【可愛到暈】李璨琛囡囡學識叫爸爸 意外撞樣洪金寶
2018年12月18日19:28

藝人李璨琛(Sam)同太太梁志瑩(Pae)今年3月榮升做爸媽,李璨琛有女萬事足,一有時間就留喺屋企陪呢位前世情人李元元(Lucy)。早前,老竇晒相話元元個樣似演員秦煌因而引起網民關注。眨下眼囡囡已經八個月大,最近,李璨琛上載愛女相片話佢似洪金寶,唔知第日囡囡大個睇番會有咩反應呢?

撰文:Chloe | 圖片:李璨琛IG李元元IG、梁志瑩IG

延伸閱讀:

【好感動!】結婚誓詞的意義 6段最真摯動人的明星誓詞

【童星兄弟】「大喊十」浸大畢業 王秉熹奪全球大學電影獎

李璨琛囡囡8個月 學識叫爸爸

李璨琛自今年3月升呢做爸爸之後,經常留喺屋企照顧愛女元元,仲為愛女開設個人IG,不時喺同大家開心Share囡囡嘅成長點滴。眨下眼,元元已經8個月大,仲愈大愈可愛,年紀細細就擁有2萬幾個Fans。

View this post on Instagram

我是被逼的。

A post shared by 李元元🐷 (@lucy.is.good) on Jun 24, 2018 at 4:02am PDT

可愛囡元元表情多多,超精靈,難怪老竇有女萬事足啦。

View this post on Instagram

又係時候飲奶奶,好開心🤤

A post shared by 李元元🐷 (@lucy.is.good) on Aug 26, 2018 at 9:34pm PDT

流著口水嗌爸爸

相當搞笑!昨日,李璨琛喺社交網分享咗一段Lucy嗌爸爸嘅片段,片中見Lucy面珠脹卜卜,仲口擘擘流晒口水咁不停嗌「爸、爸、爸」,相當搞笑!聽到寶貝女第一次嗌爸爸,老竇當然開心,但都不忘取笑阿女噴口水:「第一次聽到你叫爸爸的我表示很開心,但可不可以唔噴咁多口水呀Lucy#第一聲爸爸」

李璨琛囡囡意外撞樣洪金寶

早幾日,李璨琛晒相話元元個樣似洪金寶,相中元元唔知望咩望到好入神,仲「擘大個口得個窿」,老竇不時都搞笑用「元美」、「狀甚似波」形容阿女,惹笑網民。

李璨琛B囡似秦煌

最近,半歲未夠嘅元元俾爸爸李璨琛認為似秦煌,仲上載咗張囡囡近照上網,仲要將秦煌嘅相放近囡囡,等大家可以做個對比。驟眼睇,又好似有幾分相似,唔知秦煌睇到會唔會有意思,想認下元元做契女呢?

View this post on Instagram

😂😂😂😂😂😂😂😂

A post shared by 李璨琛Sam Lee (@becarefullee) on May 15, 2018 at 4:25am PDT

太太唔認同似秦煌

雖然老竇就覺得元元睇落似秦煌,但媽咪梁志瑩就有唔同睇法,皆因早幾日母親節,梁志瑩就放咗張元元嘅相上網,並留言話元元個樣都終於冇咁似技安!唔知大家睇完覺得元元似秦煌多啲,定技安多啲呢?

李璨琛B女未夠半歲激似秦煌!
李璨琛B女未夠半歲激似秦煌!

潮男甘願為女兒改變

想當年的潮界男神今時今日已經成功變身成為顧家男。外表愛玩、不羈的李璨琛,同時裝設計師老婆梁志瑩(Pae)已經一齊10年有多,而且非常恩愛。看似壞男孩的李璨琛,原來一個愛家、專一男,更在前世情人李元元誕生後,報班上堂學做新手爸爸,超級有愛!

李璨琛經常係社交網大晒女兒得意相,仲好有心思咁為每一張照片配上「搞笑」對白,慈父樣出晒嚟!

一向型爆嘅潮爸李璨琛,都甘願為女朝聖Baby Shark。

李璨琛首次為囡囡沖涼

早前梁志瑩近日不單至在社交網上放出一張囡囡的「出浴照」,並用星星圖案遮住囡囡嘅身體,又大爆老公係第一次幫囡囡沖涼咁話。相中可見元元眼定定咁望住爸爸,畫面有趣。

李璨琛囡囡鬼馬吹口哨

其實佢哋兩公婆亦不時上載囡囡的BB相上網,相中睇到元元細細個就已經非常趣致,佢已經識合埋雙眼,口形更好似扮緊吹口哨咁,認真鬼馬~

元元作狀吹口哨咁,真係好得意呀~
爸爸李璨琛喂元元飲奶。

李璨琛歡喜囡囡

李璨琛嘅囡囡早前出世了,他於Instagram貼上女兒的小手,並宣布「Welcome to this world my sweet!」

延伸閱讀:

全港53間直資私小學費一覽 10大學費最平直資私立小學

關注我們Facebook專頁
    相關新聞
      更多瀏覽