鄭嘉穎宣布造人成功 肯德基推出限定一日免費送葡撻
2018年11月28日19:24

今年8月結婚的49歲鄭嘉穎及27歲陳凱琳,結婚3個月後於11月22日宣布造人成功。為慶祝如此重大事情,鄭嘉穎早前做代言人的肯德基(KFC)也搞搞新意思,不過就有唔少網民認為好尷尬,究竟係咩事呢?

撰文:東方新地|圖片:新傳媒圖片庫、陳凱琳IGKFC@FB

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

鄭嘉穎婚禮鄭太話晒事

拍拖3年的陳凱琳與鄭嘉穎,周日 (8月12日) 在印尼峇里的Bvlgari Resort Bali舉行婚禮,因為峇里附近的龍目島在個多星期內經歷三次地震,更一度發出海嘯警告,有傳婚禮一度考慮改到布吉舉行,但新娘子陳凱琳情傾峇里的無敵大海景,鄭嘉穎不想老婆失望有遺憾,決定風雨不改。

肯德基
肯德基
下午2時,陳凱琳換上白色婚紗,翹住爸爸臂彎步入教堂,當時陳爸爸強忍男兒淚,送愛女出嫁。

自上月婚禮消息曝光後,外界有傳二人奉子成婚,才會結得如此急,事實卻是去年聖誕鄭嘉穎已求婚成功,陳凱琳這半年來一直在籌備她的夢幻婚禮,鄭嘉穎更把所有話事權交給陳凱琳,而他就負責找數。雖然今次未有在香港擺酒大排筵席,但鄭嘉穎亦跟足傳統娶陳凱琳,過大禮及禮金都做足。

鄭嘉穎
鄭嘉穎
鄭嘉穎見到陳凱琳行入教堂即流咗兩條馬尿,兩人在聖壇前執子之手,由牧師帶領進行誓詞儀式,其間非常感動,眼有淚光。

知情者透露:「嘉穎真係好有誠意娶Grace(陳凱琳),只要Grace鍾意嘅佢都冇意見,由地點、酒店、形式同餐單都由老婆話晒事,使幾多錢都冇所謂,最緊要Grace開心,不過咁唔代表佢冇參與,就算喺內地有工作,佢都請假陪住Grace飛去峇里睇場地,順便玩番幾日。之前峇里有地震危機,嘉穎加大個保險額做保障,點都唔想取消個婚禮,佢覺得一生人一次,唔想Grace失望。嘉穎亦知道Grace好緊張屋企人,岳父岳母辛苦養大個女,讀完書幾年就話要嫁人,點會捨得?之前傾婚事時,陳爸爸話禮金方面隨意就得,但嘉穎好識做,一早就開咗張冇寫銀碼嘅支票畀岳父岳母,任佢哋開禮金,呢個舉動真係令Grace父母好感動,知道佢真心錫自己個女,亦放心交個女畀佢。」真正愛一個人才願意無私付出,有指坐擁15億身家的陳爸爸本來甚為反對女兒與鄭嘉穎拍拖,但三年來看到二人的相處,終於令他改觀。

鄭嘉穎
鄭嘉穎
鄭嘉穎話遇到陳凱琳後就想同佢組織家庭:「你帶畀我嘅喜悅、快樂,係從來未試過⋯⋯多謝你答應嫁畀我,無論以後條路係點,我哋一齊行落去,我會照顧你一生一世,I Love You So Much!」
鄭嘉穎
鄭嘉穎
陳凱琳感謝鄭嘉穎,仲邊喊邊講:「多謝你,我係一個好冇自信嘅人,喺我失望、對自己好冇自信嘅時候,你一定會鼓勵我要堅強、要釋懷,難過嘅時刻會過去,要諗住將來嘅開心,每一次你都係啱。」
鄭嘉穎
鄭嘉穎
一對新人在教堂行完禮步出時,在場半百賓客一齊歡呼,鄭嘉穎陳凱琳更多次溫馨錫錫,盡顯濃情蜜意,場面感人。

鄭嘉穎
鄭嘉穎

婚後大解放

陳凱琳是基督徒,對於婚前禁慾這回事,三年來她與鄭嘉穎都避而不談,現在名正言順成為夫婦,終於可以大解放。婚後鄭嘉穎與陳凱琳繼續留在峇里度春宵,本刊記者曾聯絡陳凱琳問她下一站會去哪裡度蜜月兼造人,她笑說:「遲啲先話畀你哋知!」周三 (15日) 是鄭嘉穎的49歲正日生日,在峇里海景新房的浪漫環境下,相信鄭嘉穎很快便會實現母親對他的期望,因為鄭嘉穎母親以前成日問佢幾時結婚,但佢一直唔畀答案,搞到阿媽好擔心,所以嘉穎在婚禮上即場同母親講Sorry。其實行動最實際,快啲生個B畀鄭媽媽抱孫咪得囉!

鄭嘉穎
鄭嘉穎

鄭嘉穎
鄭嘉穎
晚上在酒店宴客,鄭嘉穎與陳凱琳帶頭進入舞池共舞,情到濃時又啜爆。

過百萬夢幻婚禮

為搏鄭太一笑,鄭嘉穎不惜工本在Bvlgari Resort Bali酒店舉行夢幻婚禮,對於今時今日身家過億的他來說,娶老婆埋單過百萬只係濕濕碎,最緊要陳凱琳開心。

鄭嘉穎
鄭嘉穎

限量婚紗鞋

陳凱琳拍婚照時所穿的性感deep V雪紡長裙襯意大利品牌Rene Caovilla限量版幻彩水晶高踭鞋,全球限量僅30對,高貴優雅。

陳凱琳
陳凱琳

4.18卡巨鑽婚戒

鄭嘉穎作為城中鑽石王老五,娶老婆出手當然唔會低,佢送畀陳凱琳隻4.18卡巨鑽婚戒過百萬,閃到爆。雖然陳凱琳著裙褂時襯托金器並唔多,只見到一隻極粗嘅龍鳳鈪及3隻金戒指,但勝在簡約得來亦大方。

鄭嘉穎
鄭嘉穎

鄭嘉穎與陳凱琳行禮的Bvlgari Resort Bali酒店,正是霍建華與林心如、劉愷威與楊冪結婚的地方,他們入住6萬元一晚的頂層套房,佈置簡潔自然,套房包括大廳、浴室中間就有大浴缸,行禮的石教堂,有大海景之餘,面積大概可容納64人。

婚禮場地放了一個代表愛情嘅白、黃玫瑰造成的巨型鮮花環,更寫上鄭嘉穎同陳凱琳兩人的英文名「Grace & Kevin」,晚上婚宴場地亦有「G&K」的燈牌。

陳凱琳 鄭嘉穎公布喜訊

11月22日晚上10時許,陳凱琳率先上載一張與老公鄭嘉穎擁抱的合照,表示喺感恩節呢個大日子,宣布家庭將會有一位新成員!恭喜恭喜!

太太陳凱琳用英文發言,由感欣節講起:Thanksgiving is about celebrating and being greatful for all that we have
鄭生鄭太一同承諾,盡最大努力照顧家庭最新成員。

二人互相呼應,同步出Post,太太陳凱琳用英文,鄭嘉穎則以中文發表相同的感言。

肯德基齊慶賀

之前鄭嘉穎幫快餐店肯德基(KFC)做代言人,一句「21800000 CALL我啊!」完完全全打心所有港人腦海。代言人結婚生仔咁開心,KFC就梗係搞搞新意思啦!

鄭嘉穎幫KFC做代言人

肯德基噚晚喺Facebook出Post,以【21800000恭喜你呀!】為主題,原來係為慶祝鄭嘉穎造人成功,所以顧客喺今日(28/11)去分店買套餐,落單時講「218 5個0恭喜你」就送葡撻一件,推廣部又真係幾有心思喎!

講單時講句嘢就有免費葡撻食,相信今日KFC一定充滿住「恭喜你」呢句說話。不過此Post一出,都有少部份網民話覺得好尷尬,真係講唔出口。

盤點十個晉身電視劇女主角的港姐

網民:準備畀人照肺啦!吳若希大爆TVB講明要撐周柏豪

網民:好難信佢無整過囉! 索爆張曦雯舊照流出惹整容疑雲

人妻岑麗香驚變獨眼巨人

江嘉敏被踢出視后候選名單 原來名額畀佢搶走咗?

延伸閱讀:

30歲又如何?盤點不經不覺已29+1的女藝人

關注我們Facebook專頁
    相關新聞
      更多瀏覽