重溫過往4年女星台慶透視裝 靚定娘都係一線之差!
2018年11月24日19:30

年年台慶都係大台女星爭風搶鏡嘅大日子,近年更興起著上唔同質地及款式嘅透視裙上陣,今年就以馮盈盈嗰套最搶風頭!回顧過往4年間,亦有唔少女藝人著上透視裙,盡顯最性感一面!不過,與此同時亦有人曾經試過失手,得反效果!

撰文:東方新地|圖片:新傳媒圖片庫、Instagram

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

重溫過往4年女星台慶透視裝

2018年《萬千星輝賀台慶》

|馮盈盈

講到今年台慶最有話題性兼最性感嘅晚裝,一定非馮盈盈當晚著住嘅透視裙莫屬!件衫側邊睇落完全真空,性感冠絕眾女藝人,真係乜鏡都畀佢搶晒!

台慶
台慶
台慶
台慶

馮盈盈仲透露為咗美感同線條連條底褲都除咗,堅係全真空!

為盈盈拎裙尾嘅男士都睇到眼定定,就知當晚盈盈有幾索啦!

|胡定欣

兩屆視后胡定欣當晚就以一身肉色薄紗透視長裙現身,並配以400萬首飾出場,一向纖瘦嘅定欣完美展現出女性美!

|黃心穎

今年黃心穎就決定收起唔再太性感,兼保守封胸,不過咪睇佢呢條裙由頭銀到落腳,得個閃字,其實都係一條透視裙,除咗上身,腰位仲要係冇紗遮住,唔睇真啲都留意唔到!

|劉穎鏇

今年只得21歲嘅劉穎鏇同樣選擇著上銀色閃片透視晚裝現身,可能有人覺得今次呢條裙唔襯佢年紀,但講番成套晚裝嘅重點反而就係喺背後!

|陳煒

陳煒著上全紅蕾絲超DEEP V晚裝上陣,由頭透視到腳示人,而紅色更令人有眼前一亮嘅感覺,陳煒亦絕對carry得到呢條裙!

|莊思明

莊思明呢套都幾有特色,皆因只有少部位用上白色紗,加上長褲嘅設計更顯其高挑身形!

2017年《萬千星輝賀台慶》

|馮盈盈

相信大家都想睇番盈盈上年台慶著咩裙,原來佢上年就比今年相對保守,不過就以透視兼大露背上陣,有別今年全真空!

|胡定欣

定欣上年就只以上身加入透視元素,成條裙望落就似一朵倒轉咗而又準備盛放嘅花!

|岑麗香

香香嘅透視款式更為特別,皆因唔止身上嘅長裙有透視元素,就連手嘅位置都有!

|朱晨麗

|龔嘉欣

|吳若希

好壞參半

|黃心穎

上年台慶,黃心穎穿接近膚色的網紗長裙,上面用珠片縫製圖案以遮掩重要部位,遠睇非常性感,而下半身嘅直紋設計,亦令臀部望落唔會太闊。不過由於打底嘅顏色偏暗,與裙子唔太一致,因此近距離睇嘅時候,感覺有啲突兀。

2017失手之作

蔡思貝上年著上金色閃片透視裙,本來望落都好靚,可惜唔知點解就露咗條疑似呀婆高腰底橫出嚟,認真扣分……

至於王卓淇以淺藍色透視裙出場 ,但就唔知點解內裡會著咗條土黃色嘅短褲,望落有啲九唔搭八咁……

2016年《萬千星輝賀台慶》

|黃智雯

棕紅色網紗設計配上一隻大燕子,再加上身上首飾,獨特之餘,亦顯貴氣。

|王君馨

15年,王君馨著上嘅透視裙魚尾網紗嘅設計極盡性感,又不失體態美。

|莊思敏、莊思明

|李綺雯

2015年《萬千星輝賀台慶》

|李施嬅

|胡定欣

|黃心穎

|張曦雯

2015 台慶頒獎禮

|鍾嘉欣

順帶一提,15年嘅台慶頒獎禮中,鍾嘉欣著上一條黑色網紗長裙,內搭同色系內衣及高腰褲,可惜身形一向偏瘦嘅嘉欣因高腰褲嘅窄身設計,令下盤望落好似大咗個碼,認真失策。

而當年江美儀著上嘅大紅色蕾絲西裝款式嘅套裝,再配上同色內衣,同時亦成為一時熱話之一!

延伸閱讀:

TVB男藝人狙擊手又出動!江嘉敏公然叫前香港先生「愛人」

關注我們Facebook專頁
    相關新聞
      更多瀏覽