董敏莉幫愛女扮靚
2018年12月05日17:49

董敏莉(Monie)早前開刀誕下愛女子子,並於早前出院接囡囡回家,Monie坦言成功餵人奶感動到想喊,初嚐做人亞媽感覺:「因為我地都想試餵人奶,但頭幾日都唔係好成功,但昨日開始有,個一刻直頭想喊出黎!(感受到做媽咪未?)依家開始有點習慣,因為以前我好怕屎尿之類的物體,但幫個囡換片真係唔同,好有成功感之餘,呢啲係母愛的力量啊!」

董敏莉就話冇請工人、冇請陪月,暫當全職媽咪湊女:「呢幾日醫院都好好,教識晒我點幫子子沖涼、換片,我地呢啲新手媽咪真係驚,最難真係掃風,要好好研究一吓。而呢幾日好多朋友都黎探子子,長輩們都好錫佢,一出世已經收好多衫同利士。」

董敏莉產後出現腳腫情況,亦因要照顧囡囡停工:「我依家當佢係公仔,之前買左好多衫比佢著,我喺屋企冇野做可以幫佢扮靚。今年過聖誕節就好開心,多咗子子陪我過。工作方面暫時都未有復工時間表,我都同電台同事講要新年後先復工,因為真係唔捨得離開個囡。」

原文連結:

董敏莉幫愛女扮靚

相關文章:

星耀盛典|港姐冠軍向海嵐、金袍拳王葉文龍現身雄峰城招商成果發佈會

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽