賭王97歲生日 何猷君送招股書做生日禮物
2018年11月26日17:47

賭王何鴻燊昨日(11月25日)97歲生日,其四太梁安琪及子女專程到醫院為他慶祝生日,何猷君更帶著他公司的招股書給爸爸過目,惹得賭王笑得合不朧嘴,看見兒子成才,對爸爸來說可算是最棒的一份生日禮物!

撰文:Kayla|圖片來源:何猷君微博、何超盈ig

延伸閱讀:

影后林嘉欣笑談湊女經:正向管教 放手讓小朋友自由探索!

【隨時生得】搞Baby Shower好姊妹齊到場 李亞男:「迫不及待同佢見面」

向賭王送上人生第一本招股書

眾人在養和醫院為賭王何鴻燊慶祝生日,同一天適逢何猷君公司的上市發佈會,他帶著人生第一本招股書帶往探望爸爸。何猷君在微博上分享了一張賭王看著招股書的相片,並留言道:「今天是意義非凡的一天,從來沒有想到,爸爸的生日和公司上市發佈會的大日子,會神奇的發生在同一天裡!」

圖片來源:何猷君微博

「今天也是爸爸的生日,讓你感到驕傲一直是我奮鬥的動力。因為你什麼都不缺,每年給你準備禮物都是最頭疼的事情!今年,我終於能夠給你一個特別的、最有意義的禮物——人生中的第一本 股書!!我想說:爸,97歲生日快樂!我會一直努力,做值得你驕傲的兒子!」

圖片來源:何猷君微博
圖片來源:何猷君微博

超盈向賭王分享與男友合照

身為四房長女的何超盈,亦有在Instagram上分享Story,一張是她與弟弟何猷君的合照,另一張則是超盈和賭王一同看手機的相片,在手機螢幕上隱約看到是超盈男友與四太的合照,未知賭王對這個未來女婿滿不滿意?

圖片來源:何超盈ig
圖片來源:何超盈ig

何猷君成麻省理工最年輕碩士

賭王何鴻燊與四太梁安琪兒子何猷君是麻省理工大學(MIT)畢業,自小已經是數學天才的何猷君只是用了三年時間就讀完四年的課程。上年只有21歲的何猷君還成為了史上最年輕進入MIT攻讀金融碩士的學生!

圖片來源:何猷君微博
圖片來源:何猷君微博
圖片來源:何猷君微博

何超欣又是一名學霸

賭王何鴻燊有四房太太,十六個仔女,有傳佢最愛錫的,就是在78歲時,跟四太梁安琪所生孻女何超欣,可能是因為「孻女拉心肝」!賭王不止一次讚這個女兒「靚到不得了」!時光飛逝,超欣現在都已經19歲喇,亭亭玉立,生性文靜低調,而超欣跟哥哥何猷君一樣,都是學霸一名,難怪深得父母寵愛!

四太梁安琪講過過,希望超欣冇傳媒壓力下成長,所以超欣自細就好低調,就算同屋企人出席活動,都有媽媽、家姐阿哥睇到實。自細一向品學兼優嘅超欣,小學就讀灣仔區傳統名校瑪利曼小學,除咗讀書叻,亦都好有運動細胞,小學已經喺學界田徑場上盡顯鋒芒,小三被選為「最有潛質運動員」。

何超欣
何超欣

細細個就見慣大場面,每次出現都好淡定。

四房全家福,(左一)為二哥猷亨,(中)三哥猷君,(右)為大家姐超盈。

超欣12歲就去咗英國讀寄宿學校, 所以自細就好獨立,識得自己照顧自己。

喺英國讀咗6年書,早前考GCSE考到9個A*,數學更加攞滿分。

本來劍橋已經收咗佢喇,不過超欣就想轉換吓環境,於是就跟阿哥去美國繼續升學。

而家超欣已經入讀美國麻省理工大學(MIT),仲做埋中國留學生會會長,認真叻叻豬!

最近超欣仲代表MIT去參加同哈佛(Harvard)、耶魯(Yale)、普林斯頓(Princeton)同史丹福(Stanford)共5間名牌大學搞嘅五校同舟會學生組織,仲成為呢個組織嘅主席。

媽咪以前係跳舞老師,跳舞對超欣嚟講,又點會有難度!

19歲少女,好多都沉迷K-pop,追韓星,不過超欣就話自己係個宅女,平時鍾意煲劇,睇小說。

自2002年開始,每年於11月舉行的巴黎名媛舞會(Bal Des Debutantes),聚集20多名由16至22歲來自不同國家的年輕名媛淑女的盛大舞會。超欣舊年都有應邀出席,成為25位名媛其中之一,亦係在場唯一一位華人!

超欣嘅社交平台,唔似其他哥哥姐姐咁多姿多采,而家仲係私人帳戶嚟!要留意佢嘅動態,就要留意佢啲哥哥姐姐嘅平台喇!

呢張唯一嘅水着相,就係家姐超盈PO架喇 !(不過好似P圖重手咗!)

喺咁多兄弟姊妹當中,超欣同哥哥猷君感情最好!

猷君係數學天才,小學時連續兩年喺「世界數學測試邀請賽」中獲獎, 大個之後係麻省理工最年輕的金融碩士,18 歲被美國麻省理工和哈佛大學同時錄取,只係用咗 3 年時間,就攞到 MIT嘅畢業證書!

猷君錫到個妹燶!超欣17歲生日,就突登飛去倫敦同佢做生日。

「男生們請注意:我妹妹已經有戒指,所以你們都沒機會的啦,請試也別試!夠膽碰我妹妹的,我會把你殺掉,然後開開心心的去坐牢坐一輩子」

兩兄妹又會一齊去旅行。

何家二、三、四房子女世紀合照!真係好難得呀!

何家嘅親子活動,係一家人一齊打麻雀!

延伸閱讀:

兒子搭捷運興奮大叫 黑人陳建州身教獲讚

關注我們Facebook專頁
    相關新聞
      更多瀏覽