孖湯洛雯扮中學生 張振朗被網民嘲超齡:阿叔著校服!
2018年12月03日20:58

話咁快2018年快要過去,喺較早前嘅《2019無綫節目巡禮》上,TVB播出「戲劇節目」及「非戲劇節目」嘅預告片,向逾千位廣告客戶推介來年精彩節目!當中以上位小生張振朗(Owen)最多產,分別參與《包青天再起風雲》、《牛下女高音》及《機場特警》!近日佢忙於同與湯洛雯拍新劇《機場特警》,兩人分別飾演特警和空姐,除咗飾演一對仲有咀嘴場面,日前靚湯貼咗張造型照,原來二人喺劇中仲會有中學生嘅造型出現,之不過唔少網友睇完張振朗呢個男中學生look,紛紛嘲笑佢係超齡學生!

撰文:東方新地 | 圖片:新傳媒圖片、湯洛雯IG王大業IG

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

張振朗、湯洛雯 扮中學生

湯洛雯呢排忙拍《機場特警》,日前佢喺IG貼咗張,劇中佢唔止飾演張振朗嘅女友,二人仲係中學同學,靚湯仲引用電影《那些年,我們一起追的女孩》主題曲《那些年》嘅歌詞留言:「 好想再回到那些年的時光 回到教室座位前後 故意討妳溫柔的罵 黑板上排列組合 妳捨得解開嗎 誰與誰坐 他又愛著她 @owencheung #機場特警 」!

湯洛雯
湯洛雯
湯洛雯在新劇《機場特警》中 飾演空中小姐,被對手張振朗公開要求減肥,笑指她不 能比機場特警更健碩。被指靚湯變肥湯,湯洛雯笑說:「減緊喇!已經減咗少少,依家120幾磅,目標係減10磅。」

靚湯PO咗張相後,唔少藝人好友都留言,高海寧話佢哋幾呃到人,許奕妮話好有初戀感覺,不過當事人張振朗嘲靚湯年紀大,話佢離開中學廿多年,難怪會有懷緬嘅感覺!

幸而網友眼晴雪亮,除咗好多人讚靚湯學生妹造型清純、好靚,好有初戀feel,同時有唔少網友笑張振朗係超齡中學生,話佢「阿叔著校服」、「老竇拖住個女」,紛紛叫放開個女仔!

湯洛雯 傳撻着姚子羚前度

31歲無綫小花「靚湯」湯洛雯今年3月同拍拖4年多嘅羅天宇分手,雖然一直有傳兩人不捨對方有意復合,早前天宇的生日派對,靚湯都有出席,不過今日有報道指佢疑似撻着姚子羚的有米前度男友「的士邦」鄭子邦,二人的舉止親暱如情侶,不過靚湯否認有新歡。事緣有人向傳媒報料兼提供相片,稱目睹兩人日前深宵在銅鑼灣一樓上酒吧夜蒲,當晚兩人黐到實、貼晒身互摸,靚湯仲被𥄫到任由「的士邦」伸手摸大髀,而靚湯都有出手摸住佢條腰同背脊,親暱舉動如情侶。

湯洛雯
湯洛雯
31歲無綫小花「靚湯」湯洛雯今年3月同拍拖4年多嘅羅天宇分手,一直有傳二人有意復合,但日前有傳靚湯疑有新歡,對方係姚子羚嘅前度男友鄭子邦!

靚湯接受傳媒訪問時否認拍拖,話當晚只係大家一班朋友出去慶祝朋友生日,同「的士邦」係朋友,靚湯仲堅稱自己仍然單身,又話如果有好消息(拍拖)一定會同大家分享。

湯洛雯
湯洛雯
湯洛雯話當晚係一班朋友出去慶祝朋友生日,同「的士邦」(左三)都只係朋友!

講到點解啲相見男方下半身貼住佢?,靚湯就話明顯係角度,根本冇貼住,仲話畀人咁寫都有啲唔鍾意!

睇番啲相,當晚其實係「皮草大王」王大業生日,唔少圈中朋友都有出席,好似周汶錡、龔嘉欣、莊思明、莊思敏等等!

當晚傅明憲、丁子高都有出席,仲同一班朋友玩selfie㖭!

湯洛雯情傷未癒 失調暴脹

湯洛雯與羅天宇拍拖四年,一心以為憑著愛可以征服浪子,二人由合作《愛.回家》開始地下情,去年分開再復合,在羅天宇慶祝30歲生日時,一張甜蜜咀嘴相被公開戀情才浮面,可惜亦逃不過見光死的命運。羅天宇命犯桃花,湯洛雯一直逆來順受,男友未定性未肯為她放棄整個森林,最終成為分手導火線。

湯洛雯
湯洛雯
羅天宇拍拖,湯洛雯一直未被承認女友身份,估唔到戀情見光唔夠半年即分手。

據知情者透露 :「 靚湯 (湯洛雯)以為公開咗拍拖可以令Joey(羅天宇)少啲女埋身,但事實唔係咁,一齊咁耐男方都好爛玩,畀唔到安全感佢,佢一直等,不過都係等唔到。話就話係和平分手,Joey仲係不時會冧吓靚湯,好似想翻撻咁。」

湯洛雯
湯洛雯
去年羅天宇30歲生日會,湯洛雯以女主人身份出席,其好姊妹岑杏賢及張寶兒都在場,她更與羅天宇激情咀嘴,戀情正式見光。

據知情者透露 :「靚湯唔係冇選擇,只係佢份人好長情又易心軟,10月1號Joey生日,佢班好姊妹都勸佢唔好去,唔明點解到依家都要幫佢營造好男人形象,之前已經傳佢同陳瀅去拍拖睇戲,早幾日又畀人影到同前無綫巨胸小花范彩兒出街,靚湯睇完啲報道非常唔開心。」

10月1日羅天宇舉行31歲 生日會,已分手的湯洛雯出奇地竟然在場,二人被指仍藕斷絲連。

知情者繼指:「其實呢半年嚟佢情緒都麻麻,段感情似有還無,搞到佢身體失調仲暴肥。」

12年參選港姐的湯洛雯是當年熱門,但最後六強止步。有樣有身材的她近月為情搞到失調暴肥,包包面、粗腰肉臂現晒形,女神慘變肉女。

湯洛雯IG發文悼舊情

於倫敦大學學院心理學榮譽理學士畢業的湯洛雯,早前以英文寫出自己的內心感受,雖然講到再見亦是朋友,但湯洛雯似乎仲未放得低喎!

一臉茫然加上文字似乎都在懷緬過去,「有時候某些重要的時刻在變成回憶後才知是多麼的可貴!」

日前湯洛雯在 IG放咗張憂鬱相兼感性 留言:「愛累了,就放手,人累了,就 休息,心累了,就淡然。」令到唔少網 民都擔心佢,追問佢發生咩事。

湯洛雯另一張眼神憂怨望向遠方的相,好像滿懷心事,再配上五月天《後來的我們》的歌詞,最後一句「淚水中能看到你真的自由了」,似是若有所指。

表面上湯洛雯與羅天宇分手已有一段時間,但近月靚湯密密在IG 發文似是放不低舊愛。上月與張振朗為新劇《機場特警》開鏡,更被嘲笑大隻過男主角。其實31歲的靚湯是無綫力捧花旦之一,與其花心思在冇結果冇將來嘅感 情上,不如努力工作向上爬,做咗當家花旦等花心男後悔走寶仲好啦!

湯洛雯與朱千雪、蔣家旻、 岑杏賢及張嘉兒常有聚 會,對於好姊妹與羅天宇 的感情瓜葛,眾人不時開 解,力勸湯洛雯放低舊情。

延伸閱讀:

係初戀呀!20位女星清純可人校服look逐個捉!

關注我們Facebook專頁
    相關新聞
      更多瀏覽