李嘉:「我好幸福呀!」 感激張衞健一路扶持及鼓勵
2018年12月14日14:54

近日,《大帥哥》喺萬眾期待下播出,李嘉喺訪談節目中直言感激張衞健一路扶持及鼓勵,更直呼自己好幸福!另外,李嘉於劇中飾演冬來嘅李嘉雖然極少對白,但就有好多觀眾激讚佢單靠表情已交到戲!

撰文:東方新地|圖片:電視截圖、李嘉微博、新傳媒圖片庫

延伸閱讀:

Selina公開變瘦秘訣 3個月體脂30%減到21%!

洪永城撻著長腿模特兒 前度唐詩詠開口回應

李嘉憑表情交到戲

萬眾期待下,《大帥哥》終於出街!劇集播出至今除咗主角張衛健好搶鏡外,飾演冬來嘅李嘉雖然極少對白,但就有好多觀眾激讚佢單靠表情已交到戲!

李嘉
李嘉
李嘉
李嘉

身型粗獷嘅李嘉喺劇中不但扮演一個唔多出聲嘅營長,加上可能要扮一個為人內斂嘅人,所以佢喺劇集對白唔多,但勝在怕醜表情交足戲,表現出單純天真嘅性格,其演出再次令人眼前一亮!

做足19年配角近年捱出頭

今年35歲嘅李嘉唔講唔知原來已經入咗TVB19年,不過多年嚟都只係做唔起眼嘅閒角,如賓客、侍應、大隻男等角色。

直至2010年,李嘉喺《巾幗梟雄之義海豪情》飾演日本人黑木少佐,李嘉終於有屬於自己嘅角色名!由於李嘉飾演一個日本軍人,有日文對白,當時更獲網民讚佢發音標準,可惜該角色早死,未能令佢有所發揮!

而直至近年嘅《城寨英雄》,李嘉飾演一位城寨惡霸馮夏滿,成功令大家對佢嘅印象再次加深!皆因劇中佢侵犯林穎彤飾演嘅鑫鑫,將猥瑣賤格演得入木三分,網民除大讚演技了得之外,拳拳到肉嘅真功夫更係打得出色!

感激張衞健一路扶持及鼓勵

最近,李嘉擔任訪談節目嘉賓時,直言自己係位忠實粉絲:「我見到佢(張衛健)第一刻係嗰種粉絲見到偶像嘅興奮,又唔敢過去,又好想過去攬住佢嘅感覺,最後我都錫咗佢個頭一啖!」,完全係個小粉絲嘅行為,非常可愛!

李嘉變做小粉絲,靦腆一笑!

雖然係個小粉絲,但提到張衛健,李嘉就以前輩及大哥尊稱,非常有禮。同時,佢表示自己好欣賞對方會用心思鑽研劇本及帶動對手,亦認為對方好專業及好照顧台前幕後工作人員嘅情緒,皆因張衛健會嘗試營造一個開心嘅工作環境俾大家,例如喺廠設小食部免費供應小食及生果!

李嘉喺訪問中,亦不忙感謝張衛健喺拍劇嘅時間及於佛山時,大家互相扶持同鼓勵,令大家好似一家人!同時,李嘉更直呼有幸同張衛健合作拍劇:「我好幸福啊!」。

俄羅斯女友患腦瘤 「功夫狂人」李嘉接拍多部微電影為幫補醫藥費

「功夫狂人」李嘉早前返內地工作時,喺火車上邂逅俄羅斯女友Yana Kobza,二人好快就發展異地戀,李嘉間唔中都會飛去當地搵女友。

李嘉
李嘉

李嘉(後排左三)早前都有份拍劇集《大帥哥》

拍拖半年嘅李嘉最近飛到去女朋友家鄉見家長,一齊玩煮飯仔又玩射擊,睇落非常開心。

李嘉仲同女友家人自拍,相信喺TVB劇都未見過佢溫柔一面,呢張真係顯得好融洽啊!

甜蜜背後,原來都有苦澀故事。女友上個月不幸發現腦部有腫瘤,今個月就要接受手術。李嘉表示女友接受緊治療,而家唔知腫瘤係良性定惡性。好可惜係劇集《大帥哥》就快出街,宣傳期同做手術嘅日子撞晒,李嘉話一有時間就會飛過去。

除左拍劇同教功夫,原來李嘉都有經營飲食生意。不過為咗可以有多啲時間陪女友,李嘉已經辭去餐廳股東職務,再接拍幾部微電影希望可以幫補下醫藥費。

延伸閱讀:

黎耀祥親授秘技!龔嘉欣兇狠踩臨記下體

關注我們Facebook專頁
    相關新聞
      更多瀏覽