王君馨吊帶裙上陣為王梓軒拍《夜曲十七章》MV
2018年11月27日20:27

王梓軒早前拍攝TVB劇集「是咁的,法官閣下」,與劇中演員王君馨老友鬼鬼,邀請對方拍攝劇集插曲「夜曲十七章」MV女主角。王梓軒自爆為MV閉關練舞多日,怎料現場都「蝦碌」連場:「因為今次MV要走景拍攝,舞步又超高難度,要君馨轉到頭都暈晒穿越我下半身,加上沙灘凹凸不平,真係高難度動作!當日跳咗五、六個鐘,拍完呢Part都散晒!臨尾個shot君馨都要檢查我下盤有冇腳震,佢驚我冇體力抱起佢拋佢落水!」

MV除了廠景外,更要到海灘拍攝,導演要求王梓軒浸海水扮有型,適逢天氣轉冷,凍得梓軒「扎扎跳」:「呢排天氣變凍左,但我都唔算辛苦喇,君馨就夠晒義氣,咁凍都吊帶裙上陣,一roll機仲若無其事咁跳,呢啲專業精神真係要比個like佢。」

王君馨在MV中遇上家暴,王梓軒就送上友誼的支持,他表示君馨亦有參與創作部分,令自己欠下巨額人情債:「佢都算唔話得,因為今次個構思君馨都有份諗,我又加自己意見而成,即使佢拍晒自己部分,都留低陪我睇shot,大家齊齊凌晨三點幾先收工!今次我爭佢咁多,真係無以為報,未來佢有咩用得著我就開聲,我隨傳隨到!」

原文連結:

王君馨吊帶裙上陣為王梓軒拍《夜曲十七章》MV

相關文章:

童模張嘉悅衝出香港 揚威海外

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽