel進行拍攝,齋睇相都夠涼透心!

心情大靚嘅Toby著上印有鸚鵡圖案嘅三點式,輕鬆雙手舉起V字手勢,睇見就知佢有幾開心!而且,佢仲上載一張近鏡相,大晒33.5C蜜桃胸,非常吸睛!

難得有機會可以換上泳衣大騷身材,Toby一於著住套鸚鵡比堅尼四圍行兼拍片,但相信唔少人個目光都會唔覺意落咗喺佢嘅「胸器」上!

Toby拎住部電話喺船上四圍影。
不時仲微微嘟起個嘴。

李君妍逼到谷胸上陣

一向有身材嘅李君妍雖然就冇換上泳衣,不過著上吊帶背心嘅佢依然間唔時會不經意咁露出條長長事業線,同樣非常養眼!

李君妍又點會輕易俾Toby獨領風騷呀!
唔知係咪太大風嘅關係,李君妍同尹詩沛對眼都係矇住咁拍片,相當搞笑!

可能為咗可以一張相影哂四個人,大家逼埋一齊坐,令尹詩沛個膊頭壓咗落李君妍個胸度,搞到對方個胸差啲谷到上條頸!

白雲(左起)、李君妍、尹詩沛及陳庭欣個個都好好身材!
成班靚女齊齊哂靚相。

延伸閱讀:

蘇民峰2019豬年生肖運程(虎、兔、龍篇)

關注我們Facebook專頁
    相關新聞
      更多瀏覽