蔡一智掃傑仔新碟做禮物
2018年11月28日03:00
草蜢為患癌小朋友籌募醫療經費。

【星島日報報道】草蜢及江海迦前晚為伊館舉行的音樂會擔任嘉賓,草蜢透露是次是為患癌小朋友籌款,幫助他們於創傷後的治療經費。

草蜢透露12月尾將出發到馬來西亞舉行巡唱。蔡一智稱為準備聖誕禮物而煩惱,他笑說:「咁啱蔡一傑就出咗隻新碟,我諗住大手入貨,每人送一隻做聖誕禮物,你拎到金唱片就真係要多謝我!」問到蔡一傑可會到日本宣傳新碟?他表示都是看林姍姍安排,蔡一智及蘇志威隨即起哄,提議請他們到東京一同慶功。蔡一傑笑說:「應該係你哋兩個同我慶功,仲叫我請?咁我自己慶啦!」

江海迦表示今年是音樂上的豐收年,而來年的新專輯亦跟舒文籌備中。談到古天樂打入叱咤男歌手十強,硬撼陳奕迅及張敬軒。問到會如何選擇?她笑笑說:「三個都揀得唔得?同邊個合作都開心。」

關注我們Facebook專頁
    相關新聞
      更多瀏覽