蕭正楠笑言被陳展鵬鄭嘉穎打尖|第一次求婚失敗收場?
2018年12月17日16:30

《萬千星輝頒獎典禮2018》今年最爆唔係獎項,而係蕭正楠喺台上宣布與黃翠如已經結婚!事後蕭正楠接受訪問,透露自己其實想公布喜訊好耐,但就被陳展鵬鄭嘉穎打尖!另外又自爆求婚過程,原來第一次失敗咗……

撰文:東方新地|圖片:東方新地、Edwin Siu 蕭正楠黃翠如 Priscilla Wong

延伸閱讀:

Selina公開變瘦秘訣 3個月體脂30%減到21%!

阿嬌婚禮藝人名單曝光 網傳畀2.5萬即可入場參加婚宴

蕭正楠已娶黃翠如

昨晚《萬千星輝頒獎典禮2018》中,蕭正楠與曹永廉憑《兄弟大茶飯》奪「最受歡迎電視拍檔」,並由黃翠如、洪永城頒獎。蕭正楠講得獎感受時,突然正式宣布已娶黃翠如為妻:「我要多謝,我太太黃翠如」令全場藝員同事超驚喜!

「最受歡迎電視拍檔」獎,當然要由黃翠如、洪永城呢對最佳拍檔頒獎啦!
蕭正楠
蕭正楠
蕭正楠與曹永廉憑《兄弟大茶飯》奪獎,本來都冇咩特別,點知……

「多謝我太太黃翠如!」

蕭正楠
蕭正楠
原來蕭正楠同黃翠如已經拉埋天窗!
蕭正楠
蕭正楠
翠如BB話頒獎禮進行中,唔好阻住人哋啦!

台上錫錫Sweet到爆

蕭正楠:「Sorry sorry,我係好心神恍惚…… 我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」

蕭正楠
蕭正楠
全場叫佢哋錫返啖先,二人都有求必應啊!
蕭正楠
蕭正楠
廣告時間蕭正楠攬住太太纖腰,二人笑到見牙唔見眼!
二人非常激動,其他同事都紛紛上前祝賀!
一眾本來坐低的小生花旦都驚喜到彈晒起身!

蕭生蕭太晒戒指

台慶頒獎禮結束後,蕭正楠與黃翠如齊齊上載一張二人戴上戒指的相片,兩公婆於藍天白雲下手挽著手,翠如BB透露:「他在過山車上向我求婚,我在河邊向他求婚。」雖然當時沒有連戒指都只係喺鄉村小市集隨便買,但係…「那一刻,我們什麼也沒有,但我們擁有了對方。」感動死小編啦!!

翠如BB話:「沒有衣香鬢影,沒有氣派場地,就連一對合尺寸的戒指也找不到,然後我們在一個鄉村小市集,找到一對用餐具弄出來的小戒指⋯⋯ 就這樣吧。」
翠如BB呢篇感話真係超動人!

黃翠如「愛的宣言」全文:

某時,某地。

他在過山車上向我求婚,我在河邊向他求婚。

某時,某地。

沒有衣香鬢影,沒有氣派場地,就連一對合尺寸的戒指也找不到,然後我們在一個鄉村小市集,找到一對用餐具弄出來的小戒指⋯⋯ 就這樣吧。

那一刻,我們什麼也沒有,但我們擁有了對方。

證婚人問我們,為什麼是對方?

他說,她是那一個,假如到了下輩子,她遺忘了我,我要大力拍拍她的頭,她就會記起我,然後我們又再在一起,她就是那一個人。

我說,他是那一個,每次我跌倒,他總是坐在我身邊,讓我哭着說流血很痛,到靜止下來,然後拖起我,繼續帶着我走,他就是那一個人。

我們給對方的,是陪伴的承諾。

沒有奢華的浪漫,但足夠。

我們不是羅大樹和花萍。

我們不是馮汐然和顧成雙。

我們是蕭正楠和黃翠如。

那一天,天空出現一道彩虹,這是最好的祝福。

蕭正楠亦上載同一張相片,簡單留一句:「你快樂所以我快樂」

蕭正楠忍口已久

蕭正楠凌晨時分接受傳媒訪問,佢就話其實冇好認真咁同太太翠如夾過,但自己就覺得都係時候要講,因為實在好難忍口,所以選擇喺台慶晚上公布!蕭公子又笑說好兄弟曹永廉出名口疏,講咗喜訊俾佢知後要落力塞住佢把口!

阿廉忍咗口咁耐,終於可以鬆一口氣!

「我同佢喺埋一齊,去到邊都咁開心嘅。」

問到兩人結咗婚幾耐?蕭正楠就話係今年的事,兩人都非常開心,好多謝媽媽及翠如父母的祝福。「我哋做咗一個旅行嘅婚禮,簽紙,好浪漫嘅,我同佢喺埋一齊,去到邊都咁開心嘅。」

婚禮都只不過係儀式,最重要係兩個人一齊!

俾陳展鵬鄭嘉穎打尖

蕭正楠表示結婚後其實都打算盡快公布,因為身邊的朋友、同事、記者朋友都不停追問幾時結婚。但蕭公子稱本來早前想公布,但陳展鵬與單文柔突然宣布有喜;之後再想講時,又到鄭嘉穎陳凱琳宣布BB要來了,俾佢哋打咗尖!揀無可揀下,最後選擇台慶晚上:「今晚我估冇人講啦啩!」

蕭正楠笑言先被煎Pang打尖!
之後又到嘉穎同陳凱琳!

第一次求婚失敗收場!

蕭正楠又稱與翠如喺暑假之前已註冊,更自爆求婚過程!原來蕭公子當時喺歐洲搵咗部最高速的過山車,諗住翠如冇得走,去到中途就叫佢望過嚟,準備拿出求婚戒指!點知翠如BB當時實在太驚,成個人定咗,所以蕭公子只好收埋戒指,第一次求婚失敗收場!

據知,兩人4月時到新西蘭註冊結婚。

會考慮擺酒

大家最關心當然係幾時擺酒啦!蕭正楠就表示原本冇呢個打算,只係簡單同屋企人食餐飯,但受到接近全台藝人的祝福後,笑言開始受到影響:「我見到身邊嘅同事好開心,佢哋話我一定要搞婚宴,俾啲時間我考慮吓啦,大家都好忙工作,佢又啱啱接咗新劇,要睇吓點。」

蕭公子同翠如會唔會考慮補擺酒呀?

37歲素顏見得人!黃翠如公開3大保養肌膚原則

延伸閱讀:

39歲周勵淇驚喜宣布婚訊:我們結婚了

關注我們Facebook專頁
    相關新聞
      更多瀏覽