【是咁的新牌大狀】17歲孭起頭家 林秀怡節衣縮食醫患癌母
2018年11月22日07:55

大台劇《是咁的, 法官閣下》,描寫一班新牌律師嘅辛酸,要住劏房,會畀師爺壓價,要去服裝店「借衫着」,生活非如世人眼中般風光,其實就同做藝人一樣,一日未彈起,一日都要捱!好似劇中飾演新牌大狀嘅林秀怡咁,17歲就入行擔起頭家,最近有指林媽媽喺年頭驗出患癌,呢位孝順女仲要撈多幾份嚟慳錢養家!

撰文:Sunday Kiss 圖片:林秀怡ig

延伸閱讀:

影后林嘉欣笑談湊女經:正向管教 放手讓小朋友自由探索!

岑潔儀開刀生7磅囝囝

17歲孭起頭家

林秀怡出身單親家庭,父母喺佢8歲嘅時候就離咗婚,一直同媽媽住喺天水圍公屋,相依為命。十幾年前,林媽媽因為跌傷唔可以再做嘢,所以秀怡中學畢業之後,孭起養家嘅責任。

View this post on Instagram

媽媽節快樂❤️❤️❤️❤️❤️

A post shared by kirbysau (@kirbysau) on May 13, 2018 at 3:02am PDT

08年佢考入訓練班,入行頭幾年人工都係得7千蚊,仲要養埋媽咪,個個月畀5千蚊媽媽做家用,自己就唯有節衣縮食,衫都唔敢買多件,所以就唯有撈多幾份兼職,增加收入。

View this post on Instagram

日日去大浴場日日去溫泉 #浸到甩皮

A post shared by kirbysau (@kirbysau) on Apr 6, 2018 at 3:30am PDT

兩年前《不懂撒嬌的女人》播出時,林秀怡受訪時講過,試過喺第二度攞貨返嚟擺上網賣,就連condom都賣過。為補家計,秀怡更喺被偷拍到喺食肆兼職做傳菜,當時都覺得好尷尬,不過都唔理得人點睇。

View this post on Instagram

❤️

A post shared by kirbysau (@kirbysau) on Apr 4, 2018 at 11:09pm PDT

秀怡講過,只要有戲做就乜都唔介意,咁辛苦都係想媽咪食好啲住好啲!點知最近傳出,林媽媽年初被診斷出患癌,為咗醫好媽媽,秀怡仲將辛辛苦苦儲起嘅十幾萬血汗錢嚟做醫藥費!

秀怡細細個就鍾意演戲,入行10年,大多都係演閒角,到12年拍《怒火街頭2》一場全裸半吊戲,令觀眾對佢留下印象,之後開始有啲「有名有姓」嘅角色做吓,不過發揮嘅機會都係唔多。

去到《不懂撒嬌的女人》做唐詩詠身邊嘅閨蜜,終於開始上位,得到嘅角色戲份都愈來愈重。

林秀怡
林秀怡

事業一直未見起色嗰陣,秀怡都試過趁沖涼嗰陣匿埋喊,唔想畀媽媽知道擔心,好彩佢生性樂觀,喊完就冇事。

今年,又喺《是咁的, 法官閣下》中擔演其中一個新牌律師,做黃智賢徒弟。好彩林媽媽一直都好支持秀怡,令到秀怡可以放心去追夢。

希望秀怡未來會有更多機會,賺多啲錢,可以同媽媽一齊過更安穩嘅生活啦!

下一頁:【感觸無限!】王君馨對婚姻的控訴好揪心! 熱戀退去後的另一種愛情

0
0

下一頁:【康堤拍拖了!】開通媽咪開綠燈 徐濠縈:都中三啦!好正常!

延伸閱讀:

【康堤拍拖了!】開通媽咪開綠燈 徐濠縈:都中三啦!好正常!

關注我們Facebook專頁
    相關新聞
      更多瀏覽