【專訪】好感動!馬浚偉將母子情自身經歷擺上舞台:紙巾聲一定有
2018年11月29日11:09

舞台劇《生前約死後》的故事是改篇自馬浚偉與親母的經歷,而明年一月上演正是其母親逝世20周年。舞台劇不單觸動人心,馬仔更希望表達對媽媽的思念,亦希望大家珍惜眼前人,珍惜活着的時間!而馬仔更透露明年4月中將會開拍電影版。

馬浚偉:寫寫下太唔開心!

《生前約死後》改篇自與媽媽的親身經歷,馬浚偉直言寫的時間心情忐忑,因為實在有太多回憶:「由開始寫到完成經過了4年多時間,中間有停過筆,最主要寫寫下太唔開心!所以唔敢寫落去。」問到幾時開始有寫這個舞台劇的念頭?馬仔表示在2006年時就希望可以用自己對媽媽的思念去做一些東西,當時其實是想寫電影劇本:「呢樣嘢我冇放棄過,今次終於完成咗舞台劇劇本,而電影劇本跟住落嚟就會做。」馬仔透露舞台劇一月完成之後,四月中便會正式開拍電影版,電影版亦會由他自己做編劇。

最後一幕好感動

母親逝世20周年,寫劇本時跟媽媽去世隔了一段時間,馬仔連連表示自己天生記性十分好:「記憶絕對冇模糊,我冇誇張,我連兩歲嘅嘢到依家都記得!」問到自己最喜歡劇本哪一幕?馬仔坦言每場都是自己的心血:「我希望大家由頭到尾都覺得精彩,當然最後嗰幕大家一定會好感動,嗰場戲都超過10-20分鐘,係我同美華姐嘅對手戲!」至於是否預計台下觀眾會喊到好犀利,馬仔笑言:「笑聲就一定唔少,但紙巾聲我相信都會有!我相信觀眾真係會感動,唔係因為呢個係馬浚偉嘅故事,而係關乎親情,每個人畀親情觸動都會感動!」

顧美華與媽媽相似

對於媽媽一角邀請國際級影后顧美華出演,馬仔直言中學時睇過美華姐的演出,就覺得美華姐與自己的媽媽十分相似,因此今次選角無理由不找她出演:「外貌氣質同埋佢嘅眼型,成個感覺同輪廓!所以有啲朋友最近睇相都話覺得我同美華姐幾似兩母子。係因為我本身就似媽媽,咁我媽媽又同美華姐相似。」

身兼編、導、演、監四職

《生前約死後》是馬仔繼《偶然・徐志摩》後另一個身兼編、導、演、監四職的作品,今次馬仔表示比較輕鬆:「今次舞台劇着重好細膩嘅情感內容,所以規模比較細,演出場地都細啲,所以控制上面擔心嘅嘢少好多。反而戲上面,同演員之間嘅交流,要求會比《偶然・徐志摩》更高。」

微博香港請你睇舞台劇《生前約死後》
讚好微博香港 FB專頁+答中有關問題,即有機會得到舞台劇《生前約死後》門票2張(名額1名)!截止日期:2018-12-9(23:59)
問題:舞台劇《生前約死後》的故事是改篇自馬浚偉與誰的經歷?
答案:
你的名字: 性別:
聯絡電郵: 聯絡電話:
只需輸入下圖中所見的數字,然後按下「提交」即可。

關注我們Facebook專頁
    相關新聞
      更多瀏覽