擔心大女冇着落 家燕姐公開招婿?
2018年11月24日21:28

今年6月,家燕姐先娶新抱做奶奶,之後又自爆收埋咗個男朋友12年,下個月又開入行60周年紀念演唱會,家燕姐仲有咩求?就係望大女珊珊早日有着落囉!

撰文:Joanne 圖片:薛家燕FB、新傳媒資料室

延伸閱讀:

影后林嘉欣笑談湊女經:正向管教 放手讓小朋友自由探索!

【媽媽心聲】帶5個月大囝囝遊世界 吳雨霏:麻煩也值得

拍廣告順便招女婿

早近家燕姐同大女石祐珊拍咗個招女婿廣告,反應好好,現實中家燕姐其實都真係想幫珊珊搵番個男朋友㗎!珊珊身兼家燕姐嘅經理人,平日要處理媽咪嘅工作事務已經夠忙啦,加上最近又為咗家燕姐紀念演唱會嘅事頻撲,忙到咁,又邊有時間理自己嘅感情事!

家燕姐今日接受訪問嘅時候,邊講笑邊擔心咁話,珊珊冇時間打理自己私人事,其實個樣又好似阿媽咁靚女,應該好多追求者先啱,而家就想順便幫珊珊搵個好對象。並再鄭重澄清,王梓軒唔係珊珊男友,傳咗咁多年,真係得啖笑。

家燕話廣告一出,已經收到大堆名單,又有朋友打電話問佢點樣先符合條件,就連坤哥吳業坤都係其中一位!可過家燕姐話,:「坤哥為人唔錯,好細心,但多心。」仲話自己姐夫係心臟科醫生,可以幫坤個做個檢查,check check 佢!

提到洪永城都有幫手分享招女婿短片,家燕姐聞言都大讚洪永城份人其實都唔錯,佢話之前同對方提過想去北極,之後洪永城就買咗本書送畀家燕姐,仲話想佢同珊珊一齊去,但係就想同珊珊去多啲啦!

搞到咁大,珊珊又點會冇反應,其實珊珊自己並唔心急,仲叫家燕姐唔好咁多事,叫佢搞掂自己個演唱會先。

家燕姐
家燕姐

不過燕姐見到有咁多候選女婿,又點會咁易死心,仲話演唱會完咗之後,會拉珊珊同班候選女婿一齊食番餐飯!

下一頁:【是咁的新牌大狀】17歲孭起頭家 林秀怡節衣縮食醫患癌母

下一頁:【是咁的,3大愛妻號】關禮傑 黃智賢 黎振燁 都有一個可共患難的好老婆

延伸閱讀:

【媽媽不在家日常】開Live餵奶 陳柏宇同囡囡過二人世界

關注我們Facebook專頁
    相關新聞
      更多瀏覽