【義不容情】入行33年 有情有義!邵美琪 曾助曹永廉度過財困
2018年11月22日18:56

香港演藝圈不老傳說特別多,好似最近大台在深宵神劇時段重播《義不容情》,其中飾演趙加敏嘅邵美琪(Maggie)不經不覺已入行33年,現年53歲嘅Maggie現時仍有不少幕前演出,即使在高清畫面下,其實都只係有少許眼肚紋,至今都仲係好靚女。

Maggie入行以來有過5段情,雖然都未能開花結果,但她為人相當厚度,即使被另一半傷透心,但厚道的她在分手後未曾在傳媒面前說過任何一位前度半句壞話。而曹永廉在早前接受訪問,大爆當年欠下十多萬卡數,全靠在《妙手仁心III》演情侶檔嘅Maggie幫佢度過難關。有情又有義,希望Maggie能早日找到真命天子!

撰文:東方新地|圖片:電視截圖、新傳媒圖片、蕭正楠IG

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》邵美琪戀溫兆倫

《義不容情》中邵美琪演的趙加敏日前初登場,加敏是一名演居港馬來西亞華僑、醫科學生,為人純品,丁有康(溫兆倫飾)看上了她,不惜使橫手破壞敏和其醫生男友的感情並大力追求,結果康奸計得逞,二人熱戀及後同居。

邵美琪
邵美琪
邵美琪先後於《義不容情》及《我本善良》與溫兆倫合演情侶,當年更常以「螢幕情侶」形象受訪或出席公開活動。

邵美琪演1989年《義不容情》時只約24歲,真係好靚!

有康及後透過富商馮世邦幼子(吳啟明飾)認識了馮世邦的幼女馮美欣(商天娥飾),為了飛黃騰達,暗地裡追求她,深情的加敏得悉後苦纏康,但康仍拋棄加敏!

加敏發現康背住佢約會欣仲餵食提子,二人嘈交,康假意氹回敏,但最終都等機會提出分手!

慘遭殺害

加敏後來發現懷有康的骨肉,他得悉後竟動殺機,借與加敏回馬來西亞探親時,將她推下火車,並布置成加敏自殺。而這一幕會在第29集出現,是港劇的經典場面之一。

第29集在馬來西亞被丁有康推出火車外身亡!

《珠光寶氣》 見錢開眼港女

而在較早前神劇《刑事偵緝檔案IV》大結局後,由大堆頭製作《珠光寶氣》頂上,兩套劇都有邵美琪嘅擔綱演出。其中《珠光寶氣》劇情講述康氏三姊妹康雅言(邵美琪飾)、康雅瞳(黎姿飾)和康雅思(蔡少芬飾)各自在愛情路上汲取教訓後,目標一致地視「嫁個有錢人」為人生目標……而佢哋嘅媽媽白筱柔(李司棋飾)亦係見錢開眼,積極將三個女兒捧進上流社會。至於故事中的幾位鑽石王老五-高長勝(林保怡飾)、賀哲男(陳豪飾)、賀峰(岳華飾)正正是三姊妹的最佳人選……

珠光寶氣
珠光寶氣

珠光寶氣
珠光寶氣

邵美琪、黎姿、蔡少芬 兩度合作

其實邵美琪、黎姿、蔡少芬呢個靚女花旦嘅組合,並非首次合作,她們先後在《珠光寶氣》和《火舞黃沙》中合作,呢啲組合,依家難再見到喇!

邵美琪
邵美琪
《火舞黃沙》劇照

無心插柳入行

入行33年的Maggie,本來是醫務所裏的一位護士,因為陪伴朋友投考無綫電視藝員訓練班,而獲得當時的導師賞識,叫她一同遞交申請表格。結果她放棄了當護士的機會,成為了一名演員。邵美琪由1984年無綫電視第二期藝員訓練班踏入演藝界,同期同學有鄧萃雯、黎美嫻、郭富城、陳庭威等。85年正式出道,當時Maggie曾為張學友的《情已逝》及《輕撫你的臉》的MV做女主角。及後她演出機會不斷,更成為無綫80、90年代力捧的當家花旦之一。

邵美琪
邵美琪
《開心女鬼》劇照

Maggie出道不久,就同任達華合作過!

23歲 微笑賀新歲

88年農曆新年Maggie影賀年靚相,企喺盆水仙花旁齋憑冧人微笑,就感受到嗰份新年喜悅。

古裝好嬌俏

87年邵美琪喺TVB劇集《飲馬江湖》演紅葉堡主女兒柳凝姬,個性天真善良,古裝造型相當嬌俏。

22歲至索茶花女

87年衣着簡約隨意嘅Maggie頭手戴花圈,手捧載滿樹葉嘅竹籃,係現代版至索茶花女。

26歲中性鬥嘉欣

91年邵美琪同港姐冠軍大美人李嘉欣影合照鬥靚,着上西裝戴金絲眼鏡同梳咗個bob頭嘅Maggie,盡顯中性魅力。

23歲玩港女手勢

88年23歲嘅邵美琪已早人廿幾年,識玩時下港女自拍手勢,真係港女先驅。

24歲梳金秀賢頭

90年就快25歲嘅Maggie,一改長髮look剪咗個金秀賢式冬菇頭,感覺清爽令人耳目一新。

《今生無悔》演黎明女友

90年代,邵美琪已成為大台當紅花旦,90年她在《我本善良》中和溫兆倫合演情侶,到了91年的《今生無悔》並沒有再撮合溫兆倫和邵美琪,她反而周旋於黎明及周海媚之間的感情;劇中黎明演浪子程朗,而他最愛的是由邵美琪扮演的越南難民展翹,也是她的經典作品之一。

2016年,邵美琪憑藉《刀下留人》花蕊紅一角,於《萬千星輝頒獎典禮2016》中獲提名「最佳女主角」並入圍最後五強。

《PTU》成電影代表作

Maggie拍過無數劇集及電影,要數經典一定係杜琪峰執導嘅《PTU》,她在戲中演為求升職上位不惜取巧走捷徑的火爆女沙展,而Maggie也憑此電影獲提名「最佳女配角」!

40歲大晒34C半球

05年40歲嘅邵美琪擔任陳妙瑛豐胸產品代言人拍廣告,24吋纖腰豐胸瘦身嘅佢罕見露半球,34C堅挺巨乳呼之欲出。

41歲 露四吋乳溝

邵美琪05年年過四十露肉拍豐胸產品廣告迴響極大,翌年添食三點式上陣露出四吋乳溝,極度吸睛。

入行33年 曾有5段情

邵美琪84年入行,同當時擔任編劇嘅戚其義拍拖,兩人相戀6年後分手,但再見亦是朋友。

92年 戀伊健最哄動

今年53歲嘅邵美琪,入行33年,情路崎嶇,5段情都未能開花結果。要數最哄動嘅仲係同鄭伊健嘅一段情。92年,邵美琪同鄭伊健合作《九反威龍》撻著!

28歲 伊健陪結婚

94年邵美琪喺劇集《第三類法庭》同伍衛國拍結婚戲,化妝同婚紗都一般,而92年已同Maggie拍拖嘅鄭伊健以便服一齊影合照。

伊健曾承諾照顧佢一生一世,可惜之後梁詠琪介入、上演轟動全城嘅「奪麵雙琪」,邵美琪成為輸家敗走,傷得好深!不過Maggie為人厚度,未曾說過半句壞話,多年後鄭伊健同蒙嘉慧結婚,她也大方送上祝福!

戀上施祖男

鄭伊健劈腿梁詠琪後,邵美琪再遇上細佢10年嘅施祖男,期間有傳Maggie好積極搵job俾工作量唔多嘅施祖男,本刊早年曾拍得二人拍拖去超市買日用品及零食,由Maggie付款。呢段姊弟戀維持咗6年,最後有傳施另結新歡!

{“IPTC-DATA”:”NMG”,”data”:{“photoID”:1909121}}

同黃德斌傳緋聞

03年,邵美琪被拍到同身家過億嘅已婚「圍村地王」鄭倫光同遊北京,喺機艙內,邵美琪仲挨住男方膊頭。及至06年,邵美琪同黃德斌合作《火舞黃沙》而傳出緋聞,兩個經常喺眾目睽睽下打情罵俏咬耳仔,但最終都係冇米粥。

幫好友曹永廉還卡數

近日《兄弟大茶飯》熱播,節目中蕭正楠同曹永廉兄弟檔上陣一齊四出搵食,仲煮食慰勞一班藝員,節目輕鬆搞笑,播出以來反應不俗!其實蕭正楠同曹永廉那些年都係歌手出身,其中阿廉星途麻麻,佢惟有簽大台拍劇,不過阿廉自爆曾經因為要置裝見人出騷而買名牌衫,結果欠下一身卡數,最後居然係邵美琪(Maggie)幫手還債﹐阿廉重提都好感謝對方嘅仗義幫手⋯

不為理想只為生活

而第3集,除咗阿蕭飛去橫店煮大鑊飯畀拍緊新劇《包青天 – 再起風雲》嘅演員食,有份演《包青天 – 再起風雲》嘅阿曹也偷偷地抽時間下廚,煮小菜慰勞大家!食到一半,蕭正楠講起上嚟橫店煮大餐都唔容易,曹永廉就當然要寸吓佢話蕭正楠都有收演出費㗎嘛!但蕭正楠就串番曹永廉話佢拍劇為錢冇理想啊!年輕人,係咩驅使你啊?阿廉直認係鹹魚,係窮,仲話要生活唔可以只談夢想!佢講呢番說話,其實因為未紅前曾經做歌手,而且霉過好幾年,更加欠下十多萬卡數!

係窮啊!

曹永廉 歌手星途暗淡

事關阿廉喺1994年以歌手身份出道,仲喺同年勇奪大台十大勁歌金曲頒獎典禮嘅新人獎銅獎!阿廉喺出道嘅短短兩年間已經推出咗三張個人大碟,包括《情深款款》、《唯一的女神》同埋《不惜一切》!可惜,阿廉當年星途暗淡,最後佢決定暫停歌手生涯,由經理人搭路入TVB簽約做藝員,不過佢話經理人話搭路成功,但講畀佢知個底薪時,阿廉聽到係喊咗出嚟,因為係低到喊,但最後都係簽約,因為阿曹自知人氣低,要拍劇才能入屋!

歌手出身
歌手出身

感激邵美琪幫手還卡數

阿廉話以前覺得娛圈跟紅頂白,人靠衣裝,佢不時喺名店、尖沙嘴百利買衫置裝,次次碌信用卡找數,結果條數愈滾愈大,卒之欠下十多萬卡數,但因為人工低一直只能還min pay!直至加盟TVB一年後,阿廉被安排拍《妙手仁心III》,劇中佢同邵美琪情侶演出頗受歡迎,不少商演搵二人一齊出騷,邵美琪雖然入行以來一向都唔做情侶檔出騷,但她知道阿廉欠下大筆卡數,為了令他可以還清債項,才答應與他情侶檔登台,阿廉說:「好多謝佢!佢一向都唔做,但佢亦都知佢唔做我就冇得做,冇得做就還唔到錢,所以佢都幫我手還咗大部分債項。」

張繼聰大讚邵美琪:美若天仙

張繼聰、邵美琪、周秀娜之前出席電影《女皇撞到正》慰勞宴,阿聰大讚邵美琪︰「我們之前合作拍劇時相處了五、六個月,她(邵美琪)在我心目中美若天仙,不敢醜化。我很欣賞邵美琪,人又靚,演技又好。讀書時,每次見到她出場,我立即停下來不做功課。」

【義不容情】李成昌演活敗家仔!盤點9位大台御用奸角

屋邨妹變女神!張曦雯為上位撇富二代

10位年過40歲女星猶如「凍齡」

盤點鄭伊健8套經典無綫劇!那些年同松松成最佳熒幕情侶⋯

伊健激將法鞭策!蒙嘉慧甩廿磅肥肉復出

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

大台4大「御用八婆」角色!令人想打爆電視…

15位男星童年照曝光 你又估到他是誰嗎?

延伸閱讀:

《後生仔》KOL去台慶冇星味 網民:X!以為係中學雞Grad Din!

關注我們Facebook專頁
    相關新聞
      更多瀏覽