《救妻同學會》簡淑兒海報劇照被消失 全因唔係大台親生女?
2018年11月26日15:15

TVB曾幾何時都有唔少青春劇,捧紅唔少青春偶像,不過近年以年輕藝人擔正的劇集已買少見少,所以周日時段新劇《救妻同學會》都幾有新鮮感!《救妻同學會》近日宣傳浪接浪,不過有份參演的宅男女神簡淑兒,竟然喺海報、劇照甚至首次宣傳活動都不見蹤影,於是外界都認為係呢個原因……

撰文:東方新地|圖片:東方新地、Instagram、劇照

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

周日時段新劇《救妻同學會》

TVB新劇《救妻同學會》昨晚首播,重啟周日煲劇時段,每集連播2小時。劇集感覺上以青春氣息作賣點,大膽以胡鴻鈞及劉佩玥作男、女主角,另加一班大部分30歲以下的演員(其實有幾位已經3字頭),主攻年輕人市場。

以一班年輕演員掛帥的劇集,大台近年都好少見!

呢啲畫面擺明向《那些年》致敬!

簡淑兒小背心、熱褲搶鏡

其中近年深受宅男歡迎的新一代女神簡淑兒,今年繼《平安谷》及《波士早晨》再有劇出街,簡淑兒外表本來就成個學生妹咁,今次演大學生角色無難度,昨晚第一集經常都係小背心、熱褲出場,都幾搶眼㗎!

簡淑兒
簡淑兒
簡淑兒今年29歲,不過演學生妹絕對無違和感!
簡淑兒
簡淑兒
小背心、熱褲冇得輸~
不過簡淑兒呢個角色原來表裏不一,望落係個清純乖乖女,但其實有不為人知的一面!
腰果眼加招牌笑容!
原來惡到死!

原來係做「Hall雞」?

《救妻同學會》主打年輕市場,所以都有唔少貼近年青人的話題或者用詞,好似朱智賢竟然直稱簡淑兒係「Hall雞」!咁到底「Hall雞」係咩?大概係傳聞中大學宿舍入面,會有啲女學生喺房間為其他男學生提供「特別服務」…… 之類啦。

好難想像「Hall雞」話題會喺大台劇出現。

話口未完,即刻有「恩客」上門啦!
簡淑兒對白:「掛住我… 食過返尋味呢?」
嘩呢個表情……

賣丸仔至真!

簡淑兒一向都係清純乖乖女,唔通今次真係大突破演「Hall雞」?劇中黃庭鋒就得悉真相,佢意外發現簡淑兒其實唔係做「Hall雞」,而係喺房中出售軟性毒品!

原來係賣丸仔!

「食過返尋味」原來係講緊呢味嘢。

掛波板糖代表咩…… 大家明啦。

簡淑兒海報劇照被消失 全因唔係大台親生女?

《救妻同學會》第一集簡淑兒都算幾突出,不過近日劇集海報、劇照甚至首次宣傳活動都不見其蹤影,海報連名都冇!到底點解?有指係因為簡淑兒經理人合約屬GME,與TVB只有部頭合約關係,即非大台「親生女」,所以就影都冇……

基本上所有宣傳都只見主要的10位演員,簡淑兒冇份。

官方回應指……

據知有唔少簡淑兒粉絲對此大感不滿,於劇集官方IG問道點解偶像會被冷待,官方回應就話原來簡淑兒只係一個客串的特別角色,唔算係最主要嗰十位角色。咁大家明白啦?

宣傳活動都係冇簡淑兒的。

不過簡淑兒都有喺自己社交平台落力宣傳,fans們都唔使失望啦,有睇劇自然見到女神!

簡淑兒愈大愈靚 六年進化史重溫

無綫劇《平安谷之詭谷傳說》, 觀眾口碑出乎意料地好,一班女演員的演出備受讚賞,其中簡淑兒飾演一個天真可愛的小女孩淼淼,不過就有個獸父鄭子誠,仲差啲被侵犯!紥一對孖辮、楚楚可憐的樣子,簡淑兒真係無得輸!

《波士早晨》又見到佢

接住《平安谷》出街的《波士早晨》,男主角方面有黃智賢、洪永城等,吸引力一般;反而女演員陣容更吸引!除了人見人愛的Ali李佳芯、好耐無拍無綫劇的陳慧珊外,觀眾在同一時間又見到簡淑兒!今次簡淑兒飾演一個初級秘書仔,怕怕醜又驚青咁,由佢演繹就適合不過!

簡淑兒同張致恆有感情線。
簡淑兒仲有激罕著泳衣濕身鏡頭~
簡淑兒仲有激罕著泳衣濕身鏡頭~
簡淑兒仲有激罕著泳衣濕身鏡頭~

簡淑兒:我以前只係黑同肥

講開29歲的簡淑兒,雖然佢出名樣子甜美,但其實整容傳聞由佢16年加入《愛回家之八時入席》出演秘書仔時就傳到㷫烚烚。當時簡淑兒經已反客為主,自post 11年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

真面目判若兩人

對於簡淑兒的變臉疑雲,本刊曾獲得一批2012年香港小姐競選官方照,當年簡淑兒20強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔多年冇人話心穎BB同千雪BB唔同晒樣嘅?又點解可以變變吓變咗撞埋Baby樣呢?

簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照
簡淑兒選港姐照

簡淑兒愈大愈靚

事隔六年,面目全非,愈大愈靚,簡淑兒就曾經解釋係當初官方妝頭出事喎!

簡淑兒進化史

12年:面型尖咗,個鼻直咗,不過本來輪廓仲喺度,當年仲有小小似張慧儀。

13年:明顯下巴更尖,鼻型筆直,對眼都比選港姐時圓咗又深咗。

14年 多咗大眼仔美化對眼,不過明顯雙眼又大又圓,已見腰果眼初型。

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

17 – 18年:新一代女神地位奠定,腰果眼笑臉已成招牌,整體樣貌都無咩改變,最多都係齊陰髮型有時會變吓。

延伸閱讀:

懷孕期留下最美一刻!8輯星媽大肚寫真

關注我們Facebook專頁
    相關新聞
      更多瀏覽