【萬千星輝】大熱鬥力捧小花爭最佳女配角 野蠻角色呼聲高!
2018年12月13日13:31

星期日(16日)TVB即將舉行《萬千星輝頒獎典禮2018》,今年最佳女配角之爭亦非常激烈,今次就同大家一齊睇下邊幾位最有機會攞到呢個獎!

撰文:東方新地|圖片:新傳媒圖片庫、電視截圖、Instagram

延伸閱讀:

娥羅納英8大妙用功效 治暗瘡 、黑頭勁work!

37歲依然仙氣十足!黃翠如 毋懼素顏

最佳女配角獎候選名單

TVB年度盛事之一嘅《萬千星輝頒獎典禮2018》即將於今個星期日(16日)舉行,今年有20位女演員有份競逐最佳女配角,首先就同大家一齊簡單睇下有邊20位女演員先!

大熱鬥力捧小花爭最佳女配角

|盧宛茵

現年65歲嘅盧宛茵(Madam Lo)因喺劇集《BB來了》演野蠻奶奶葉康麗貞,而成功首獲提名最佳女配角!

《BB來了》婆媳大戰無得避! 5大婆媳紏紛共鳴位
《BB來了》婆媳大戰無得避! 5大婆媳紏紛共鳴位
0
0

Madam Lo係TVB目前其中一個著名甘草演員之一,1973年加入無綫,至今經已45年。多年嚟,Madam Lo演活多個唔同角色,相信大家最記得就係佢咀藐藐個樣!

今年Madam Lo憑《BB來了》飾演入型入格嘅野蠻奶奶,與媳婦對立,引起唔少媽媽共鳴,故大獲一班觀眾讚好!

BB來了
BB來了

今次入圍無疑係對Madam Lo演技上嘅肯定,同時亦為今年嘅賽果添一大變數,皆因Madam Lo絕對有爭獎嘅能力!

|林淑敏

上年輸俾朱晨麗而飲恨嘅林淑敏今年再度捲土重來,同樣以「大小姐」名義再次同19位女演員爭獎!

大小姐
大小姐

今年,大小姐喺劇集中多次因與「送水輝」(許家傑飾)嘅感情線而成功成為大眾話題,令大小姐人氣完全冇減退反增!

加上,林淑敏喺最近播完嘅《是咁的·法官閣下》中飾演大律師賈慕芝(賈大空),再次成功發揮出大小姐本色,除咗令人對其野蠻本色更印象深刻外,同時亦令唔少人覺得林淑敏嘅演技一直被公司忽視!

因此,喺唔少人都為林淑敏抱不平之下,令其獲獎呼聲變得更高!

愛回家之開心速遞
愛回家之開心速遞

|馮盈盈

今年,馮盈盈入圍咗多個獎項,包括「最受歡迎電視女角色」、「最受歡迎電視拍檔」、「最佳女配角」、「飛躍進步女藝員」以及「最佳節目主持」,真係差啲一隻手都數唔哂!

馮盈盈今次憑《果欄中的江湖大嫂》演小狼女一角獲得提名,如果大家仲記得,演出經驗未算多嘅盈盈喺劇中因哥哥黃嘉樂慘死而上演一場爆喊戲,當時唔少人都對嗰場爆喊戲表示讚賞!

0
0

加上,盈盈喺劇中飾演酒吧的話事人小狼女,外型Mk味十足,而且有一種冷酷霸氣嘅感覺,喺戲中經常有霸氣演出!其入型入格嘅演出,令唔少觀眾認為佢演得非常神似之外,仲支持盈盈再拍戲!

馮盈盈
馮盈盈

馮盈盈
馮盈盈

然而,之前出席活動時就話冇預攞獎,仲笑言當晚都係做星級觀眾,不過貴為TVB力捧做新花旦之一嘅盈盈,若然真如其所言攞唔到最佳女配角獎,都相信仲有機會攞到其他獎嘅!

|張曦雯

張曦雯喺《跳躍生命線》中飾演馬德鐘女友,同馬神嘅一段感情線仲睇到唔少觀眾非常投入!

張曦雯
張曦雯

張曦雯以前只喺兩套劇做過大茄,直至今年機會殺到,仲連續接拍四套重頭劇,套套戲份重、角色討好,被力捧到出晒面!

張曦雯
張曦雯

張曦雯
張曦雯

觀眾緣好、樣靚身材正嘅張曦雯今年被高層點名力捧,加上上年朱晨麗奪得最佳女配角後亦係劇接劇,所以張曦雯勝算亦相對高,絕對係一眾獲提名候選人嘅一大威脅!

張曦雯
張曦雯

最佳男配角獎候選名單

TVB年度盛事之一嘅《萬千星輝頒獎典禮2018》即將於下星期日舉行,講到今年有份競選最佳男配角嘅演員就多達20位,首先就同大家一齊簡單睇下有邊20位男演員先!

黃子恆首先落馬

20位當中包括有從演多年嘅演員如胡楓、姜大衛,亦有比較生面口嘅演員有份一齊角逐最佳男配角一獎!不過,最值得同大家一提嘅就係喺劇集《是咁的,法官閣下》中飾演律師賴澤明嘅黃子恆!

因近日爆出懷疑搞大女粉絲肚一事,有見及此,黃子恆極有可能因喺頒獎禮前爆出桃色醜聞,而無緣獲獎!

黃子恆
黃子恆
內地女粉絲Michelle爆黃子恆大鑊!

3位最佳男配角大熱人選:

|黎振燁

2016年香港先生冠軍嘅黎振燁(Jackson)有份參與劇集《是咁的,法官閣下》,其中佢喺劇中飾演鄧大狀嘅表現令人眼前一亮,皆因黎振燁演技毫不造作之餘,亦相當自然,實屬難得!

0
0

加上,當年Jackson選港男時曾言:「我跟太太真係共患難,冇她,我都未必會參選香港先生,所以credit要歸佢!」,愛妻形象入屋,再論身形同外貌喺唔同劇種嘅可塑性亦高,故成TVB力捧對象之一!

Jackson奪得港男冠軍後,兩夫妻更興奮得喺傳媒面前嘴對嘴接吻三次!

對於得獎,Jackson雖曾坦言:「百分之一百有信心係唔關我事」,但演技備受觀眾肯定嘅佢,獲獎機會絕對唔細!

|羅天宇

羅天宇2008年因選香港先生入行,其中喺《愛.回家》中飾演馬子仁一角成功入屋!

羅天宇更喺《跳躍生命線》中一改戲路,飾演見習救護主任譚Sir,為咗演得更似一位紀侓部隊人員,事前更為角色激減20磅兼狂操肌,相當落力!

View this post on Instagram

Grind! Grind! Grind! 💪

A post shared by Joey Law 羅天宇 (@lawjoey) on Nov 15, 2018 at 4:54am PST

加上《跳》出街後,除咗劇集口碑極好之外,羅天宇更成功憑譚Sir一角再度引起觀眾關注,演技亦大獲好評,所以今年跑出嘅機會大大增加!

|張彥博

講到《跳》當然不得不提有份飾演雄姐嘅張彥博啦!喺《跳》中,雄姐一角性格溫柔體貼、單純天真,係全劇最受歡迎角色之一,加上殉職一幕,更令觀眾極為心痛!

其中,編審安排雄姐暗戀對象李靖筠含淚彈結他,讓觀眾從入學堂開始到出班一同回顧雄姐點滴,一幕幕回憶的確賺人熱淚!

講番張彥博,繼年前《一屋老友記》中細寶一角而成功入屋後,今年再憑《跳》中演救護員雄姐一角再爆紅,明顯其獲獎呼聲亦高!

不過,話雖如此,因張彥博今年已轉簽王祖藍公司,所以唔再係TVB親生仔,呢個因素極有可能影響佢得獎機率!

2018年視后走勢全面分析

1. 陳煒

今年大熱必定係陳煒,2012年由亞視轉去TVB後都有不少演出。

視后
視后

今年憑劇集《果欄中的江湖大嫂》「李夢露」一角,演繹出外表剛強內心柔弱的果欄欄主,一腳踢打理果欄,對抗反對她的其他欄主。

2018年都可以話係陳煒最豐收嘅一年,除咗《果欄》做女主角之外,亦都憑住《宮心計2之深宮計》奸險霸道的太平公主角色,成功令觀眾憎到佢入心入肺。

而太平公主呢個角色面對住駙馬藏著內疚感,真係少啲內心戲都唔得。

2. 李佳芯

李佳芯(Ali)最能夠吸引男觀眾,Ali五官標緻,經常喺IG 發布自拍派福利。角色方面,不論做新手媽媽定係性感法官都得。今年就憑住一套令新手媽媽爸爸、奶奶都有共鳴嘅《BB來了》成功入圍競逐視后。而《BB來了》亦係2018年最高收視劇集三甲。

對比起陳煒,Ali演技就未太爐火純青,劇集咁高收視好大機會都係因為吸引咗一班媽咪收睇。

3. 林淑敏

林淑敏喺《愛·回家之開心速遞》大小姐一角入晒屋,上年台慶只係提名到最佳女配角獎項,引來大批網民反對,認為大小姐先係佢哋心目中嘅女主角。

今年大小姐終於有份入圍最佳女主角,相信係TVB對佢嘅一個肯定。不過相比起大熱陳煒嚟講,大小姐演技似乎未追得上。

4.蘇玉華

蘇玉華演技好就唔使多講啦,今年佢憑《平安谷之詭谷傳說》入圍,可惜呢套劇收視麻麻兼且年頭已經播出,真係唔提返都未必有人記得。

不過蘇玉華對於電視台女主角獎或者唔會有太大競爭慾望,畢竟佢最主要都係舞台劇演出。

5. 朱晨麗

朱晨麗喺《特技人》係第一次擔任女主角,去年憑《超時空男臣》奪得最佳女配角時被部分網民批評演技唔掂,完全唔配拎獎。

短短一年間,雖然朱晨麗演技有明顯進步,咬字都清晰咗,只可惜今年競爭激烈,由於煒哥坐陣,朱晨麗都未必有機會拎獎喇!

6. 楊怡

劇集《再創世紀》入面,楊怡飾演一個用手段上位但係都有愧疚心嘅女強人,同其他人喺商場上爭奪全港第一富豪。

不過劇集收視認真麻麻,相信都影響到楊怡奪后機會。

7. 黃智雯

被指係今年黑馬嘅黃智雯憑《三個女人一個因》,飾演一個人格分裂嘅角色,可以話係獨腳戲咁滯。

黃智雯憑住呢獄劇亦大受網民肯定,而演技都確實係大有進步。相信今年同陳煒有機會較量嘅就只有佢。

TVB高層暗示今年「最佳劇集」

電視廣播有限公司主席陳國強博士發布了以《無懼挑戰 TVB「50+1」再出發》為題的台慶賀詞,一開始陳國強便對TVB大加稱讚,指出即便香港未來發展仍然充滿變數,但影響不了TVB慶祝大力發展OTT平台myTV SUPER、TVB Anywhere及網上社交娛樂平台Big Big Channel的成果。

最佳劇集
最佳劇集
電視廣播有限公司主席陳國強博士
台慶賀詞截圖

而陳國強在賀詞中也指名稱讚四套劇集,包括《宮心計2深宮計》、《再創世紀》、《跳躍生命線》和《是咁的,法官閣下》,認為它們成功吸引了內地觀眾,也就是說,這四套劇集在其眼中均為好劇集。

台慶賀詞截圖
《跳躍生命線》劇照
《是咁的,法官閣下》劇照

這句話從主席口中說出來,這四套劇集的地位自然是馬上提高了的。

《宮心計2深宮計》 劇照
《再創世紀》 劇照

哪一套勝算比較高?

《跳躍生命線》和《是咁的,法宮閣下》雖然口碑不錯,在香港內地都有好收視,加上是台慶劇,理應是有機會的,但可惜它們非一線藝人佔大多數,不能算是星光熠熠的大製作。

《跳躍生命線》劇照
《跳躍生命線》劇照

去年最佳劇集由《誇世代》獲得,最主要原因是劇中幾位TVB一線或資深藝人,包括歐陽震華、陳豪、田蕊妮和李佳芯等。

《跳躍生命線》劇照
《跳躍生命線》劇照

而2015年的最佳劇集《梟雄》更有黎耀祥、黃秋生和湯鎮業,所以這《跳》和《是咁的》要得到最佳劇集似乎有一點難度。

《是咁的,法官閣下》劇照
《是咁的,法官閣下》劇照

反觀而言,《宮心計2深宮計》和《再創世紀》有很多一線藝人又能符合TVB合拍劇的大方向,看起來勝算也是很大的。

《再創世紀》 劇照
《再創世紀》 劇照

很可惜《再創世紀》的「7天跨平台總收視」從沒試過高於24點,全劇平均收視只有22點。

《再創世紀》 劇照
《再創世紀》 劇照

然而,《宮心計2深宮計》全劇平均有29點,兩者差距甚大!

《宮心計2深宮計》 劇照
《宮心計2深宮計》 劇照

所以感覺上《宮心計2深宮計》勝算會更大一些,不過最後結果如何,還是要等到頒獎禮才會知道。

《宮心計2深宮計》 劇照
《宮心計2深宮計》 劇照

延伸閱讀:

從《一公升的眼淚》到《惡女》再到《億男》 澤尻英龍華戲劇般的成長史!

關注我們Facebook專頁
    相關新聞
      更多瀏覽