李佳芯自爆飲醉酒後自己會… 控制唔住就只會傻笑!
2018年12月10日11:00

未必每個人都鐘意飲酒,不過女神李佳芯早前出席活動時就話飲酒係一種享受,期間仲大爆自己最怕飲醉之後控制唔住自己做某啲事!究竟係啲咩?

撰文:東方新地|圖片:Instagram

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

王晶翻拍《唐伯虎點秋香》新晶女郎登場……

李佳芯自爆飲醉酒後自己會…

早前李佳芯出席活動時就話自己好鍾意喺開心場合飲酒,尤其係慶功嘅時候,雖然唔飲得都要畀人迫飲一兩杯,但自覺開心場口飲酒會令氣氛昇華!

雖然Ali唔介意喺開心場合飲兩杯,不過就好易面紅,仲自爆自己飲醉會眼瞓或者會係咁講嘢!而且,飲醉咗會辭講嘢,會講平時唔講嘅語言,例如普通話或英文!

可能Ali對酒嘅喜歡程度好高,所以連生日蛋糕都係啤酒造型蛋糕!

然而,Ali就表示自己絕對唔會因為飲醉酒爆人秘密,因為酒醉都有三分醒,如果真係控制唔住就只會係到傻笑!

View this post on Instagram

一 樣 . fatface #ALife #gdnite

A post shared by Ali 李佳芯 (@aliaime) on Oct 4, 2018 at 9:10am PDT

教男仔追女仔方法

另外,Ali仲教男仔追女仔方法,指男仔可以嘗試去做調酒師,因為咁會加分!聽完Ali BB咁講,小編好有衝動即刻轉行呀!

李佳芯自嘲自己都有「死角」

之前,李佳芯與岑麗香一同出席極限挑戰活動,同為靚女的二人不約而同齊齊晒美腿!當Ali接受傳媒訪問時,她直言自己自細已是個運動健將,會玩繩網、平行木及高低綱等,聽落少啲體力都玩唔到以上運動!她續指比賽卻較少參加。

Ali仲話因為自己貪玩,所以咩類型的運動都會學少少!

對於極限運動,Ali就坦言曾玩攀石,但因到高處再望落地下,先發現原來自己有少少畏高,仲話因已經過咗玩笨豬跳的年紀同冇勇氣,所以亦未曾玩過笨豬跳,但就反而想試下跳降傘!

當問到Ali覺得咩類型的女生較吸引,她指自己較喜歡女生短頭髮同曬黑,但因曾經有一次化妝化到好黑,結果令化妝師跟她說千祁唔好曬黑,因為話曬黑後完全唔靚,所以她從來都唔會曬黑,因為知會唔襯自己!

大家可以試想下Ali BB晒黑咗之後嘅樣會係點!

李佳芯大派出浴照福利

加入TVB六年,李佳芯(Ali)由節目主持成功晉身為電視劇女主角,今年劇集《BB來了》擔正女主角,道出新手媽媽既要湊B又要面對奶奶嘅辛酸,獲得一眾港媽支持。人氣急升嘅Ali近日Instagram超過70萬追蹤者,為答謝一眾粉絲支持,Ali都好識做,大派福利。

Ali喺福行相上寫道:「The way to celebrate my 700K ig followers… fooooot high five!:))」相中見到Ali將頭髮紮起,露出迷人鎖骨,仲伸咗隻腳去鏡頭面前。雖然靚腳失焦,不過都引起唔少網民留言大讚腳趾修長,整體非常靚!要噴鼻血咁話喎!

花旦凋零 煞停婚事 35歲李佳芯誓搶視后!

無綫近年陷小生花旦荒,除了請外援救收視外,同時亦要致力栽培新晉小生花旦上位,胡定欣與唐詩詠先後被捧上視后位置,前者刻意減產有意約滿向外闖,後者則人氣下滑,今年未見有代表作,其他有潛質花旦如王君馨、岑麗香及陳凱琳又急做人妻等生B,就連黃翠如都休假一年享受人生,造就朱晨麗及李佳芯齊齊上位,不過論搏殺程度,李佳芯絕對稱后!

李佳芯
李佳芯
李佳芯最近狀態大勇,35歲的她形象入屋討好,更願意煞停婚事來博攞視后,甚得無綫高層歡心!

李佳芯
李佳芯

無綫花旦陷入青黃不接,本來上位在望的岑麗香與陳凱琳都走去結婚等生仔,無心戀戰!

去年奪視后的唐詩詠,今年未有突出表現,與好姊妹黃翠如一齊放軟手腳,同棄權冇分別。

時勢造花旦

據知Ali去年年尾做完卵巢手術,表示要睇淡名利,體會到冇健康就乜都做唔到,嗰段日子陳炳銓好照顧佢,即使要開劇很忙,但成日都做柴可夫車Ali出入。再加上拍《 BB來了》同啲小朋友日對夜對,Ali本身都鍾意小朋友,話晒佢都35歲,覺得係時候要計劃一下將來,佢之前同Danny傾過,想買個三房單位,等今年拍埋套《殺手》就停一停,好好籌備人生大事!

李佳芯
李佳芯
去年底李佳芯秘密入院切除成個拳頭大的卵巢囊腫,康復期間萌生結婚生仔之意,不過遇上最佳上位的好時機,識時務的李佳芯終改變主意,希望在事業上衝刺。
李佳芯
李佳芯
與ViuTV藝員男友陳炳銓拍拖四年,李佳芯不 理公司反對繼續過其同居生活,不過近月刻意把戀情低調,行街斷正都保持距離,明顯已過熱戀期。

靠《BB來了》食糊

不過女人係善變嘅,近年無綫當家花旦走得就走,再唔係就結婚生仔,有指Ali見個勢唔同晒,知道係上位好時機,佢喺高層面前承諾短期內唔會結婚生仔住,拎埋視后會博多一段時間,Ali咁有決心,視后志在必得!加上佢近年成為最搵到錢花旦之一,出晒名唔揀擇易話為,深得經理人同客戶寵愛。雖然煒哥呼聲同民望都好高,但煒哥深知知自己的位置,亦冇Ali咁進取,加上又同無綫仲有長約,Ali今年冇十足都有九成把握!」

No.1 吸金女神

李佳芯近年人氣急升深受廣告客戶歡迎,各類代言工作與商場騷不斷,吸金力甚強的她大小通殺不會揀擇,已成為無綫花旦中搵錢之冠!

劇接劇博到盡

李佳芯為上位不惜劇接劇爭取人氣,近月捱更抵夜搞到體力透支,有時累到在電視城周圍瞓被偷拍都唔知。

準視后唔易做,李佳芯不時忙中作樂,在IG上載自拍照,為自己加油,正能量爆燈。

最強勁敵煒哥

無綫《萬千星輝頒獎典禮2018》將於12月16日舉行,李佳芯憑《BB來了 》惡鬥在《深宮計》飾演「太平公主」的陳煒,雖然有傳實力非凡的煒哥有高層力撐,但李佳芯的演出深得觀眾喜愛,再加上煞停婚事誠意可嘉,煒哥睇嚟都要讓路!

李佳芯自有線轉投無綫後光速上位,16年勇奪「飛躍女藝人」,去年更憑《踩過界》於《星和頒獎禮》首度捧走視后寶座。有指Ali拍劇資力淺獲獎受到非議,但其付出的努力有目共睹。
李佳芯是非不多,拍劇角色正邪都得,早前在活動上遇上前輩鄧萃雯有感而發,表示在雯女身上獲益良多。

李佳芯:「有票都會投自己!」

李佳芯挾住強勁人氣,今年連拍兩部劇集《白色強人》及 《殺手》,在《殺手》中她再度挑戰演技,飾演一名育有11歲兒子兼有歷練的師奶。女神在劇中再加轉Look,爆炸頭配粗框眼鏡,繼續靠演技取悅觀眾。對於今年有機會以大熱姿態問鼎視后,Ali早前公開表示:「今年難度真係高咗好多,但我對自己有信心,如果有票我都會投自己。而且媽咪都有讚我表現得好,佢從來都未試過讚我,佢係師奶嘅代表,如果佢都鍾意,證明觀眾都好喜歡。」

另外講到陳煒是最大勁敵,李佳芯就話:「唔可以話係勁敵嘅,我都有睇佢做太平公主,佢平時個人好好,但做奸角好出色,我好欣賞佢!我未同煒哥合作過,我哋大家都係做好自己。」

《深宮計》煒哥同樣大熱

無綫花旦買少見少,造就李佳芯上位爭視后,而加盟無綫六年的煒哥亦成為大熱之選。煒哥是不少金牌監製愛將,由配角做起的她,曾憑《梟雄》及《火線下的江湖大佬》提名視后,實力毋庸置疑,今年在《 宮心計2深宮計 》演霸氣「太平公主」,演技更大爆發,在《果欄中的江湖大嫂》亦擔正女一,獲網民推舉為「民間視后」,連無綫行政總裁李寶安都睇好她,是李佳芯唯一勁敵。

亞視出身的煒哥過檔無綫後甚受監製歡迎,去年拍完金牌監製梅小青的《深宮計》爆紅,又即將開拍《法證先鋒 4》。

煒哥剛剛拍完另一金牌監製陳寶華的新劇《多功能老婆》,首次與楊千嬅合作。
近年人氣急升的煒哥,除了拍劇拍到金睛火眼,還不停接拍其他飲食及綜藝節目,她更甚受廣告客戶歡迎,代言及商業活動不絕。

男友落寞買麵

如無意外,兩個月後李佳芯就升呢做視后,為了上位把說好的婚事煞停,與男友陳炳銓距離再被拉遠,事業心重的她工作忙難免冷落男友,近月再無見二人恩愛拍拖公開露面,陳炳銓的IG全是男人與狗的世界,閒時帶愛犬去行山,更苦悶到影空凳暗示自己在等人。本刊記者亦多次影到陳炳銓獨自離開與李佳芯同居的將軍澳愛巢,到附近買麵醫肚。

李佳芯最近掛住上位搶視后,難免會冷落男友陳炳銓,本刊記者多次拍到陳炳銓獨自離開將軍澳寓所,到附近買外賣醫肚,冇得同女友拍拖撐枱腳,倍感落寞……

儲錢搵樓趕上車

李佳芯與陳炳銓拍拖已四年,雖然遇上不少阻力但仍意志堅定,愛得義無反顧。據知Ali更是用心良苦,希望趁呢幾年搵多啲,可以快啲買到層樓做安樂窩。佢之前同Danny放風想搵西貢同將軍澳一帶嘅村屋同私人屋苑單位,不過仍未睇啱心水。李佳芯曾表示希望 買個風水好及有升值潛力的單位,仲話揀樓同揀老公一樣,希望自己工作同感情都穩步上揚有升值潛力。李佳芯有樣又食腦,搶完視后再做人妻都未遲啦!

陳炳銓與李佳芯一齊養的黑色唐狗豆豉已由BB變成一歲多的成犬,去年仍不時拍拖放狗,現在卻只有陳炳銓帶狗行山。

延伸閱讀:

光頭都可以好型!盤點16位明星光頭造型

關注我們Facebook專頁
    相關新聞
      更多瀏覽