鄧紫棋十年來輪廓宇宙化 最近驚變徐子珊!
2018年12月15日18:00

世事瞬息萬變,不過都唔夠圈中女星變臉快。化妝配合P圖術相輔相成隨著年月進步神速,女星靚樣一年進化幾個version實在 唔係新聞,再加上人愈紅樣都會愈嚟愈靚是常識吧!更何況紅到上太空嘅鄧紫棋G.E.M.!最新IG圖片,G.E.M.五官精緻,尤其鼻翼離奇收窄,輪廓變得宇宙化,更同近年變大眾網紅樣的前花旦徐子珊撞晒樣!

撰文:東方新地|圖片:東方新地、微博

延伸閱讀:

Selina公開變瘦秘訣 3個月體脂30%減到21%!

閃盲網友對眼喇! 鄧麗欣、王子隔空傳情甜到漏

鄧紫棋十年來輪廓宇宙化

五年前仲係以新人姿態在《我是歌手》登場參加歌唱競技,結果一開聲一鳴驚人,一個節目徹頭徹尾改變歌唱事業,G.E.M.鄧紫棋瞬間由香港歌星仔變紅透華語世界萬人迷。經過五年北上耕耘,G.E.M.唔止升呢做內地選秀節目導師、獲選愛奇藝年度女歌手獎、聖誕新年檔更成為各地熱搶壓軸嘉賓!

依家嘅G.E.M.已經忙到要四圍飛!

最近驚變徐子珊

最新消息,係同蔡依琳並 列被稱雙天后去台北唱聖誕騷。都話人紅樣都會變靚,日前G.E.M.出po自爆獲選 BBC18年度全球百大女性,化行妝的輕熟女造型竟然似足徐子珊!

正所謂女大十八變,家陣紅到上太空的 G.E.M.亦都 靚到愈嚟愈精緻,最新圖片眼大下巴尖,挺鼻又高又直。
留意番 , G . E . M . 最新造型同年離開無綫,同樣北上發展後五官不斷進化成為大熱網紅樣的徐子珊有九成相似!

撞樣姊妹

眼神矇矓、厚唇半張,最緊要都係大家都有個直不甩標準靚鼻,絕對有異曲同功之妙。

G.E.M.
徐子珊

大頭照,嘴微張,再加埋相機 FILTER效果,其實唔止 G.E.M.同徐子珊,呢個都係網紅指定動作!

G.E.M.
徐子珊

呢個紅唇紅地氈妝,有絕對理由懷疑 G.E.M.同徐子珊都用咗《少林足球》阿梅御用化妝師,鼻影方面相當重手。

G.E.M.
徐子珊

男友操刀變靚

當年16歲出道天真無邪愛扮金魚嘴,如今27歲係宇宙級天后當然今時唔同往日,女大十八變 最大功臣亦都要多得背後男人Mark。據悉Mark Ngai家底豐厚、外公王國旌係關之琳首任丈 夫,16年搭上G.E.M.前,前度女友正是G.E.M.閨密JW,16年後則近水樓台,擠走經理人張丹老 婆,拍住拖接任G.E.M.造型師職位。

當年橫刀奪愛搶走前閨密 JW男友Mark,如今Mark就光明 正大做埋G.E.M.造型師奉旨拍拖,Mark個人IG仲經常見到男友視角獨家相。
拍拖兩年由唔肯認到愈愛愈公開,日前 G.E.M.就發布男友扶裙襬相,話中有話,多謝對方永遠在自己背後。

男友親自操刀,G.E.M.由初走紅時的時裝災難變街頭look 潮人,昔日Baby fat冇晒、五官輪廓變得精緻,從前闊大鼻翼亦唔見咗。

童年時的 G.E.M.輪廓未見太突出,鼻頭圓大, 鼻樑低,真係女大十八變!
當年 歲出道時,五官雖然不如現 時,不過勝在肥美又天真,包面大 鼻同金魚嘴更成為個人招牌。

男友幫得手,愈大愈靚的G.E.M.亦都愈愛愈公開,日前行住紅地氈都公開二人合照更發表愛的宣言:「Thanks for always having my back!」個樣似足徐子珊,不過G.E.M.應該想條命似徐子淇嫁入豪門囉!

自衝出宇宙之後,G.E.M.不但輪廓深似鬼妹,作風亦愈見open,不時晒水著。

G.E.M.獲邀去NASA頒獎唱歌 竟爆整容疑雲網民:唔認得佢肯定埋咗線囉!

一直有「宇宙 G.E.M.」之稱嘅鄧紫棋(G.E.M.),唔通真係同太空特別有緣?

話說講返轉頭佢點解會有個咁嘅稱號,就要講到2014年,佢成為了亞洲首位華人形象大使,當時仲話2015年會去荷蘭阿姆斯特丹接受訓練,準備飛上太空。

當時宇宙巨G.E.M.仲有post過唔少著晒太空衣嘅相,可惜最後都未有達成使命,未有上到太空,17年G.E.M.就話收到email呢次太空旅行唔能夠成行。

上次唔成行唔緊要,呢次G.E.M.就獲邀去到美國擔任表演嘉賓,出席堪稱係「科學界奧斯卡」嘅「科學突破獎」(Breakthrough Prize)頒獎禮,更在台上表演唱中文歌,認真威水!

出發前G.E.M.都有在網上貼文,話自己收到邀請時完全係受寵若驚,真係發夢都估唔到!

佢話:「有點小緊張,因為以前在占士邦電影裏看到Pierce Brosnan時,根本沒想過有一天他將介紹我出場然後聽我唱歌!而且當晚唯一的另一位表演嘉賓更是我從小超級無敵仰慕的Lionel Richie,反正我好興奮好激動,必須表達一下,哈哈哈!」

「宇宙 G.E.M. 」呢日以一身低胸晚裝現身,在台上跟主持人交流時,佢介紹自己係來自香港,之後就獻唱中文歌,係電影《太空潛航者Passengers》中文主題曲《光年之外》。

個面幾尖…

呢次雖然都令唔少網民覺得G.E.M.揚威國際,非常值得港人驕傲,但大家的重點除了落咗G.E.M.的英文﹑唱功之外,最受關注嘅反而係佢個樣!

近睇鼻樑似乎真係比以前挺咗喎!

有少少唔自然個表情,唔通真係「膠」咗?

好多網友留言都話覺得G.E.M.唔同咗樣,差少少唔認得佢!

網友:「個鼻似埋左線」﹑「塊面好似細左」﹑「微整過啦」

睇返G.E.M. 接受訪問時,眼利嘅網民都話真心唔同咗樣!

睇返G.E.M.個樣,其實認真由頭到腳全身都瘦咗好多,以前嘅baby fat 全部撇甩晒!不過鼻樑位﹑下巴位又似乎係比以前唔同咗嘅…

輪廓係咪比以前立體咗呢?!

延伸閱讀:

一套都唔可以錯過!2019年上映英雄電影時間表

關注我們Facebook專頁
    相關新聞
      更多瀏覽