張曦雯:「我值得捧!」 懶理外間指被捧做新花旦
2018年12月24日18:16

宅男女神張曦雯 (Kelly),28歲、樣靚身材惹火,入得廚房仲要打得機,被網民譽為Package「正到犯晒規」,難怪無綫出動多套劇力捧,今次她大談神秘身世、上位之路以及擇偶要求!

撰文:東方新地|圖片:東方新地、張曦雯微博

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(蛇、馬、羊篇)

張曦雯工作量大增

張曦雯因劇集《跳躍新生命線》爆紅而為更為人熟識,最近名利雙收,「以前大家見我,淨係覺得我係明珠台,可能噏唔出我個名,但依家大家見到我係好開心,同我講好掛住我個角色,所以係好開心!」,Kelly坦言自己亦好滿足現況。

張曦雯
張曦雯
張曦雯
張曦雯

同時,Kelly亦指自己工作量比以往更多,現在正忙於拍攝邵氏出品的新劇《 飛虎2 》,「第一次唔係拍 TVB 嘅劇。我嘅角色係一個女特工,同黃宗澤有感情線,無乜太多打鬥場面」,未知若然Kelly變做打女大家又會點睇呢?

Kelly爆於新劇會同黃宗澤有感情線!

問到會否擔心與黃宗澤傳緋聞,Kelly就說:「拍之前我哋都識嘅,因為我哋之前係同一個經理人。我哋啱啱喺英國外景返嚟,都 OK,無乜嘢呀!」,直指雙方冇過電!

懶理外間指被捧做新花旦

對於獲公司力捧,Kelly即言:「我做得好點解唔捧我?咁都要我自己努力嘅,我覺得公司如果睇到有潛質嘅,唔會唔捧㗎嘛!我都相信我接每一套我都有進步嘅,相信公司係睇到嘅,每次公司畀咩角色,我都做到最好,咁就為我帶到下一個機會。」

kelly 劇接劇,好忙呀!

唔想簽TVB?

Kelly說:「好細個志願係做香港小姐,細個我攞條毛巾披住,戴頂帽當係后冠,但大個咗之後,我中學嗰段時間,變咗好男仔頭,嗰時我想去學廚,因為芝加哥有藍帶學校。」,小時候的志願好像往往與現實有距離。

Kelly雖然被稱為宅男女神,但原來實際她也是位享受留於家中的女生,「仲拍緊《港生活·港享受》嗰時就好update,但依家我完全脫節,同埋出到去 我又大壓力,我唔係好顧形象,講嘢動作好大,所以我寧願約朋友返屋 企,或者去人哋屋企,可以自由自在。」,女神也有不為人知的一面,平日與平常人無異。

Kelly平日亦喜歡留在家中。

煮中餐、西餐都得的Kelly直指「嚟咗香港之後,得自己一個人,就開始煮中餐,都係家常便飯,番茄煮蛋、西芹雞柳嗰啲。整甜品,曲奇、蛋糕、批,對我嚟講,好專注整一樣嘢,會唔記得晒啲煩惱,但最憎就係要洗碗。」,整食物能令她暫忘所有煩惱。

入行因由

提到為何當初會去選美,Kelly表示:「嗰時做緊model做咗兩年,諗住攞個名銜,攞到個名,就可以做名人界別嘅模特兒,點知贏咗要返嚟選中華小姐,選中華小姐要同模特兒公司解約,初時我都唔想,但係媽咪話試吓啦,所以最後選咗。」

Kelly續說:「之後做電視主持,對我嚟講係好難嘅工作,嗰時中文唔係講得咁好,又唔識講嘢,每次做完主持,做得唔好,返到屋企我就會喊,好大壓力。我覺得最好嘅訓練就係喺電視見到做得幾樣衰、幾唔好,跟住就會好想改,就會進步得好快。」,想改進而帶來進步。

入無綫後,做了四年主持才獲安 排拍劇,「我嗰陣時唔開心無得拍劇,但依家睇番,我等咗咁耐至有得拍劇其實係最好嘅安排。因為我有咗之前嘅經驗,拍劇至冇界人鬧。」

訪問中,Kelly自爆自覺自己適合做模特兒,「為我化一個唔同嘅妝,可以係另外一個人,我嗰時拍銀行廣告,我係可以同時間幾間銀行嘅廣告全部都係我嚟,仲係無人認到。我又可以行騷,又可以影硬照,所以都多嘢做」。

「選完華姐,TVB offer 合約畀我,我無簽,因為我覺得我唔適合做電視,爹哋媽咪覺得TVB 起碼係大公司,所以最後都簽咗。」,現在Kelly這麼紅,看來其家人的確為Kelly做了一個好決定。

Kelly直指:「做主持工作雖然唔係好出名,但出面做主持、司儀幫我賺到好多錢,一路生活都舒服嘅。但同時亦好渴望拍劇,因為我成日覺得自己做主持唔叻,一要公開講嘢我就好驚,但拍劇係做另一個角色,我就會覺得好舒服,所以都好想拍劇,但自己經驗又唔夠。」,似乎Kelly的擔心是多餘的。

提到想要合作的演員,她坦言:「我覺得佘詩曼好正,我聽高Ling(高海寧)講佢好 nice、好照顧新人,如果可以跟佢學吓嘢就好嘞!」

因打機被睇中

網民封Kelly做「 打機女神 」,她反而笑言:「因為我有個細我五年嘅細佬,我哋一路長大都係打機,所以我好男仔頭,但無諗過會有咁多 attention,大家一般覺得我好斯文、好靜,就係打機呢樣嘢令到監製見到原來佢係咁㗎,就有多啲機會!」,

去年,直播打電視遊戲如《生化危機惡靈古堡》、《榮耀戰魂》等,流利英語粗口兼打機時的真性情,震撼宅男界,被封「打機女神」。

中學時期係Rock妹!

樣貌偏向鬼妹仔的Kelly指:「我太爺個樣係好鬼佬,係比我更加mix,我睇番相,成家人得我一個似我太爺。中學嗰陣好男仔頭,夾 band、彈結他,我成班朋友都係男仔,成日去搖滾騷。我啲頭髮一半金色、一半黑色,又戴脷環,嗰陣好癲,同依家完全兩回事。」,真的意想不到!

對於多不多男生追求,她則指:「又唔係好多,我追男仔囉!」,另外,她又透露自己對於著比堅尼的style有變,「因為香港個 standard 有少少唔同,所以都唔可以咁隨意,之前我會隨意啲嘅,我覺得都係正常啫,係女人都有嘅,唔係咁特別啫!」,只怪外國與華人社會的開放程度不一。

從不吝嗇身材,常在社交平台晒水著泳照派福利。對身材被指火辣:「正常啦!」

有人指「 樣貌持續進化 」,質疑Kelly整容,她反指:「網上面流傳咗一批相,就係我最樣衰嗰陣時影嘅,嗰陣又唔識化妝啦、又肥肥地,大家就focus喺嗰幾張相度!

13歲時的童年照,已可見十足的美人胚子,被指靚到離地。
早前曝光的舊照,卻被評「樣貌持續進化」,惹來 整容之嫌,「都係靚先有人話整容啫,哈哈哈!」

她又自爆自己16歲時,曾有147磅,「其實我平時唔係成日都做運動,我呢排開始多咗做運動。16歲,嗰陣日日返學係咁食朱古力,肥到一個點,連我爹哋都叫我減肥。」

有能力自給自足

問到揀男朋友的要求,Kelly話:「我自己賺錢能力都高嘅,我唔需要佢好有錢,起碼要同我一樣,因為我自己都好strong,我想個男朋友都係同我一樣咁strong、咁獨立,先至會令我覺得佢好吸引!咩國籍都得,高過都好嘅,我想佢孝順!」,大家知道要點做啦!

續說:「都鍾意好善良、心地好,唔好太多機心。因為呢行已經夠複雜,所以我想搵一個簡單嘅。圈中嘅男仔好似同我想要嘅嘢有少少出入,喺圈中搵個 好簡單嘅男仔好難,我會好擔心,因為我鍾意男朋友好專 一,如果係行內人,身邊太多靚嘅人、太多誘惑,所以如果同一個男藝人拍拖,我覺得會幾辛苦。」,Kelly都會擔心圈中誘惑太多!

至於會否好難先追到Kelly,她則表示:「其實我自己都可以提供畀自己好優質嘅生活,譬如我買新車,又畀人講係人哋買畀我,我覺得我唔需要囉!架車我都要供㗎!我覺得點解一個女仔搵到錢而買到自己鍾意買嘅嘢要畀人話,我都好辛苦搵錢、儲錢,點解會畀人講唔係我嘅努力而得到!」,大概不少女生亦曾經遇上追個情況及出現這種想法!

然而,Kelly表明不接受有家室男士追求,「一路都有男仔想識我,但有老婆嘅男士追求就梗係唔得啦,我都唔會有興趣囉!同埋我鍾意自然啲,唔鍾意人哋介紹,會好尷尬。我都唔強求或者唔急。」,相信Kelly好快會遇到命中注定的一位!

張曦雯演《跳躍生命線》人氣急升

無綫台慶劇《跳躍生命線》已經大結局,不過唔少人議論紛紛,其中只係第三次拍劇的張曦雯,本來樣貌身材已經超班、演技進步不少,而且角色討好而備受關注。大結局中張曦雯遇交通意外受重傷,幸好最後冇事!大團圓結局!

張曦雯
張曦雯
其實張曦雯只係第三次拍無綫劇!
張曦雯
張曦雯
同馬德鐘呢一對備受觀眾喜愛!
馬神以為張曦雯已死,喊到死去活來!
張曦雯
張曦雯
好彩最後冇事!

2012年華姐冠軍

1990年出世的張曦雯今年28歲,樣子標緻、笑容甜美,不單上圍豐滿,身高175cm的張曦雯更擁有一雙修長美腿,完美!2012年參選「國際中華小姐」,張曦雯以半冷門姿態成為勇奪冠軍,同年更代表香港出戰「2012年世界小姐競選」,係繼1988年李嘉欣和2000年郭羨妮後,第三位參賽的佳麗。

當年的11號佳麗。

張曦雯
張曦雯
戴上后冠更具仙氣!
張曦雯與華姐師妹鄧佩儀,兩人近年都受大台力捧,愈來愈多劇拍!

高貴氣質太「離地」

卸下華姐冠軍后冠後,張曦雯便與無綫簽約,更因操得一口流利英語而獲委任明珠台《港生活·港享受》及翡翠台《東張西望》時段內的《Pearl Tonight》主持,開始為人認識。舉手投足散發高貴氣質,加上被指靚樣太「離地」,張曦雯漸漸與女神劃上等號!

高貴氣質呢家嘢,真係冇得扮。
《Pearl Tonight》令張曦雯更為人認識。

原來家庭背景僅只「一般般」?

不過近日有本地媒體爆料,外表十足ABC又離地的張曦雯,家庭背景僅只「一般般」,有指佢小學四年級先移民美國,父母都屬草根階層,移民前居住喺黃大仙下邨公屋。張父任職技工,張母則幫人做Facial,與親友合資經營美容舖,收入只係一般。

爆料者仲話,張曦雯本來叫「詠欣」,直至兩歲先搵相士指點,改做「曦雯」;「而家父母憑女貴,都證明當初個相士好靈啦!」

《律政強人》嶄露頭角

去到2016年,張曦雯終於迎來第一次拍劇,在《律政強人》中飾演潘希文(Libby),與一眾前輩如方中信、廖啟智及李佳芯等合作,雖然戲份唔太多亦未見太突出,不過仍獲得觀眾留意,特別係讚佢外形好適合做律師!

《7日羅曼史》演最強小三

另外於港韓合作拍攝的短劇《7日羅曼史》中,張曦雯飾演黃翠如的大學同學兼多年老友,不過竟然搭上好姊妹嘅男友陳智燊!而且喺劇中嘅衣著打扮夠晒進擊,首先以開窿低胸晚裝岀場,又喺翠如BB面前同陳智燊扮唔識,個帶少許奸詐的笑容真係好嫵媚!

睡衣誘惑

之後到deep V薄紗睡衣出場,令人不禁想入非非,難怪陳智燊會俾佢撬走啦!

辦公室偷情

之後張曦雯同陳智燊上演辦公室激戰,坐喺對方大腿上面錫到鼻都甩咁滯,非常火辣!好睇到想再encore!一班男網民睇完都讚張曦雯完全冇得輸,仲話想搵佢做小三多過做女朋友!

愛人結婚了 新娘不是我

全不知情的翠如BB一心以為可以同陳智燊繼續走下去,誰不知對方已經決定同另一人結婚,仲要係自己十幾年好姊妹!遇到呢啲場面,就好似張曦雯劇中句對白:「到依家都冇咩可以解釋啦。」

主演劇集排住隊出街

《跳躍生命線》其實只係張曦雯成當家小花的第一步,嚟緊仲有《金宵大廈》、《白色強人》、《解決師》,以及重頭劇《飛虎之雷霆極戰》,令人期待!

《白色強人》演醫生。
仍在拍攝中的《解決師》。
《金宵大廈》已經拍完。
亦有份參演重頭劇《飛虎之雷霆極戰》。

《3日2夜》大解放

除了演出劇集,真正令張曦雯深入民心一定係2016年底《3日2夜》!大家都知呢個節目專出女神,而大家亦志不在觀看旅遊資訊,梗係睇索女啦!張曦雯喺節目中大解放,盡情展現噴血身材,無得輸呀!

直播打機爆粗

有着華姐冠軍的美貌與氣質、外國回流英文一流,張曦雯雖然個人背景及美貌都被指離地,但原來都有非常麻甩的一面!佢就試過直播自己玩喪屍遊戲《Resident Evil 7》,高峰期有逾2千人收看!

真性情女神

大家唔好以為女神打機只係「做樣」,唔少網民都讚佢玩得有板有眼,技術到家,最重要係流露真性情!見到素顏戴眼鏡的張曦雯打機時非常肉緊,表情多多,時而大笑時而扁嘴,玩得興起時仲狂爆英文粗口!佢玩得high之餘,網民睇得更high!

廚藝滿分 入得廚房出得廳堂

最近張曦雯上《美女廚房》,除了有人人讚的滿分廚藝外,仲勁識冧掂評判,放電、飛吻、撒嬌通通齊,唔使講嘢啦,10分!

女神飛吻,邊個頂得住?

節目上關楚耀向張曦雯不斷獻殷勤,別有用心喎!

張曦雯都不時向評判交流,拉近關係。字幕都話:「靚女係有著數」啊!

靚女就係連介紹醬汁都特別sweet!關楚耀立刻忍不住想要試啦!拉都拉不住。

延伸閱讀:

蘇民峰2019豬年生肖運程(虎、兔、龍篇)

關注我們Facebook專頁
    相關新聞
      更多瀏覽