慶祝IG突破70萬粉絲 D Cup高海寧曬噴血相答謝粉絲
2018年12月03日17:15

而家做藝人除咗喺幕前演出之外,仲要玩埋社交媒體。間唔中喺IG上載一下生活照、自拍照同工作照,咁先可以令粉絲對自己熟悉更多。日前高海寧(高Ling)Instagram達40萬粉絲人數,即刻喺IG上Post出噴血低胸寫真答謝粉絲,短短兩個鐘就吸引近2萬Like!

撰文:東方新地 |圖片:Instagram

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

D Cup高海寧曬噴血相答謝粉絲

成為一個出色嘅藝人,除咗睇平時演技同待人接物有幾好之外,粉絲都係一個重要嘅指標。現今有好多嘢都靠網絡,所以社交平台嘅追蹤數目已漸漸取代現實世界粉絲人數。而藝人高海寧(高Ling)自08年參選港姐後加入TVB。入行十年,高Ling Instagram近日達40萬粉絲,緊係Po返張寫真照多謝粉絲啦!發布少少兩個鐘,就已經獲得2萬幾Like!

擁有D Cup上圍嘅高Ling不時都喺IG上大PO噴血照,呃到唔少Like㗎!

View this post on Instagram

Congratulations!🎊 #AHA198 @aha_zs

A post shared by Ko Ling 高海寧 (@sammkoling) on Nov 28, 2018 at 11:03pm PST

剪咗短髮嘅高Ling顯得更爽朗同富有女人味,IG啲相經常都露纖腰同曬優質股。

高海寧陳敏之鬥性感

上星期一眾藝人到上環出席餐廳開幕活動,人人盛裝打扮,不過就被高海寧及陳敏之搶晒鏡,瘋狂謀殺菲林!咪神高Ling以一襲低胸緊身短裙示人,谷出深長事業線,下半身則晒修長美腿,索呀!而人妻兼人母敏之則大Deep V中門大開,勁呀!

高海寧
高海寧
高海寧及陳敏之齊作性感打扮。
高海寧
高海寧
不過呢日「索腿天后」冇晒腿。

索爆低胸緊身短裙

高Ling接受訪問時表示,呢條裙佢其實已經買咗好耐,今日終於有機會著,而且自己除了TVB台慶外,已經多時未有作性感打扮,竟然有少少緊張!佢笑說有人問佢凍唔凍,但其實佢緊張到出晒汗,又不時都會低頭望望,確保無走光。

高海寧
高海寧
高海寧
高海寧

男友同場未有合照

其實呢晚高Ling男朋友鄧智偉亦在場,佢表示自己係透過經理人獲邀,而男友則受餐廳老闆邀請,所以未有合照及一同受訪。

好耐冇見高Ling咁性感!

索媽陳敏之中門大開

「索腿天后」陳敏之同樣非常性感,Deep V落到肚臍中門大開,但佢就自嘲冇嘢好睇,得排骨先咁夠膽咁著!另外敏之又笑言成為人母後更勇於性感上陣,以前驚自己著得唔靚,依家女人味濃反而OK!

重溫高海寧性感之路「象鼻頂胸」超經典

高海寧十年前選港姐

南京姑娘高海寧今年31歲,喺十年前參選2008年港姐競選,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」
高Ling將台灣代表瑤瑤比下去!

與「咪神」、「性感女神」劃上等號

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

同陳庭欣浸泥漿溫泉一幕又係經典!
近年高Ling都有參演王晶導演作品。
你第一眼睇到啲咩?

高海寧:封胸有得有失

高海寧近年開始漸漸收起性感,佢希望大家唔好過份注重係佢身材上面而忽略佢演出嘅努力,雖然「封胸」導致佢少咗工作機會,但係佢就話唔介意有一段時間可能會失去一啲job或者角色,因為唔跨過,永遠都唔會有進一步嘅路、行得再遠啲。

「封胸」難免令高Ling少咗工作機會。

雖然高海寧唔係話包到實晒,久唔久都輕輕晒身材,不過相比以前已經保守咗好多啦!

相關文章:

李佳芯IG突破70萬粉絲 派福利照答謝

加入TVB六年,李佳芯(Ali)由節目主持成功晉身為電視劇女主角,今年更加係台慶視后大熱之一!Ali人氣爆燈,近日其Instagram更已擁有超過70萬followers ,為答謝一眾粉絲支持,Ali都好識做咁大派「福利照」,張相有成8萬幾個like呀!

Ali留言道:「The way to celebrate my 700K ig followers… fooooot high five!:))」相中見到Ali將頭髮紮起,露出迷人鎖骨,仲伸咗隻腳去鏡頭面前。雖然靚腳失焦,不過都引起唔少網民留言大讚其腳趾修長,整體非常靚!要噴鼻血咁話喎!

李佳芯笑言冇「買粉絲」

Ali日前出席餐廳開幕活動,提到佢喺IG發放「福利照」答謝粉絲,Ali表示都唔係咩福利,只不過係前排去浸溫泉影的,大家都知佢唔係走性感唔線。Ali又透露最近IG突然多了不少followers,但佢對此冇咩追求,亦強調唔係「買粉絲」~

Ali當然唔使買粉絲啦!

香港女星IG粉絲排行榜Top 20

20|Janice Man 59.5萬

今年30歲的Janice Man,當年可謂o靚模鼻祖之一,如今當然唔再係嗰個帶點「MK味」的少女,近年愈來愈有女人味,進軍影視界亦有不俗表現。

19|唐詩詠 61.1

唐詩詠喺眾多TVB女藝人當中,人氣之高不庸置疑,而且亦係晒名性格好、人緣好、朋友多,所以IG上除了有大量詩詠靚相,都有唔少佢同其他藝人聚會的合照。

18|陳敏之 62.1

「索腿天后」陳敏之憑一雙美腿,足以走遍「江湖」,雖然已為人母,不過敏之的樣貌、身材都完全冇走樣,難怪網民對佢喜愛有加啦!

17|陳法拉 64.9萬

那些年華姐亞軍陳法拉,樣靚身材正無需多介紹,雖然佢現時已離開大台,但生活多姿多釆,早前於美國完成戲劇表演碩士課程,更是首個華人以全A的成績畢業!早前傳聞陳法拉已被金牌經理人Brian Swardstrom看中,簽約美國著名經理人公司United Talent Agency(UTA),為港爭光!

16|姚子羚 68.3

「表哥」姚子羚樣子嬌媚,身材火辣,雖然已經38歲,但依然係不少男性心中的女神!姚子羚除了「表哥」出名,多年來亦被指與日本女優立花里子撞樣,亦被戲稱為「立花子羚」,不過子羚對於所有網民戲言都係大方面對、一笑置之,人靚又EQ高!

15|李佳芯 70.7

有線主持出身Ali自從脫去「邪花」光環,人氣便長期高企,近年在多部劇集擔正都有不俗表現,今年更憑《BB來了》新手媽媽角色大獲好評,成為台慶「最佳女主角」熱門之一,唔知Ali可唔可以一嚐視后滋味呢?

14|鍾欣潼(阿嬌) 72.8萬

阿嬌鍾欣潼係圈中有名的美女,37歲但依然如青春少艾,今年與圈外男友賴弘國結婚後人氣有增無減!

13|佘詩曼 82.7

雖然佘詩曼近年已經冇接拍無綫劇,轉而投向大陸市場,不過人氣依然強勁,早前一部《延禧攻略》更令阿佘風頭一時無兩!雖然阿佘今年都四十有三,同現時新一代的花旦有的距離,但保養有道的阿富佘依然如少女一般青春,魅力不減當年!

12|容祖兒 83.2萬

Joey容祖兒多年來都係香港人氣最高的女歌手之一,粉絲眾多,千千萬萬人都係聽佢啲歌長大,佢啲金曲亦係唱K必選!

11|胡杏兒 84.3萬

1999年港姐季軍胡杏兒,同上面唔少女星一樣已離開TVB,現時專心做人妻人母,而且佢個仔Brendon Lee超級可愛,為近年萌爆星二代之一,可能杏兒IG有唔少媽媽級粉絲,為了睇Baby Lee而follow!

10|周秀娜 84.6

可算係「o靚模元老」的娜姐周秀娜,雖然早已不再係當初嗰位靠露肉出位的性感少女,近年打扮愈見成熟愈見女人味,而且專做演技派演員路線,反而令人更喜歡佢!

9|岑麗香 93

香香公主岑麗香長相甜美可愛,性格真摯不造作,加上親切友善的笑容, 為觀眾緣數一數二的女藝人。可惜香香現時已離開大台,雖然短期內未有機會再睇佢拍劇,不過希望佢好快有喜訊公布,由香香公主升呢做香香媽媽啦!

8|黃翠如 94.4

由旅遊節目主持成功轉型成為女演員的翠如BB,現已為無綫一線花旦,愛笑傻大姐一般貼地的性格深受粉絲歡迎,其IG當中有不少切合佢輕熟女年齡的靚相,亦有佢同眾多藝人朋友的合照,相當精彩~

7|楊千嬅 102

楊千嬅除了在歌唱方面的成就不庸置疑,不過在電影方面的成績亦是成就佢高人氣的因素!遲啲會喺無綫劇《多功能老婆》睇到佢演出~

6|蔡卓妍(阿Sa) 103

另一位人氣歌手,Twins中的阿Sa蔡卓妍,在IG上坐擁逾103萬followers,隨著年歲漸長,阿Sa由當初稚嫩的小女孩,變成了一位成熟的女性,渾身散發的女人味更是叫人欲罷不能。

5|胡定欣 128萬

TVB藝員中,在IG人氣最高的一定係胡定欣!兩屆視后定欣有幾受歡迎都無需多講啦,可惜佢近日盛傳約滿後會離開大台,如果冇得睇佢拍劇真係相當可惜!

4|薛凱琪 142萬

Fiona薛凱琪最近人氣可能不復當年,不過IG粉絲有增無減,在網絡上人氣依舊!

3|應釆兒 154萬

應釆兒本來就係個大美女,網絡上人氣高企是常識吧,加上佢近年與老公陳小春及可愛兒子Jasper參加不同綜藝節目,在各地大受歡迎,可謂母憑子貴?

2|G.E.M. 鄧紫棋 423萬

16歲就出道的阿G.E.M.鄧紫棋,歌藝固然出眾,自從登上中國的歌唱節目在內地迅速走紅,紅到出太空,IG四百幾萬粉絲,小兒科啦。

1|Angelababy 682萬

全IG最高人氣的香港女藝人、「IG女皇」,就係Angelababy!

延伸閱讀:

細數過去13個被大台封殺過的藝人 影帝天后級都冇情講!

關注我們Facebook專頁
    相關新聞
      更多瀏覽