賴慰玲囝囝1歲生日會 契媽陳凱琳、Anjaylia 大住肚出席
2018年12月06日14:00

賴慰玲去年奉子成婚,唔經唔覺兒子Marat已經一歲!在昨日賴慰玲為Marat舉行一歲生日會,請來一班契媽、契爺同圈中好友,就連最近剛宣佈將成為爸爸媽媽的鄭嘉穎同陳凱琳都有份出席,非常俾面!

撰文:Kayla(原文刊於Sunday Kiss)|編輯:東方新地|圖片來源:賴慰玲Instagram、新傳媒圖片

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

陳凱琳 陳嘉寶兩個大肚婆齊出席

陳凱琳(Grace)、陳嘉寶(Anjaylia)一向同賴慰玲感情要好,就算大住個肚都要出席契仔的生日會,睇返賴慰玲喺Instagram上分享的相片,Anajaylia著得非常密實,加上影相時係側住身企,所以睇唔出Anjaylia已經懷孕8、9個月。

陳凱琳
陳凱琳
圖片來源:賴慰玲Instagram

而另一個大肚婆陳凱琳除咗同老公鄭嘉穎一齊出席,不過Grace兩公婆就冇一齊合照,似乎刻意分開影相,唔想搶咗壽星仔風頭!Grace親手炮製雞仔造型蛋糕送給Marat,原來雞仔係有意思,佢哋姊妹間有協議,就係當有人懷孕就要傳送雞仔圖案給大家示意,呢個雞仔就係佢哋之間的「密碼」。

圖片來源:賴慰玲Instagram
圖片來源:賴慰玲Instagram

鄭嘉穎同賴慰玲因為拍攝《殭》而成為咗好朋友,而鄭嘉穎同陳凱琳亦都因為同一套劇而定情,對佢哋3個嚟講真係非常有意義!

圖片來源:賴慰玲Instagram

「星二代」同樂會

除咗以上幾位,藝人孫慧雪、楊潮凱都各自帶同囝囝囡囡一齊參加Marat生日會,賴慰玲留言話,希望依班「星二代」會好似爸爸媽媽咁,「一同成長,做個好朋友」。

圖片來源:賴慰玲Instagram
圖片來源:賴慰玲Instagram
圖片來源:賴慰玲Instagram

賴慰玲囝囝 被封新一代柔情星B

賴慰玲喺囝囝兩個月大嘅時間首次分享囝囝的正面照,嗰陣已經有唔少網民留言話:「好靚仔!」仲話囝囝雙眼皮好深好靚呀!佢分享囝囝萌照之餘,仲留言話:「仔呀仔,到底你真係識笑?定係面部肌肉練習呢?」原來呢一「笑」,搞到媽咪「心都溶埋」,真係好Sweet呀!

隨住Marat愈大,日日個樣都唔同,賴慰玲都忍唔住成為晒娃一族,同網民分享可愛囝囝的日常生活照。喺Marat百日宴,賴慰玲晒娃之餘,亦公佈囝囝中文名叫「梁進也」

好似一個小飯團呀!

久而久之,Marat間唔時都會喺Winki社交網站出現!

囝囝仲好鍾意笑㖭!

到Marat識轉身,賴慰玲又有另一番體會。

到Marat六個月大生日會,一班契媽都嚟同佢慶祝!

自從六個月之後,小Marat就開始展現佢柔情的一面啦!網民都紛紛留言話:「佢個樣好似好乖咁呀!」

好多人都話BB似媽媽,大家又覺得呢?

Winki陀著七個月大肚和舞台劇演員丈夫梁子峰簽紙結婚。
Winki陀著七個月大肚和舞台劇演員丈夫梁子峰簽紙結婚。
賴慰玲陀著七個月大肚和舞台劇演員丈夫梁子峰簽紙結婚。

鄭嘉穎陳凱琳8月峇里大婚

今年8月,鄭嘉穎在峇里迎娶陳凱琳,於Bvlgari Resort Bali舉行盛大婚禮,當時已有傳二人是雙喜臨門,但依照中國傳統,未夠三個月怕BB小器,正常冇人會公告天下,而當時鄭嘉穎與陳凱琳亦矢口否認有喜。

陳凱琳
陳凱琳
兩人都感動到眼濕濕!

陳凱琳
陳凱琳

陳凱琳
陳凱琳
一對新人在教堂行完禮步出時,在場半百賓客一齊歡呼,鄭嘉穎陳凱琳更多次溫馨錫錫,盡顯濃情蜜意,場面感人。

陳凱琳
陳凱琳

鄭嘉穎
鄭嘉穎
晚上在酒店宴客,鄭嘉穎與陳凱琳帶頭進入舞池共舞,情到濃時又啜爆。

陳凱琳 鄭嘉穎公布喜訊

由於時間的關係,事隔三個月的11月22日晚上10時許,呢對新婚夫婦在IG上載溫馨擁抱合照,表示喺感恩節呢個大日子,宣布家庭將會有一位新成員,陳凱琳成功陀B!難怪近月鄭嘉穎每次出活動見人都由心笑出來,原來即將做人父難掩喜悅。

擁抱合照好溫馨!
陳凱琳係英文版本!
太太用英文,鄭嘉穎則以中文發表相同的感言。

陳凱琳:「我都想生孖胎!」

婚後陳凱琳出席活動接受訪問:「我都想生孖胎,我有龍鳳胎基因,可能生孖胎或一男一女,我屋企仲有個家姐,我同細佬係龍鳳胎,三個好熱鬧,可以玩,不過我又聽過係隔代遺傳。」咁想生幾多個小朋友?陳凱琳坦言:「三個,因為我自己都係三個(家中三姊弟),感覺好似個完整家庭咁,坐架五人車啱啱好。」

陳凱琳屋企有三姊弟。
陳凱琳與弟弟。

鄭嘉穎變緊張大師

為照顧陳凱琳,鄭嘉穎有備而戰,早已向身邊好友取經,深入了解孕婦在懷孕期間所遇到的種種問題,據知情者透露:「嘉穎變咗緊張大師,Grace(陳凱琳)有咗仲不停出活動,佢就日哦夜哦叫佢小心,又驚佢做嘢會好攰。見到佢次次都著四吋高踭鞋,嘉穎不知幾擔心,所以除咗之前接落嘅 job,佢已經禁止佢未來幾個月再接job,希望Grace可以留喺屋企養胎。」

陳凱琳有咗但依然不斷出活動,難怪嘉穎咁緊張!

雙方媽咪幫手照顧

據知嘉穎又對陳凱琳表示,如果頂唔順要出街都一定要有朋友陪,唔畀佢一個人周圍逛,日常方面佢又吩咐雙方媽咪幫手照顧,令Grace食得好有湯水飲。不過Grace唔鍾意成日留喺屋企,所以唔辛苦同唔長時間嘅job,佢都仲好想接。

望抱孫已久的鄭母,知道新抱懷孕後當然好緊張,不時煲有益湯水及煮花膠,讓陳凱琳谷胎。
陳凱琳的父母後生又健壯,據知等外孫出世後,陳母會幫手湊孫,陪住陳凱琳坐好月。
陳凱琳父親連日出街都蓮子蓉,雖然未肯透露是孫仔定孫女,不過他表現興奮,即將做外公心情靚爆。

陳凱琳陀B狂出活動

婚後的陳凱琳幾乎絕跡無綫的活動,連台慶夜都未有現身,不過就出席不少商場活動及時裝品牌的活動。過去三個月,她每次出現都悉心打扮,纖薄身形的她刻意選擇遮掩到微隆凸肚的衣服,甚至腳踏四吋高踭鞋,所以從來無人發現她已經懷胎幾個月。

真係睇唔出係大肚婆!

愛靚的陳凱琳近月出活動都穿最少四吋高的高踭鞋,真係好搏命。早前她的在活動上曾經摸過陀B的單文柔肚皮,聲稱要沾旺氣,但原來當時她已經懷孕。

今年9月,鄭嘉穎陪實已大肚的陳凱琳去意大利參加時裝展,二人除了穿夫妻裝示人外,陳凱琳更穿上紅色的性感內衣出席內衣騷。

27歲的陳凱琳成功密冚大肚多個月,近月每次現身都腳踏四吋高踭鞋,絕無洩漏半點蛛絲馬跡。即將榮升人父的鄭嘉穎表現緊張,除工作出活動外,要陳凱琳十級戒備,盡量避免獨自去街,起居飲食亦非常小心。陀住鄭家金叵羅的陳凱琳,由公主變女王,日前陀住巨肚現身銅鑼灣鬧市,破禁出關睇戲解悶,散場後即急急腳返家,果然聽老公話!

得天獨厚的陳凱琳食極唔肥,上月陀四個月都照樣出席公開活動,即使把恤攝入長褲內,都冇肚凸凸,仲著住鬆糕鞋,絕對係一步一驚心。

巨肚陳凱琳破禁出關

日前本刊拍得陳凱琳獨自現身銅鑼灣鬧市,先去shopping再去買熱飲,收埋大肚幾個月的她,這日穿上一件鬆身恤衫,凸起的肚皮終於避無可避表露無遺。記者目測其巨肚最少已有五個月,但四肢仍十分纖瘦。拎住杯熱飲邊行邊飲的她,最後走到戲院買定飛,再會合女友人入場。

日前陳凱琳現身銅鑼灣鬧市,相約女友人去睇戲,她 一早買定飛等入場,現場所見,四肢仍非常纖瘦的陳凱琳,這日穿上鬆身長恤衫,巨肚現晒形,目測已有五、六個月身孕。

背面睇勁Slim

睇戲前陳凱琳走到附近的咖啡店買了一杯熱飲,從其背後睇仲咁slim,完全唔似大肚婆。

友人傍實回家

陳凱琳睇完戲散場後即搭的士返回北角寓所,看來她亦緊從老公鄭嘉穎吩咐,盡量不要周圍去,去睇戲都要有人陪,在女友人護送下最後安全返家。

知道老公嘉穎非常緊張,陳凱琳亦唔敢一個人去街,同女友人睇完戲亦乖乖搭的士返位於北角的屋企,二人在寓所樓 下仲傾咗一陣先上樓。

收肚高手

肚皮一日比一日大,陳凱琳早前出席香水品牌活動時,身穿一件露肩白色大花造型連身褲,繼續把上半身隆起的腹部完全遮蓋。但她仍然穿上四吋高踭鞋赴會,表示心情興奮又緊張,並自爆懷孕後情緒好波動需要減壓,就連睇卡通片有感動位都會喊。

早前陳凱琳自公開喜訊後首次曝光,胸前一大朵白花,繼續用掩眼法收肚,不過到達時側側身一樣睇到肚凸,下圍亦明顯豐滿咗。

身材點都睇得出有分別!

黃智賢爆料

陳凱琳被傳媒追問時,唔肯講陀B幾多個月,對BB性別都話要保持神秘不能透露。但早前鄭嘉穎好友黃智賢已爆料,話鄭嘉穎在陳凱琳照超聲波時大嗌:「好大條呀!」故外界揣測是小王子的機會較高。

嘉穎好友黃智賢爆料!

準人父興奮到爆

鄭嘉穎早前係新片宣傳,分享喜悅時開心到同大家講定恭喜發財,他說:「心情開心過攞獎同中六合彩,難以形容,好喜悅非筆墨能形容,太太叫我唔好講咁多關於BB嘅嘢,佢比較緊張,大家問番佢,依家全家上下都緊張到不得了。」又表示第一次從超聲波睇到BB個樣,是一個難忘經歷:「 你問我太太啦!佢叫我唔好講咁多,話驚我講錯嘢,只 可以講BB屬豬,其他交畀佢講。」50歲前做爸爸的願望順利達成,鄭嘉穎下一個目標應該是陳凱琳希望生三個先夠數的生育計劃。

準人父為B轉性

自從遇上陳凱琳,曾被指為人寸寸貢的鄭嘉穎亦有所轉變,做完人夫做人父,嘉穎笑多咗變得寬容,陳凱琳功不可沒。

陳凱琳一向在社交網非常活躍,向來背道而馳的鄭嘉穎上月竟然破天荒在IG開個人帳戶,就連頭像都與老婆襯到絕。

鄭嘉穎日前出席新片《 P風暴》 宣傳活動雖沒有接受訪問,但全晚笑騎騎心情勁靚,原來當晚他在活動後回家便在IG宣布家有喜事。
人逢喜事精神爽的鄭嘉穎,早前去釜山為新片宣傳,平時cool爆的他突然學人做派心心的手勢!

星級契媽契爺

鄭嘉穎與陳凱琳在圈中好友甚多,身邊兄弟姊妹多個月前已知陳凱琳懷孕,不過大家守口如瓶,BB一出世就有多位契爺契媽輪住錫,萬千寵愛在一身。

陳凱琳圈中姊妹眾多,除了「少婦聯盟」的龔嘉欣、譚凱琪及沈卓盈,還有賴慰玲及一齊陀B的陳嘉寶。

細數23位香港男神!《大帥哥》張衞健迷倒不少女生⋯

撻著3個月心急上岸 江嘉敏挾富貴男友同居

車震照肺高層施壓 劉穎鏇飛胡㻗保前途

係初戀呀!20位女星清純可人校服look逐個捉!

傳為富商誕第三胎!張栢芝面圓圓著樽領出山⋯

8位紅星減肚腩餐單大公開!安仔3週減12磅 Kelly減肥照食Tea…

【義不容情】當年遭抹黑被迫轉戰台灣 劉錫明 不記仇大方原諒倪震

《新神鵰俠侶》海報曝光 小龍女驚變盜版劉亦菲!

胞兄收曖昧短訊!陳山聰撐大嫂掃狐

騷完優質股 葉玉卿囡囡 再晒火辣三點式

否認阿澤破產要幫手還債!田蕊妮:我未至於好到咁…

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

大台4大「御用八婆」角色!令人想打爆電視…

15位男星童年照曝光 你又估到他是誰嗎?

延伸閱讀:

經歷破產、分手 張衞健、張茜互相扶持18載

關注我們Facebook專頁
    相關新聞
      更多瀏覽