母慈女孝 楊思琦 三代同堂開心行街
2018年12月15日09:00

身為將軍澳街坊對楊思琦、思琦媽同思琦女Krystal一定唔陌生,區內食店、超市同小朋友學習中心,經常都見到佢哋三代同堂嘅蹤影,只要唔使開工,廿四孝媽媽思琦一定陪住個女,而同樣錫到個女燶嘅思琦媽就一定常伴左右幫吓手。

撰文:東方新地 │ 圖片:新傳媒圖片、楊思琦IG、《Miss Szeki 2018》

延伸閱讀:

Selina公開變瘦秘訣 3個月體脂30%減到21%!

【萬千星輝】回顧10年來TVB歷屆視帝視后 總有一位你最喜愛演員!

楊思琦 三代同堂行街

呢日總算跨區活動,仲見到好少蒲頭嘅思琦爸爸同行。如常又係思琦做司機,一家四口過海嚟到中環行街街,去街前思琦先上商廈寫字樓處理公事,Krystal就由公公婆婆睇實喺樓下等候。雖然搵食養家湊女全靠一己之力,思琦教女絕對100分,媽媽唔喺身邊,Krystal都乖乖一手拖住公公一手拖住婆婆,等足十幾分鐘都完全唔扭計冇唔耐煩。

辦完正經事唔使心掛掛,思琦會合家人開心行街,佢仲走去買杯嘢飲過吓口癮㖭!點解話思琦係廿四孝媽媽?皆因簡單一杯外賣飲品,都買杯不含咖啡因,預咗同寶貝女一齊分享囉!

平時喺將軍澳見得思琦媽、思琦妹同思琦女Krystal多,呢日難得見到思琦爸都出動,一家四口過海行街街。

細心媽媽

等過馬路,眼仔碌碌嘅Krystal好乖咁拖住媽媽,而廿四孝媽媽思琦買嘢飲都預埋個女,包保不含咖啡因可以畀Krystal試番啖。

思琦做司機接載全家嚟到中環,泊好車先行去睇清楚水牌,一個人上商廈處理公事。

有家教

媽媽去辦事,Krystal就一手拖住公公一手拖住婆婆,乖乖喺樓下等。

公公婆婆錫到燶,不過Krystal都係最黐媽媽,一等思琦妹落樓,即刻衝去拖住媽媽。

一家四口行街街,當思琦媽同思琦入連鎖店買日用品時,今次就輪到Krystal乖乖跟住公公在外等候。

廿四孝媽媽之日常

單親媽媽唔易做,不過一定會盡力做到最好!好似楊思琦咁,平時星期一至日走南闖北做騷接活動賺錢養家,一有時間留港,九成九用咗嚟陪個女Krystal,你話呢啲係母愛係犠牲?其實呢啲至係一個正常廿四孝媽媽之日常。將軍澳街坊一定見慣不怪,區內各大商場周不時都會見到楊思琦帶埋囡囡同媽咪三代出遊。日前又係呢三代同堂,齊齊陪住Krystal去東港城學小提琴。

楊思琦
楊思琦
唔使出埠賺家用時,楊思琦盡量陪在身邊參與囡囡生活,日前又素顏管接管送,車囡囡Krystal去將軍澳學小提琴。
楊思琦
楊思琦
思琦鍚女鍚到燶,母女感情好到不得了!
楊思琦
楊思琦
一到放學時間琴行外企滿導師同家長,個個都見慣楊思琦,親切寒喧打招呼。
楊思琦
楊思琦
離開商場前見到主題佈置係Miffy,Krystal撲上前擺po玩陣先,思琦就好似其他媽媽一樣,踎低舉機影低囡囡。

思琦同思琦媽喺附近遊走等到囡囡落堂,夠鐘就去到琴行接女放學。話說6歲Krystal不嬲古靈精怪有表演慾,一落堂見到媽咪即刻大解放,攬住商場主題布置巨型公仔狂擺po影相。

楊思琦
楊思琦
Krystal一向好動又有表演慾,對住媽媽鏡頭又抬腳又舉V,不知幾興奮幾多表情。
楊思琦
楊思琦
影完女巡例都要兩母女自拍一張,睇Krystal表情,就知有媽媽陪幾咁開心!

思琦幫手攞琴袋、踎低起身幫囡囡影靚相,影完相Krystal都好乖巧,自己的事自己做,攞番個小提琴自己孭,唔會再畀媽媽同婆婆操勞,呢啲咪有家教,兼且有樣學樣,學晒一樣孝順嘅思琦囉!

楊思琦
楊思琦
入行17年出名慳家又勤力,識搵錢仲識買磚頭錢滾錢,接完囡囡放學,思琦同媽媽又站在地產門外研究吓樓價入唔入得過手。6歲Krystal好乖巧,自己小提琴自己孭,絕不勞煩媽咪同婆婆。

2001年港姐冠軍楊思琦出道多年,今年8月便會踏入40歲大關,而且已為人母,不過其身材keep得非常好,皮膚又白又滑,標緻童顏多年不變!為紀念「39+1」呢個重要時刻,及為自己留下美麗回憶,楊思琦今年推出首本個人寫真集《Miss Szeki 2018》,將最靚、最性感一面呈現大家眼前!

楊思琦
楊思琦
有冇啲想跟佢出門口?

楊思琦
楊思琦

童顏+噴血身材冇得輸!

楊思琦於2001年港姐競選中奪冠,入行多年拍攝過多部劇集,現為一女之母,不經不覺今年8月便踏入40歲!不過「39+1」又有咩好怕?楊思琦今年推出首本個人寫真集《Miss Szeki 2018》,佢早前赴馬來西亞五日四夜取景拍攝,換上差不多20套靚衫,當中不乏小背心、泳衣、睡衣等性感造型!

楊思琦
楊思琦

楊思琦
楊思琦
側面睇一樣咁正!

楊思琦
楊思琦

楊思琦
楊思琦

|童顏依然 噴血身材依然

楊思琦多年樣貌身材都keep得非常好,34D、24、34身材噴血依然,出名童顏的思琦仲係成個後生女咁,實在令人羨慕!

思琦回覆傳媒時表示以前一直想推出寫真,為青春留倩影,不過以前在TVB時未有機會。剛巧有出版社早前搵佢,所以就一拍即合!

|Sell美感 非賣弄性感

楊思琦又稱今次拍攝過程都頗為辛苦,因為要由朝曬到晚,幸好拍攝效果相當理想,攝影師將自己最靚、最自然的一面呈現出來。思琦同時強調寫真集唔係賣弄性感,而係以美感為主;另外亦有文字配合,跟讀者分享自己在不同階段的成長及內心世界。

楊思琦
楊思琦
楊思琦皮膚白滑到不得了!仲要跌埋膊…

|收益捐給慈善機構

楊思琦今次寫真集賣到幾多本唔係最重要,最主要係完成到一件自己多年來想做的事,而且寫真集扣除成本後的收益將會捐給慈善機構,可謂一舉兩得!

17位女星清純校服Look大檢閱!想當年個個都好pure好ture⋯

楊秀惠長腿收服張衞健 盤點大台11位長腿天后

7個明星奢華豪宅大公開!劉嘉玲、王祖藍屋企大到可以踩單車…

點止34G麥紫莉收飯局短訊!兩位女星自爆有人開高價邀去飯局…

新版《神鵰俠侶》海報曝光 小龍女驚變盜版劉亦菲!網友:陳妍希有人墊底⋯

缺席台慶頒奬禮 凸肚岑麗香 返加國報喜

疑搞大國產粉絲個肚!黃子恆被封渣男 娛圈賤男仲有呢10位⋯

拆解10個藝人花名的由來!鐵粉都可能未必知⋯

撻著3個月心急上岸 江嘉敏挾富貴男友同居

細數歷代23位香港男神!《大帥哥》張衞健當年都迷倒不少女生⋯

車震照肺高層施壓 劉穎鏇飛胡㻗保前途

胞兄收曖昧短訊!陳山聰撐大嫂掃狐

騷完優質股 葉玉卿囡囡 再晒火辣三點式

否認阿澤破產要幫手還債!田蕊妮:我未至於好到咁…

係初戀呀!20位女星清純可人校服look逐個捉!

傳為富商誕第三胎!張栢芝面圓圓著樽領出山⋯

8位紅星減肚腩餐單大公開!安仔3週減12磅 Kelly減肥照食Tea…

【義不容情】當年遭抹黑被迫轉戰台灣 劉錫明 不記仇大方原諒倪震

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

延伸閱讀:

解構5個錯誤塗潤唇膏法 千祈唔好搽錯!

關注我們Facebook專頁
    相關新聞
      更多瀏覽