花曼發圍 勢超胡定欣 王君馨禁慾拒生
2018年11月23日15:49

2016年王君馨憑《城寨英雄》花曼一角,創出事業第一個高峰,當時人氣急升的她備受讚賞,但敵不過同劇的胡定欣,與視后擦身而過。去年王君馨與拍拖11年圈外男友Daniel結婚,婚後繼續專注拍劇,就連生B計劃都要押後, 慘豬老公無奈要配合禁慾!王君馨不拎視后心不死,裝備好自己等時機再發圍,而最大勁敵胡定欣連奪兩屆視后早已放軟手腳,仲有傳約滿會離巢,王君馨有演技之餘,仲打得又剝得,機會嚟喇!

撰文:東方新地|圖片:東方新地、Instagram、微博、劇集截圖

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

王君馨《法官閣下》演技大爆發

早前一集《是咁的,法官閣下》中一場法庭戲,王君馨與黃智賢互數,當中的對白令不少人回味及引起共鳴!兩公婆之間的事擺上庭,兩人終於可以好好審視呢段婚姻,究竟出咗咩問題!所以王君馨喺庭上作供時,經常會講一啲「九唔搭八嘅嘢」,其實呢啲並唔係供詞,反而係對呢段婚姻的感觸!

王君馨
王君馨
呢場法庭戲真係好精彩!

「每一段關係嘅開始,總係好像花咁燦爛,而結尾總會令又唏噓,又無奈。」

成日話夫妻感情會昇華,愛情都會變成感情,激情退卻,要為婚姻的保鮮期延長,係要靠兩個人嘅努力。

王君馨
王君馨

王君馨
王君馨

「我們之間咩都有,就係冇咗愛!」

其實好多夫妻都可能面對緊同樣的問題,君馨對於呢場戲都有自己解讀:「我哋有婚姻,有屬於自己嘅屋企,有穩定嘅事業同收入。可能好多人都會覺得做夫妻咁樣已經好好,但中間冇咗溝通,冇咗了解,冇咗愛,就乜都冇。」

王君馨
王君馨

「我同你嘅相遇,從來唔係我嘅主觀意願可以控制,一切都係天意。」

緣份係天注定,但係兩個人點發展,就要睇大家點樣去經營同維繫。經營感情,講到底都唔可以咁「佛系」。

校長小方都大讚:

王君馨的精彩演出,就連校長譚詠麟都讚好,佢Cap晒圖並上載到社交網留言:「剛剛踢完球回家看到一場好戲!」
另外交方力申都有喺王君馨IG留言讚佢演得好!

王君馨入行11年博到盡

王君馨入行11年,肯捱肯博早已是無綫受矚目當家花旦,演技毋庸置疑,亦絕對不會吝嗇美好身材。16年《城寨英雄》中,飾演歌女花曼令她成功入屋,為了演好角色,王君馨開拍前苦練八極拳,拍時不錫身,周身傷仍忍痛繼續拍攝,之後睇醫生及捽跌打酒一個月。而為了保住20.5吋纖腰,連瞓覺都戴住腰封,令她不能安睡。

《城寨英雄》花曼一角係王君馨演藝事業最重要的角色!
劇中與袁偉豪有一段情。

演花曼周身傷

為了保住20.5吋纖腰,連瞓覺都戴住腰封!
為求演得好,王君馨在現實中勤練八極,搞到周身傷!
演技又有樣有身材的王君馨,入行以來都全力以赴,多次在劇集中瞓身演出,《城寨英雄》更殺出打女新血路。

當年不敵定欣

劇集大受歡迎,她與胡定欣平分秋色,更被指是當年視后的兩大熱門,但最後她只獲提名最佳女配角,及奪得最受歡迎電視女角色,而年資較深的胡定欣就成為視后,不過王君馨未有氣餒,反而更努力為自己的將來鋪路。

當年由前輩定欣奪視后!
王君馨當年奪得最受歡迎電視女角色,在台上激動落淚。

婚後專心搏殺

據悉王君馨當年咁紅都冇得爭視后,之後就走去嫁人,外界都以為佢心淡想結婚生仔,但其實王君馨係覺得Daniel等咗自己咁多年,兩個人分隔兩地得好少時間相處,如果要繼續喺香港發展,就先要穩定咗感情先,所以係時候結婚。婚後Danie亦可以名正言順嚟香港,君馨則繼續好努力拍劇同工作,希望再遇到好機會發圍。

老公全力撐

近日盛傳胡定欣約滿離巢,現時無綫一線花旦買少見少,王君馨視后勁敵就少好多。至於生仔方面,據知其實Daniel都好想,但佢知道太太準備好,所以亦好體諒,只係默默支持對方。王君馨4歲已移居美國紐約,思想西化,而Banker老公Daniel亦是在美國長大,婚後他甘願放棄美國的工作留港生活,早前更在港搵到新工作,全力撐王君馨發圍。

老婆咁惹火精壯老公死頂

有個錫到自己燶的老公,王君馨恃住自己只有32歲仲有時間,決意在事業上衝刺多幾年才開始造人大計。雖然她與Daniel不時周圍飛過二人世界,但為了安全起見,除了做足安全措施,禁慾亦是最好的方法。知情者透露:「Daniel同Grace都係32歲,呢個年紀嘅男人血氣方剛,Daniel仲要咁精壯,婚前又禁慾咗十一年,見到個老婆咁惹火,真係忍得好辛苦㗎!」

王君馨早前同老公去馬爾代夫度假歎世界,更在網上來個人妻大解放,晒出多張性感比堅尼相,狂晒33D身材勁有睇頭!

扭傷誤會為有喜

早前王君馨被影到睇完醫生摸住肚,疑似有喜,其後她出席新劇《是咁的,法官閣下》宣傳活動時,卻叫記者不需要恭喜她,因為早前她起身時扭到條頸好痛,當日被影到是去搵醫生按摩鬆筋及電療,她笑言看完醫生好肚餓,所以才會摸住個肚!王君馨笑言這是個美麗的誤會,就連老公也問她是否有喜訊。

王君馨原來係肚餓所以摸肚!

王君馨:想多啲二人世界先!

對於造人大計,王君馨斬釘截鐵表示要押後,因為老公都係來香港不久,佢需要時間適應工作、生活及文化,而且兩人仲後生,都希望有更多時間喺事業上更上一層樓、更穩定,同埋有多少少二人世界先。王君馨又指工作已排到明年底,希望明年有更多新嘗試,特別在音樂方面多發展。她承認未捨得放下大好事業做媽咪,因現時的心靈及身體狀態很好,想趁這段時間作出一些大膽挑戰。

王君馨在新劇《是咁的,法官閣下》中的角色非常惹火,一場泳衣出水戲,馬甲線盡現,健美身材表露無遺。
為keep全身肌肉,王君馨一有時間就去做gym,舉鐵對她來說毫無難度,自拍晒馬界線更是指定動作。

跟得老公陪Shopping

早前本刊記者在尖沙咀遇上王君馨與老公Daniel,兩公婆溫馨行街,現場所見,平時硬橋硬馬有啲cool的王君馨,對住Daniel即變小鳥依人,能夠做自己喜歡的演藝事業,而另一半又肯力撐,幸福王君馨拎視后指日可待!

這日王君馨有老公Daniel陪去尖沙咀行街,跟得老公任勞任怨,除了幫老婆拎住兩大袋戰利品,仲乖乖企門口等王君馨買女人私物底衫褲。

之後Daniel同王君馨再去隔籬舖買相機腳架,唔通又計劃遠行過二人世界,買定腳架自拍影靚相?
兩公婆行街買嘢收穫豐富,雖然拎住一袋二袋,仍不忘拖手翹手,睇得出二人仍像新婚般甜蜜。

成功力抗抑鬱狀態大勇

王君馨對自己要求甚高,早年因為自覺事業唔順利,曾患上抑鬱及暴食症,亦諗過離開娛樂圈。事過境遷有老公Daniel支持同行,當年因暴食症曾令身材走樣的王君馨,現在一有時間就操弗自己,時時刻刻都keep住有馬甲線,狀態大勇。看到好姊妹鍾嘉欣結婚生仔後就不再想拍劇,待產的李亞男亦有意引退,王君馨寧願選擇滿足完自己,才去進行人生另一大計。

老婆要為事業搏殺,把生B計劃押後,Daniel亦要好好配合,撐妻苦忍。

「處女黨」人妻逐個生

「處女黨」隨著上月苟芸慧結婚而全面瓦解,五位好姊妹中,鍾嘉欣生完兩個,終於到李亞男準備做媽媽,如無意外,下一個應該是恨B恨出面的岑麗香。

07年港姐亞軍 搏殺至今

王君馨07年選全美華埠小姐第一公主獲亞軍,同年選港姐也是亞軍、最上鏡小姐及國際親善小姐得主,加入無綫後肯捱肯博,是力捧花旦之一。

07年參選港姐奪亞軍,冠軍是張嘉兒。
08年參加《舞動奇跡II》與拍檔俞灝明奪得冠軍。
13年在劇集《熟男有惑》飾演尤蜜一角去到盡,人氣急升。

新劇再拍煎Pang

《城寨英雄》原班人馬再拍的新劇《曼谷唐人街》 將於下月開拍,唯獨胡定欣冇份,王君馨夥拍陳展鵬做男女主角,有望下年憑此劇再創事業高峰。

延伸閱讀:

陀B陳凱琳揚言生三個!家族有龍鳳胎基因⋯

關注我們Facebook專頁
    相關新聞
      更多瀏覽