李璨琛:「但可唔可以唔好…」 8個月大囡囡識叫爸爸
2018年12月19日18:15

娛樂圈最近又有一個藝人BB吸引網民關注,佢就係李璨琛(Sam)同太太梁志瑩(Pae)嘅女女李元元(Lucy)。爸爸媽媽一得閒就喺屋企照顧元元,仲經常將佢哋嘅互動放上網大哂溫馨。

撰文:東方新地|圖片來源:李璨琛IG

延伸閱讀:

Selina公開變瘦秘訣 3個月體脂30%減到21%!

傅穎形容自己「易容術」高超 巴打:仲唔係2019年版! 

李元元識叫爸爸喇!

轉眼間Lucy就嚟9個月大喇,除咗個樣轉變之餘,仲學識叫爸爸!Sam喺Instagram上載嘅一段片段,片入面嘅Lucy不斷嘗試叫個「爸」字,仲整到成面都係口水,真係好得意!而Sam都喺片入面笑佢噴口水:「第一次聽到你叫爸爸的我表示很開心,但可不可以唔噴咁多口水呀Lucy#第一聲爸爸」!

0
0

其實Sam自從3月升格做爸爸之後,就經常喺IG同大家share女女嘅成長經過,每張相入面嘅元元都眼仔碌碌,臉豬脹卜卜咁,大受歡迎。

View this post on Instagram

去街街啦 #Saturday

A post shared by 李璨琛Sam Lee (@becarefullee) on Sep 22, 2018 at 8:53pm PDT

之前,半歲未夠嘅元元俾爸爸李璨琛認為似秦煌,仲上載咗張囡囡近照上網,仲要將秦煌嘅相放近囡囡,等大家可以做個對比。驟眼睇,又好似有幾分相似,唔知秦煌睇到會唔會有意思,想認下元元做契女呢?

爸爸除咗好錫個女之外,仲有話阿女個樣似秦煌,有次仲話同洪金寶撞樣,實在惹笑!

0
0

太太唔認同似秦煌

雖然老竇就覺得元元睇落似秦煌,但媽咪梁志瑩就有唔同睇法,皆因早幾日母親節,梁志瑩就放咗張元元嘅相上網,並留言話元元個樣都終於冇咁似技安!唔知大家睇完覺得元元似秦煌多啲,定技安多啲呢?

技安。

李璨琛首次為囡囡沖涼

早前梁志瑩不單至在社交網上放出一張囡囡的「出浴照」,並用星星圖案遮住囡囡嘅身體,又大爆老公係第一次幫囡囡沖涼咁話。相中可見元元眼定定咁望住爸爸,畫面有趣。

李璨琛囡囡鬼馬吹口哨

其實佢哋兩公婆亦不時上載囡囡的BB相上網,相中睇到元元細細個就已經非常趣致,佢已經識合埋雙眼,口形更好似扮緊吹口哨咁,認真鬼馬~

元元作狀吹口哨咁,真係好得意呀~
爸爸李璨琛喂元元飲奶。

李璨琛歡喜囡囡

李璨琛嘅囡囡早前出世了,他於Instagram貼上女兒的小手,並宣布「Welcome to this world my sweet!」

延伸閱讀:

視帝扮乜都入型入格!黎耀祥 頹look演過氣殺手

關注我們Facebook專頁
    相關新聞
      更多瀏覽