林作撻著會考零分裕美斷正 搞散人鬼戀!
2018年12月23日17:00

呢頭電視台食家黃子恆上得山多終遇虎,被指搞大內地女粉絲個肚,而黃子恆兩年前兜搭之人妻裕美亦湊熱鬧,同日宣布與相戀一年老外男友 Alex 分手;嗰頭教育界食家林作亦與裕美傳出緋聞,無獨有偶,林作前度麥明詩早前又同黃子恆在劇集《 是咁的,法官閣下 》演一對。裕美否認新戀情時引用網友金句「 揸開林寶堅尼,點會揸本田 」,不過呢對緋聞男女呢頭否認完嗰頭又被本刊撞破同車私會,事實證明前度係10優港姐現任都可以係會考0分,揸開林寶堅尼,點解唔可以揸本田?

撰文:東方新地|圖片:東方新地、instagram

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(虎、兔、龍篇)

宣布同老外男友分手

本月初 (1日 ),「是日本人」裕美手持日本護照在個人IG出po,表示出發吉隆坡工作,重點除咗個日本護照,仲有句Hashtag「一個人也能好好過」正式宣布同老外男友Alex分手。

共設愛的帳戶分享放閃圖片,裕美同 Alex最後一次個 IG放閃已經 係9月初。

林作撻著會考零分裕美斷正

其實裕美回復單身之前,已有新戀情傳出,有傳人鬼戀被才子林作介入,與Alex分手前一個月,林作初次在飯局見面即主動出 擊、爛 gag 求關注又深夜短訊求交心,萬試萬靈老土舊招又得米。當時裕美否認新戀情又避 口不談與Alex感情現狀,不過如今公布回復單身,對外態度180度轉變,日前她與林作相約在跑馬地撐完枱腳再結伴前往灣仔會友,就被本刊全程撞破。

▼上月中已經有傳林作無懼裕美老外正印Alex,第一次飯局見面後已出招追求失婚裕美。月初裕美正式宣布回復單身,二人世界撐枱腳被本刊撞破。
林作同裕美撐完枱腳同車到達灣仔時發現本刊記者,裕美落車做先頭部隊,翹起手怒視鏡頭,猶豫是否繼續行程!

林作和裕美撐完枱腳去到停車場泊好車,二人終於發現鏡頭,猶豫於上樓定原車走人之間遲遲未能做決定。記者上前單刀直入問二人是否拍拖,林作全程哈哈大 笑,交畀裕美回答問題:「 乜你覺得我哋似拍拖咩?( 重複三次 )你唔係真係覺得我哋 兩個襯呀嘛!都話唔係拍拖囉!不如你哋問吓佢有幾多女先啦!」

蹤曝光,林作同裕美又改變主意,落車上樓繼續原定計劃,推門入電梯大堂時,林作幫手開門又開路,相當殷勤。

二人拖拖拉拉十分 鐘才一鼓作氣落車上寫字樓,表示食完飯傾公事再由林作順路車裕美往灣仔見朋 友,睇佢哋尷尷尬尬又難掩喜悅表情,唔認拍拖都冇人信啦!

面對記者提問,林作全權交畀裕美應對,自己則哈哈大笑,而對於新戀情,裕美再三反問:「你覺得我哋似拍拖咩?」

前度麥明詩有咩講?

本刊致電林作舊愛麥明詩,亦大方回應:「我哋有好多共同朋友,都係會聯絡 , 但係就唔會講啲太私人嘢。(林作另一半由10優港姐變會考0分裕美)哦 …… 我都係嗰句,考試成績唔代表一個人智慧!我覺得大家都年輕,多個選擇,唔好畀硬性條件規限自己。」

View this post on Instagram

26歲開始的並不燦爛 – 還記得我去年生日時因個人經歷及輿論壓力感到巨大的挫敗感和傷痛,往後幾個月更續於自我矛盾及迷茫中掙扎著。但這段時間給予了我機會去生活和成長 – 因爲生活就是有黑有白有笑有淚,成長就是在黑暗中仍展望明天太陽會出來,並且在陽光下知道黑夜將又會來臨卻能處之泰然… 26歲的下半年,我收到好多禮物 – 拿到資格、遇到一些貴人、參與的劇集播放、迎接更多的節目及拍攝。這許多的禮物,去年給我的話我可能會覺得理所當然,但今年的功課讓我學懂每一件好事都要好好珍惜。 生日願望?不是明年順利開心 – 反而是明年能在不順利中仍懂得開心 – 因為pessimistically optimistic來說:「it could have been worse」。 #生日快樂

A post shared by Louisa Mak 麥明詩 (@louisa_mak) on Dec 10, 2018 at 6:50am PST

至於分手後林作不停換畫,剛過26歲生日的麥明詩自認身邊有不止一 個追求者:「 都係了解中,呢幾年成日畀人傳,傳得多我都覺得不如去馬搵個真,不 過暫時未有囉 ……」去馬唔緊要,最緊要帶眼識人,唔好係黃姓食家!

同10優港姐麥明詩分手後,前大 律師林作轉型成為藝人,還放開懷抱逢女即撩,前度麥明詩就話 二人雖然有聯絡,不過不會交流感情狀況。

06年會考成績只得0分,演藝事業發展亦保持暗淡無光,不過裕美入行以來緋聞多多,其中一個舊愛黃子恆日前爆出醜聞,裕美亦即時在 IG宣布與老外男友Alex分手贈興。

16年裕美被揭背夫搭上黃子恆,其 後單方面宣布與林恩浩離婚同時被黃子恆斬纜;近日黃子恆在劇集《是咁的,法官閣下》與麥明詩一 段情備受注目,卻同時傳出搞大內地女 fans肚,加埋林作,四人關係千絲萬縷!

偷食藝人黃子恆搞婚外情 裕美:「搞緊離婚。」

「Yamete~Yamete~搭錯車!」一聽到呢句歌詞真係好多回憶浮現出來,歌手和田裕美2014年嫁畀教友老公林恩浩,自此淡出娛樂圈,好一段日子冇在公開場合露面。不過裕美冇見一排後索咗勁多,下巴尖一尖,以前包包面離奇消失,唔講你真係未必認到佢呀!人妻愈變愈索,連感情生活都愈來愈精采,有報道指佢背夫偷食無綫藝人黃子恆,兩人齊齊去街市買餸返屋企煮飯仔,裕美之後更在男方屋企過夜!

偷食
偷食

裕美當年公認係肥妹仔一名,包包面已成其標記,點估到如今有咁大變化!

依家的裕美樣靚咗下巴又尖咗,甜美笑容配一把秀麗長髮,連身材都好索!

有報道指裕美與吳若希過氣緋聞男友黃子恆關係匪淺,兩人齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!

據知裕美以往不時在網上分享與老公的合照,但近日已鮮有咁樣做,似係感情轉淡的跡象!

對此裕美就表示當日係假期,所以一大班人開大食會,同行亦有其他幕後人員。一行人大約在八、九點離開,佢並沒有留低過夜。佢又話自己正拍攝劇集《心理追兇》,雖然同劇沒有黃子恆,不過自己好多嘢唔識,要向對方請教。最後佢話唔會理其他人點講,正如有人話佢整容一樣,佢唔會去理。

之後被問到老公會否介意,裕美就驚爆已經搞緊離婚!佢話自己已單身半年以上,現在辦離婚手續,不過就唔回答是否出現第三者,只係話兩人性格出現問題,曾經試過挽救呢段婚姻,但最終都係解決不了。裕美話剛剛簽咗新經理人,會拍劇重新出發。

裕美撻著有米外藉男友

事業愛情兩得意的裕美單拖遊街,去到藥房門口研究一陣買吓零食入吓貨。話說今年就滿30歲,裕美頭髮長咗、上圍又豐滿咗,多咗唔少女人味之餘,有愛情滋潤後人都靚咗,腰間其實亦都多咗小小肉地,呢啲唔通就係幸福肥?

裕美
裕美
今年就快滿30歲,裕美日前出動遊街,不過身邊就唔見熱戀中靚仔又有米的外籍男友Alex。有愛情滋潤嘅裕美亦開始多咗啲幸福肥,上圍有睇頭咗,不過條腰亦都粗埋。
裕美
裕美
一個人去到鬧市,一身便服又聽住歌,同老外拍拖的裕美連打扮都西化隨意咗。

據知,裕美男友Alex係英意混血兒,家住半山豪宅,身家豐厚而且事業有成,曾在一間大型私人銀行任投資工作,現在是本地一間外語學校的創瓣人。

裕美
裕美
兩年前失婚後又同黃子恒再無下文,裕美去年承認身邊有個老外新歡Alex,兩位仲一齊開IG放閃。

裕美
裕美

裕美
裕美
裕美
裕美

裕美
裕美
裕美
裕美

裕美驚爆背男友搭上林作

有人透露裕美同麥明詩前男友林作喺舊年拍攝時認識,林作見到裕美即刻起晒痰仲主動撩傾偈。裕美亦主動交換電話同IG兼主動msg林作,顯得好合拍。有指二人曖昧一年,裕美上個月請林作做直播嘉賓時撻著,林作仲話要同裕美表白,嚇到裕美好驚畀男友見到。

林作喺直播時對著鏡頭講:「我今晚上嚟係想教大家一堂課,叫橫刀奪愛!」仲話阿媽教佢遇到鍾意嘅嘢就去搶,嘩講得咁明顯,係咪姐係想喺人手上搶裕美返嚟呢?點知林作竟然直接叫裕美同男朋友分手添!

View this post on Instagram

好心分手吧,裕美!just break up

A post shared by Jolam 林作 (@jolamchok) on Oct 19, 2018 at 8:11am PDT

林作仲喺社交網站發出一張同裕美嘅合照,嘟起個嘴仔,寫道:「我喜歡妳#放心沒有人信」。裕美就唔知係甜笑定係尷尬笑喇……

View this post on Instagram

我喜歡妳 #放心沒有人信 @wadahiromi

A post shared by Jolam 林作 (@jolamchok) on Oct 16, 2018 at 10:19pm PDT

林作喺社交網仲寫:「我嘅女友美美。」有指「美美」就係林作對裕美嘅暱稱。

被指秘撻裕美,林作都有出Post回應,不過一方面又要做得咁出面,另一方面又澄清,真係好矛盾啊!

延伸閱讀:

Selina公開變瘦秘訣 3個月體脂30%減到21%!

關注我們Facebook專頁
    相關新聞
      更多瀏覽