大熱陳煒放軟腳!造就李佳芯下月搶視后
2018年11月26日00:26

每到年尾,又係TVB派發藝人成績表時間,今年的《萬千星 輝頒獎典禮》將於下月16日舉行,獎項未知花落誰家,剛於上周一 (19日)舉行的51周年台慶,率先揭盅星馬兩地視帝后大獎,相 比「最喜愛TVB男主角」,今年視后之爭激烈過坐過山車,黑馬黃智雯成功揮低大熱陳煒、李佳芯贏開巷封雙料星馬視后,首次開齋封后全程high爆,不過,下月中香港視后先係戲肉,陳煒 放軟手腳,造就講明延遲結婚生B博盡攞獎的李佳芯,好有機會在下月搶走萬眾矚目的香港視后!成為真正贏家!

撰文:東方新地 圖片:新傳媒圖片

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

李佳芯 下月搶視后

今年無綫台慶玩創意,取消新加坡《星和無綫電視大獎》及馬 來西亞《TVB馬來西亞星光會萃》兩地頒獎禮,將香港、星馬三 地視帝后斬件公布,剛過去的《萬千星輝賀台慶》率先頒發星馬視 帝視后,明顯唔想沖淡下月《萬千星輝頒獎典禮》氣勢。 觀眾唔使齋睇表演,壓軸頒發星馬兩地視帝后成全晚高潮,今次無綫又玩驚喜,演出由頭帶到尾的黃智雯及袁偉豪同時 起雙飛封雙料星馬視后視帝,四個獎畀兩人擸走晒,令一直盛傳 有機得獎的「民間視后」陳煒大熱倒灶,而等了又等的馬國明亦再次失落視帝獎!

陳煒以紅色透視晚裝現身台慶紅地毯非常搶鏡,不過,煒哥全晚出鏡率不多,連表演項目都冇。

智雯重頭表演

今年視后之爭絕對是近年最激烈一次,當晚四位視后大熱 胡定欣、陳煒、李佳芯及黃智雯全部性感現身,個個谷胸狂晒 事業線極盡睇頭,本刊早前率先爆胡定欣寧願棄票,同黃智雯 姊妹聯手夾擊「民間視后」陳煒,策略成功奏效,黃智雯由出場 排位一直企正靚位,明顯得無綫力捧,黃智雯更被派到好 籌,擔正全晚重頭勁舞環節,由她率領50位TVB藝員大跳勁舞, 50人伴住跳,貼合無綫「50+1」再出發主題,全程表現風騷信心 十足的她,果然贏獎又贏勢,捱足十年吐氣揚眉!攞獎致詞時她不斷多謝無綫:「好多謝TVB一直畀好機會我!」完全真情流露。

識睇一定睇排位,無綫將全台藝員分成十組參加遊戲,黃智雯被安排入視帝視后組,更企正前排當眼位,拍住得寵王浩信、唐詩詠,雖然煒哥亦被安排入此組,但就一直企後排。

三地口味不同

不過,這晚台慶空手而回的李佳芯,其實同樣獲無綫厚愛,多個環節連環出鏡,相對齋坐足全晚並無表演項目的陳煒,明顯更有聲勢,大有機會勇奪下月《萬千星輝頒獎典禮》 「最佳女主角」獎。據知情者透露:「煒哥份人冇乜野心,又唔會扭計爭上位,始終比較輸蝕,雖然Ali今次失落星馬視后,但其實星馬同香港觀眾嘅口味係好唔同,以往慣例,喺星馬攞到獎,反而未必喺香港攞到,好似上年唐詩詠咁,佢一樣攞唔到星馬視后,但最後佢就喺《萬千星輝頒獎典禮》封后!嚟緊頒獎禮應該係Ali同煒哥鬥,但Ali夠chur又夠博,攞視后嘅機會被睇高一線!」

誓搶香港視后

李佳芯全晚冇獎攞,但一早唔在意星馬獎項的她,其實發力瞄準下月《萬千星輝頒獎典禮》「最佳女主角」獎,更為 攞獎延遲結婚生B大 計,擺明車馬爭香港視 后爭到底,下月攞獎 機會極高!

新劇反應一般

劇集《兄弟》未播,已經被貼有機在下月《萬千星輝頒獎 典禮》冧莊再封帝的王浩信,劇集啱啱播對星馬兩個頒獎禮獎項投票較輸蝕,最終敵不過一早被點名在上月親身到星馬兩地宣傳拉票的袁偉豪。

出道二十年的袁偉豪,首度憑劇集 《棟仁的時光》成為星馬雙料視帝,全晚亦有唔少出鏡機會,表演打籃球又有答問環節,而同樣被無綫睇重的王浩信,就有份演出兄弟武打表演,不過,《兄弟》播映一星期反 應一般,仲有冇機下月攞獎反勝袁偉豪,睇嚟真係要睇套劇後勁能否扭轉局勢。

除咗黃智雯孭重大型表演,李佳芯亦連環演出,得寵有跡可尋,無綫將三套台慶劇《兄弟》、《跳躍生命 線》及《是咁的!法官閣下》以特別版演出外,劇集《 BB來了》一班演員亦有演出環節,可見公司對《 BB 來了》極之看重。
在劇集《跳躍生命線》一出場就死的李佳芯,在台慶特別版《跳躍生命線》又有得出場,現身同男主角馬德鐘再續情緣。

袁偉豪、黃智雯 封星馬雙料視帝視后

入行十年,首度封視后的黃智雯,一嚟就雙贏,同時奪得新加坡及馬 來西亞視后,在Do姐手上接過獎時激動爆喊,還表示入行初期同阿姐拍第 一個劇,自知做得唔好,仲畀阿姐彈演技差,直至台慶當晚出場時得阿姐讚許,令她感到最開心,致謝辭更特別多謝汪阿姐!

黃智雯成雙料視后,袁偉豪亦憑劇集《棟仁的時光》封雙料視 帝,他更感觸表示入行二十 年,今年有好多機會,亦有好多經歷。

張寶兒見男友 攞獎亦開心到眼濕濕,被主持問到有乜 嘢想講,就大讚男友兩 次:「你好叻呀!」氹得 坐在後邊的袁偉豪 瞇瞇笑!

率50人表演

今年係TVB 51周年台慶,黃智雯 被派擔正重頭表演項目,由她率領全台50藝員一齊跳,寓意 「50+1」再出發,氣勢顯而易見!

黃智雯出場時有煙火配合,跳舞動作型到爆。

馬明被玩

今年台慶又將拍拖藝人擺上台,馬國明 黃心穎被安排同一組,令天然呆馬國明 硬晒軚,答問環節突然被主持叫咀 嘴,他更呆晒不知所措,要袁偉豪幫手解圍!

伊健掀高潮

全晚最緊張環節是頒發星馬兩大視帝視 后,但講全晚驚喜絕對是神秘嘉賓鄭伊健的 出現,全場起哄,伊健一口氣唱出經典歌〈直 至消失天與地〉、〈一生愛你一個〉,之後再同周柏豪合唱〈友情歲月〉。

全場藝員興奮跟住唱又起身拍和,氣氛相當 高漲。其後伊健接受記者訪問時,更直言只 要遇到好劇不排除有機會回巢拍劇﹗

大露特露

一年一度的11月19日的台慶大日子,一眾花旦小花攞正牌鬥靚鬥搶鏡的一晚,大玩中空裝,露得就露!

冇著底褲

要講今年最出位莫過於向來敢言的馮盈盈,穿上一條低胸及兩側全透視紗裙行紅 地氈, FYY 更自爆冇著底褲及加胸墊,真材實料咁話,所以全晚要行得好小 心,又指條裙由以色列空運抵港,好多大明星都喜愛這品牌,她成功將條裙搶到 手﹗打扮言論都咁大膽,成功「騎劫」紅地氈﹗

下身失守

做慣大騷司儀的陳貝兒,向來走高貴大方路線,今年台慶都露埋一份,露上又露 下,不過可能經驗不足,上下同時兼顧有難度,行紅地氈時一度走光﹗勁失策﹗

逼爆現身

貴為視后嘅唐詩詠在無綫生日嘅大日子悉心打扮到賀,上圍逼爆現身,美好身段 盡表露﹗

副乳搶鏡

露開嘅張秀文,今次玩大中空露出半球,超級性感,後面更是大露背,仲自信地話唔怕走光:「我經驗十足,不停照鏡,對呢度門把關得好好嘅﹗」可惜露出副乳大殺風景,唔夠弗喎﹗

冇膽真空

劉佩玥罕有以中空晚裝現身,可惜不慎露出右邊胸墊,佢話因為冇膽真空上陣加上動作太大,搞到失禮人前﹗

伊健激將法鞭策!蒙嘉慧甩廿磅肥肉復出

陀B陳凱琳揚言生三個!家族有龍鳳胎基因⋯

窮到住劏房、冇錢置裝!黎諾懿感激鄭伊健出手相助⋯

住半山獨立屋 揭郭子豪闊少真身

《大唐雙龍傳》三女合體!翁虹後生過胡定欣、楊怡?

【跳躍生命線】入行20年!李日昇學霸童星變爆肌男

【是咁的,法官閣下】童星吳諾弘棄讀男拔 做全職劍擊運動員

小三好長大了!17歲陳詩慧出年迎戰DSE

10位年過40歲女星猶如「凍齡」

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

大台4大「御用八婆」角色!令人想打爆電視…

15位男星童年照曝光 你又估到他是誰嗎?

延伸閱讀:

鍾意家姐定細妹多啲?盤點8對娛樂圈姊妹花

關注我們Facebook專頁
    相關新聞
      更多瀏覽