奪獎即公佈喜訊 蕭正楠:多謝我太太黃翠如
2018年12月16日22:10

今日係TVB台慶,曹永廉和蕭正楠獲頒最受歡迎電視拍檔,而負責頒獎的正是洪永城和蕭正楠女友黃翠如。在講得獎感言時,蕭正楠突然爆出一句「多謝我太太黃翠如」即場公佈結婚喜訊!恭喜晒蕭正楠和黃翠如!

撰文:Kamen 圖片:無線電視截圖、黃翠如Instagram &微博、蕭正楠Instagram

延伸閱讀:

全港53間直資私小學費一覽 10大學費最平直資私立小學

【童星兄弟】「大喊十」浸大畢業 王秉熹奪全球大學電影獎

奪獎即公佈結婚喜訊

今日無綫台慶,洪永城和黃翠如負責頒「最受歡迎電視拍檔」,而得獎者是「兄弟大茶飯」的曹永廉和蕭正楠。蕭正楠在講得獎感受時講:「我今日有少少嘢想講,2018年喺我工作上有好多成就,拍咗好多劇好多綜藝節目,我人生道亦做咗好大決定,我好想趁呢個機會多謝我太太黃翠如」,即場公佈結婚喜訊。

曹永廉和蕭正楠憑「兄弟大茶飯」奪得「最受歡迎電視拍檔」。
蕭正楠突然爆出一句「多謝我太太黃翠如」,全場哄動。

現場即時哄動,人人起身拍手。蕭正楠繼續:「Sorry sorry,我係好心神彷佛,拍戲或有人嗌我都唔知,我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」黃翠如終於開口:「夠喇,夠喇,頒獎禮嚟㗎。」蕭正楠就聽話唔再繼續﹕「多謝大家畀呢個機會我講,多謝晒!」

蕭正楠感謝黃翠如令佢學識做個更加好嘅男人。
蕭正楠和黃翠如在台上親吻。

傳上年8月已有註冊計劃

其實早在上年已經屢傳婚訊,甚至傳出二人計劃於上年8月在外地註冊結婚。但後來公司安排佢哋拍《Do姐再Shopping》,所以先打亂咗佢哋嘅計劃。

早前蕭正楠與黃翠如一齊現身Big Big Channel節目,鏡頭前後都黐都實,人逢喜事樣都寧舍sharp醒。睇吓失戀洪永城,個樣似足冇水洗面,真係好大分別。

據悉蕭正楠提議8月喺外地先註冊,出年再補擺酒大搞,佢哋跟手已經向公司攞定出年大假,講明到時乜嘢大job都一律唔接。雖然翠如過往拍旅遊節目去過無數國家,但佢始終想與蕭正楠環遊世界 ,趁度蜜月努力造人,有望一年完成兩件人生大事。

上星期蕭正楠出席《深宮計》飯局,開席前與心姐謝雪心及張文慈雞啄唔斷,散席時佢刻意搭貨車立離開,一心避傳媒。
黃翠如貴為一線花旦,蕭正楠穩步上揚亦唔弱,無綫近年亦開綠燈畀佢哋以情侶檔搵錢,婚後更可名正言順夫妻檔酬勞幾級跳。

飛日本畀驚喜

月初身在橫店為《深宮計》拍外景的蕭正楠,知道可以提早煞科,即買機票飛去東京會合拍緊《Do姐再Shopping》的翠如BB,蕭公子本來諗住突然出現畀女友一個驚喜,點知畀朋友出賣爆料,翠如仲去機場嚇番佢轉頭!據知二人結婚的消息傳遍整個無綫,知情的Do姐鄭裕玲早前亦漏口風,對於《Do姐再Shopping》打亂二人假期,Do姐講笑話:「叫佢過埋嚟囉!結婚呀?咁我會拍埋佢哋返嚟,到時話畀大家聽,哈哈哈!」

黃翠如拍完《Do姐再Shopping》,到蕭正楠接力拍攝,據知為遷就二人外遊註冊,劇組已加快拍攝進度,提早放人。
今個月中,蕭正楠在橫掂拍完《深宮計》外景,即飛日本會合黃翠如,二人爭取時間蜜遊東京及北海道。
蕭正楠更在instagram上載在街頭的波鞋照,仲話帶女友去佢至愛的水族館。

蕭正楠激讚翠如:一個不能錯失嘅老婆!

上年蕭正楠與曹永廉為劇集《超時空男臣》做宣傳,蕭正楠接受本刊記者訪問,談到翠如現年35歲,係時候計劃結婚及生小朋友,蕭承認:「會嘅會嘅!我會好認真諗呢個問題。(有冇諗過以咩形式結婚?)簡單為主啦!為咗屋企人都要從長計議啲,要plan好啲。我會畀一個好難忘嘅回憶佢,需要時間諗諗。(同翠如鍾唔鍾意小朋友呀?) 鍾意,當然鍾意啦!」當被問到翠如係咪一個不能錯失嘅老婆?蕭正楠冧爆話:「當然啦,佢係一個好女仔。錯失佢嘅男仔,我都唔知可以點形容佢嘅錯。」晒死人咩!

曹永廉自爆做伴郎唐詩詠做伴娘

身為老友的曹永廉即場爆響口,話蕭正楠有計劃結婚:「其實我都聽過嚟緊呢兩年佢會結婚。(搵咗你做兄弟未?)有講過但我未應承,佢希望我做伴郎,睇吓我到時有冇時間啦!(睇住佢哋開始拍拖,有咩感想?) 佢哋係一對好甜蜜嘅情侶,好錫大家,成日掛住喺口邊,我知道佢哋冇乜鬧交,同埋佢哋好慳,各方面都好配合到,我都想佢快快脆脆結婚,生個小朋友啦!」問到知唔知好友以什麼形式結婚?佢話:「佢有諗但幾時實行我唔知呀!既然大家都認定佢哋係一對,隨時結婚亦都唔係一件奇事。」而身為翠如閨蜜的唐詩詠,都走唔甩會做伴娘陪嫁。

因為洪永城,黃翠如與唐詩詠變成好姊妹,二人早已約定將來結婚會互做陪嫁姊妹,據知黃翠如更指定唐詩詠做伴娘。

貼地夫婦 秘密睇樓

除了先結婚後造人,原來蕭正楠與翠如都想在將軍澳買樓築愛巢,據知前年二人不時低調秘密睇樓盤,目標主攻將軍澳區三房一廳單位,蕭正楠亦承認有睇樓,為的是方便返將軍澳電視城,不過至今仍未睇啱心水樓。而黃翠如亦向傳媒透露希望能儲夠首期買樓:「一直都希望買樓,但喺香港比較困難,之前我有睇過唐樓,我係師奶心態,愈等樓價就愈升。」

如果唐詩詠係「不能錯過的女友」,咁黃翠如一定係「不能放過的老婆」,傻更更的她唔物質、唔港女,肯陪男友素顏食food court,婚後亦一定係賢妻良母。

慳家翠如 拒靠富爸爸置業

黃翠如小時候家住馬鞍山恆安邨,爸爸黃永華於九龍灣經營魚檔,98年跟伯父、即聯旺集團(8217)主席黃智果做建築和裝修,並出任行政總裁,生活先開始富起來。雖然黃翠如父母喜歡買賣物業,現持有多個住宅及商廈單位,但翠如現時並冇物業,亦唔打算靠屋企畀首期置業,而蕭正楠名下只有現居的華景山莊單位。

黃翠如有個聯旺集團富爸爸,被封百億千金,但佢從來唔會洗腳唔抹腳,用的一分一毫都係自己辛苦工作賺回來,堅決不靠父蔭。

下一頁:林依晨結婚4年罕有放閃 甜蜜攬老公:你就在我身旁

0
0

明年4月預產期 岑麗香忍住唔睇BB性別保驚喜

0
0

延伸閱讀:

【好感動!】結婚誓詞的意義 6段最真摯動人的明星誓詞

關注我們Facebook專頁
    相關新聞
      更多瀏覽