Eason新碟發布會驚現盧凱彤「羽毛」
2018年12月13日03:00
Eason手持代表盧凱彤的「羽毛」完成整個新碟發布會。

【星島日報報道】陳奕迅(Eason)昨日到廣州太古倉碼頭舉行「eason and the duo band《L.O.V.E.》新專輯發布會」,與DUO團隊部分成員包括王雙駿、恭碩良、蘇德華、孫偉明及翁瑋盈齊上台分享多年來的合作趣事。

陳奕迅與Duo團隊於2010年成軍,用兩年時間到世界各地進行66場巡迴演唱。事隔8年,Eason以「eason and the duo band」推出新專輯 《L.O.V.E.》,他很慶幸遇上一班傻人陪自己一起做傻事,但坦言有點失落,因專輯已經推出,根本想不到下一步該怎麼走,他說:「之前分享有人問到Dou Band嘅下一步,好大件事,阿妹(盧凱彤)走咗,已經唔完整。is not the same,就算有都係紀念音樂會,唔會再有第2隻碟。」

席間,首播由孫偉明及盧凱彤共同創作的歌曲MV《海裡睡人》,MV由動畫拼湊而成,結尾盧凱彤拖着Eason飛出困境,最後留下Eason卻遺下一根羽毛。MV播放完畢後Eason再度上台,他竟發現台上有一根羽毛,他即時跟台下Duo Band成員說:「又咁啱喎!」Eason輕撫羽毛,隨後更手持羽毛完成整個發布會。

受訪時Eason表示今次發布會其實對Duo Band來說分外有意義,在廣州錄音期間玩得非常開心,談到是否相當感觸,他說:「有啲唔捨得,未知下一步係咩。下一步係跨年紅館?都未定,入咗紙要下個月先知。最衰口快快講咗出嚟,開唔到咪好瘀!」問到最大競爭對手是否謝霆鋒?他笑說:「佢都無講過做,佢無同我講過!(你幫佢代答?)哈哈,你哋都係問返Mani(霍汶希)啦!」他笑言可跟霆鋒一齊開:「紅館一人一半,分兩邊鬥大聲,哈哈!」

談到盧凱彤已不在Duo Band,Esaon說:「感覺反而仲有意義,當然佢喺度都好有意義。o依家變咗所有野都係為佢而做,大家都有呢種感覺。我睇咗6、7次Duo Band嘅紀錄片,先開始適應佢唔喺度,但當然係永遠都唔會適應。好彩嘅,係記錄咗佢嘅聲音同影像,我夠膽講,阿妹喺Duo Band嘅時候係好開心嘅!」談到歌曲《海裡睡人》MV及台上一根羽毛,Eason笑笑說:「我當佢係㗎喇!之前開騷,唱到《海裡睡人》蘇德華支結他彈唔到,係要用佢(盧凱彤)支結他先得,之後10幾首歌又無事,我覺得好正囉!」

此外,談到新專輯《L.O.V.E.》預算是否比以往高很多?Eason表示應該多近一倍:「無諗回本喇!只諗付出,搵咁多錢都係時候使吓,想留低有品質、有價值、有意義嘅野。」

關注我們Facebook專頁
    相關新聞
      更多瀏覽