伊健新春開個唱 兄弟唔齊人
2018年11月25日03:00
■左起:錢嘉樂、謝天華、鄭伊健及林曉峰型爆出席宣傳活動。

【星島日報報道】(星島日報報道)「黃金兄弟」感情要好,早前陳小春在佛山開Show,其他兄弟神秘到場送驚喜,豈料鄭伊健明年的演唱會,大家都不肯表態,搞到伊健自嘲因無利是,所以個個都無時間!

錢嘉樂、謝天華、鄭伊健及林曉峰昨日為《黃金兄弟》電影原聲CD舉行簽唱會,與粉絲玩遊戲及獻唱,吸引了數百人圍觀。今次「黃金兄弟」之中獨欠陳小春,嘉樂稱兵分兩路,小春要在南京舉行個唱,每逢周六都要Stop Angry(小春的巡唱名稱)。伊健打趣道:「但我哋好Angry,哈哈,無小春都慣晒,不過我哋都有傳短訊祝佢Good show;今日就由我哋發揮『黃金兄弟』精神,難得出實體CD,要親身宣傳表誠意。」

說到4人早前到佛山神秘撐小春的巡唱,嘉樂笑謂:「呢幾年都係一齊,想睇吓小春無咗我哋4個喺台上得唔得,點知又得喎,其實真係好想好想喺觀眾角度睇小春表演。」伊健續說:「那次是突發的,為了瞞住小春,我哋仲開咗一個手機Group名『靜雞雞』,就係為咗佢喺台上見到我哋時呆了5秒個樣。係大家從來未見過的。」

問到伊健明年舉行的演唱會,有否預訂兄弟期表?大家矛頭即指向天華,伊健指過年有人要放長假,不過有份做的Show又得喎!嘉樂也插嘴稱:「有人要忙為女兒搵幼稚園,大家睇吓,佢滴晒汗了。」在旁流着汗珠的天華就反擊指,每個人都要放假㗎。笑問伊健是否利是錢太少?伊健打趣道:「無預要畀㗎,咪就係無利是,所以個個無期、無時間!」

關注我們Facebook專頁
    相關新聞
      更多瀏覽