跟國家隊精英練波 李克勤培訓兩子做球王
2018年11月27日13:45

入行30年,唱歌贏過無數獎項的李克勤,同老婆盧淑儀是超級曼聯球迷係人都知,原來近年克勤夫婦還 迷上打羽毛球,同一班國家隊羽毛球手好投契,打波打到變老友, 日前年僅21歲的中國羽毛球前世界冠軍陳清晨來港,克勤一家四口熱情款待波友吃日本菜,兩個仔比父母更雀躍。

原來受父母影響,年僅11歲的 Ryan和8歲的Rex亦愛上打羽毛球,更有機會跟一班世界級波友高手學波,睇嚟有廿四孝爸爸克勤用心培 訓,有運動細胞的大小「老闆」,就算唔做歌王都可以做球王!

撰文:東方新地 圖片:新傳媒圖片、李克勤ig

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

李克勤兩子 校內品學兼優

李克勤同老婆盧淑儀出名恩愛,最難得是嗜好都似到十足,除 了是曼聯超級擁躉,夫婦對運動同樣熱愛,連兩個仔今年11歲的李立仁(Ryan)及8歲的李力司(Rex)亦遺傳父母的運動細胞,年紀輕 輕已經是運動健將。向來比較文靜的大仔Ryan,在校內品學兼 優,數學彈琴象棋樣樣精,今年更加入學校校隊踢足球, 廿四孝父 親克勤為培育愛兒,經常陪仔晨早操波,Ryan更代表過學校出 賽,到近年兩個仔愛上打羽毛球,還有機會跟父親一班頂級國家隊 波友學波,年紀輕輕已經打得有板有眼。據知情者透露:「工作關 係,呢幾年克勤做騷不時有機會接觸國家隊球手,同佢哋公開切磋 球技,仲因為咁做埋好朋友,私底下成日會約埋打波,可以同咁多 高手過招,克勤不知幾開心,亦因為咁,兩個仔同班國家隊選手都 熟晒,成日會跟埋爹哋媽咪落場同班選手打!」

上周二( 13 日),克勤一家四口出動,原來係宴請來港的中國羽毛球前世界冠軍陳清晨食日本串燒,同好友敍舊吃足兩小時,話題仲係傾唔 完,企出門口等車時,仲企喺街吹咗好耐水,只見克勤夫婦同冠軍球手 傾得好開心,笑到合不攏嘴!

克勤當晚亦有貼出合照,不過貫徹低調,二子未有出鏡。

克勤近年同一班國家隊羽毛球選手打波變老友,連兩個仔亦同班體壇精英哥哥姐姐friend 埋,日前三父子見世錦金牌高手譚強(前中)、劉雨辰(後)即變小粉絲!大小老闆更有當運動員夢想!

興奮過爸爸

克勤請完陳清晨吃串燒,翌日又同中國羽毛球選手鄭思維及黃雅瓊吃地道雲吞麵,克勤同好友selfie ,後面的Ryan同樣興奮!

高手過招教仔

近日香港公開羽毛球錦標賽在紅館開戰,克勤夫婦除了到場觀 戰,還相約一班專誠來港的中國羽毛球選手好友敍舊,原來克勤夫 婦近年跟21歲的中國羽毛球前世界冠軍陳清晨打波打到變好友。上 周二(13日)兩公婆專登帶埋兩個仔招呼好友到跑馬地吃日本菜。據 知情者透露:「克勤教仔好開通,唔會一味催谷兩個仔學業成績,反 而畀佢哋接觸多啲戶外活動同不同運動,發掘佢哋嘅潛能,兩個仔 好鍾意踢波同打羽毛球,仲話想做運動員,克勤希望兩個仔打好基 礎先,等佢哋大啲先決定自己嘅路向!」實現願望用努力,克勤兩個寶貝仔有爸爸苦心培訓,又有國家隊精英教路,打出個未來應該冇 難度!

貼地教仔

李克勤為免兒子有太大功課壓力,兩個仔都在國際學校升學, 11 歲大仔Ryan更是校內高材生,當日就見Ryan全程攞住本圖書,動靜皆宜。

緊張媽媽

婚後專心相夫教子,李太盧淑儀教 得兩個仔乖巧聽話,呢位緊張媽媽,當日就細心抱住細仔Rex 落石壆,見細仔跑住上車,站在身後視線亦全程睇到實,絕不掉以輕心!

不拘小節的陳清晨,企在居酒屋外,不停同克勤揮手道別!

全家南京觀戰

夫婦變羽毛球癡,兩個仔對羽毛球一樣 愛不釋手,今年八月,克勤一家四口專 誠飛南京睇世界羽毛球錦標賽,捧好友陳清晨及賈一凡場!

高手過招

近年熱愛打羽毛球的李克勤,不時有機會同羽毛球高手切磋球技,今年二月, 克勤同太太盧淑儀,與中國羽毛球女將唐淵渟(右三)打羽毛球。

唔做虎爸

克勤教仔採開放態度,堅持唔做虎爸唔會強迫兒子狂操功課,兩個仔 似足父母,自小已愛踢足球,克勤搵私人教練教仔踢波,而大仔Ryan今年 更加入咗學校校隊

老婆盧淑儀全天候照顧兩個寶貝仔,克勤亦係廿四孝爸爸,一得閒就湊仔返 學,今年大仔Ryan加入學校校隊,克勤晨早陪仔練波,不過呢啲對佢嚟講,都係開心任務!

恩愛出巡

要數圈中模範夫妻,李克勤同盧淑儀絕對係表表者。雖然屋企大小事都以兩個仔大小老闆Ryan同Rex為先,不過平時兩公婆都會爭取時間拍拖享受吓二人世界。早前李克勤兩公婆去到銅鑼灣利園行街,以為童裝名店林立係為兩個寶貝仔買嘢?又唔係喎,今次係盧淑儀陪老公克勤攞眼鏡至真。

在公合作無間,在私又同溥儀眼鏡老闆邱子傑係老友,克勤配眼鏡唔使講梗係又幫襯番朋友啦。當日貨到有得攞,兩公婆一陣風一樣,入舖頭唔使五分鐘,盧淑儀連坐都唔使坐,已經攞埋貨、較啱角度試戴埋走得,效率一流又可以趕下場!

李克勤同老婆盧淑儀日前現身童裝名店林立嘅利園商場,不過今次唔係為屋企大小老闆添置新衫,而係去配眼鏡。

原來克勤去咗幫襯老友邱子傑配眼鏡,廿四孝老婆盧淑儀趁機跟場拍吓拖。

熟客兼老闆老友駕臨,店員好有效率,話咁快較啱角度又試戴埋,兩公婆好滿意咁離開。

盧淑儀早已淡出幕前相夫教子,克勤一見鏡頭即好有風度咁遮住太太,而盧淑儀則下意識擰轉面迴避鏡頭。

李克勤 拉大隊食天婦羅

講過N次都係要再講,點解拍拖加結婚25年都可以咁恩愛呢?模範夫妻嚟講,娛樂圈當中李克勤、盧淑儀都算係數一數二!早排去到中環,一見用屋企一對大小老闆名做車牌的保母車,就知呢對夫妻又出街拍拖,果然一落車就拖到實,克勤仲要先行一步,幫老婆睇好無車先至過馬路。原來李克勤、盧淑儀兩公婆當日約咗浦儀眼鏡老闆邱子傑同老婆邱李茂琪去威靈頓街食天婦羅,同行仲有譚詠麟同彭建新,話說間餐廳新開唔夠一年,專攻精緻日本菜,普通一個餐都閒閒哋過千蚊,不過呢個價對呢班食家嚟講,濕濕碎啦!

李克勤
李克勤
李克勤同盧淑儀放低兩個囝囝外出,一落車即拖實老婆,然後細心留意交通再十指緊扣過馬路。
李克勤
李克勤
一餐日本菜食足兩粒鐘至食完,臨行時一行人好似仲未傾夠,圍住企喺大廈門口繼續吹。傾完偈又影合照、影完相再攬下道別,原來唔止盧淑儀同邱太friend,班男士都好好感情。
李克勤
李克勤
有右李當然就有左倫,譚詠麟(橫間衫)亦隨後步出餐廳。
彭健新同譚詠麟亦有同行食日本菜。

留意番,點解會係呢班人聚腳飯局,食足兩粒鐘臨走仲企喺街頭傾唔停呢?查實邱子傑同老婆邱李茂琪同李克勤、阿倫相識多年,左鄰右里演唱會都有份贊助,邱李茂琪仲係盧淑儀閨蜜,成日一齊high tea、shopping、過生日!話時話,點解個局唔見閨蜜另一位成員李嘉欣呢?

唔講真係唔知,原來盧淑儀同邱李茂琪仲有李嘉欣都係閨蜜,成日一齊high tea、shopping。
李克勤
李克勤
終於傾完大班人過馬路上車,呢個時候李克勤又從後扶實太太盧淑儀,好細心呀!
李克勤
李克勤
之前李克勤夫婦就撇低大小老闆,拍拖去日本旅行,仲遇上當地難得一遇的大風雪,克勤苦中作樂,大唱〈飛花〉應景。

《大唐雙龍傳》三女合體!翁虹後生過胡定欣、楊怡?

陀B陳凱琳揚言生三個!家族有龍鳳胎基因⋯

小三好長大了!17歲陳詩慧出年迎戰DSE

窮到住劏房、冇錢置裝!黎諾懿感激鄭伊健出手相助⋯

住半山獨立屋 揭郭子豪闊少真身

【跳躍生命線】入行20年!李日昇學霸童星變爆肌男

【是咁的,法官閣下】童星吳諾弘棄讀男拔做全職劍擊運動員

伊健激將法鞭策!蒙嘉慧甩廿磅肥肉復出

10位年過40歲女星猶如「凍齡」

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

大台4大「御用八婆」角色!令人想打爆電視…

15位男星童年照曝光 你又估到他是誰嗎?

延伸閱讀:

與朱麗倩結婚十週年 劉德華罕有重提當初隱婚原因

關注我們Facebook專頁
    相關新聞
      更多瀏覽