老公突然要做手術 43歲車婉婉:請大家為他祈禱!
2018年11月21日11:14

43歲車婉婉同澳洲籍老公Jonathon結婚5年,上年以42歲高齡生咗囝囝BBQ,一家三口一直非常恩愛。但日前車婉婉喺ig話老公突然要入院做手術,希望大家為他祈禱!

撰文:K | 圖片:車婉婉@ig

延伸閱讀:

影后林嘉欣笑談湊女經:正向管教 放手讓小朋友自由探索!

5歲女童染腦膜炎雙球菌 嚴重恐致命

車婉婉老公突然要做手術

日前車婉婉喺ig話老公突然要入院做手術,雖然佢冇透露老公係因咩原因要做手術,但言語間都感覺到車婉婉嘅緊張!佢留言:「Q PaPa 突然病倒,突然要做手術,請大家為他祈禱🙏🏻希望手術一切順利🙏🏻」

阿仔玩足兩個鐘都唔識攰

最近時不時都會喺大台劇《是咁的,法官閣下》入面見到車婉婉,劇中飾演法官,成日都要黑起塊面,螢幕之下,車婉婉就係一個溫柔嘅好媽媽!日前佢PO咗幾張同BBQ去公園玩嘅相上ig,歲半大嘅BBQ,依舊斤両十足,着住件白色小背心,仲甚有「麻甩feel」!

BBQ咁活躍,又大隻,明顯係個健康嘅小朋友,追趕跑跳兩個鐘都冇停過,難怪車婉婉會猛話辛苦!「高齡日誌之你放電所以我冇電,週日,BBQ先生08起床,梳洗過後吃過早飯都是0930⋯ 吃貨BBQ強烈表示他已經入滿油,完全需要馬上放電 一到Playground,BBQ尤如電兔,不停跑、爬、跳⋯歷時兩個多小時,我就追住佢兩個多小,佢同我都全身濕透,怕佢吸番啲汗入去會唔舒服,即刻返去同佢一齊沖涼⋯ 沖完涼,都係1200,先至過咗半日,晏都未食,Q MaMa已經感到十分疲累,仲有大半日呀⋯ 有冇放電助理介紹?包保可以減肥!」

View this post on Instagram

高齡日誌之你放電所以我無電🤪週日,BBQ先生08起床,梳洗過後吃過早飯都是0930⋯ 吃貨BBQ強烈表示他已經入滿油,完全需要馬上放電😨😨😨 一到Playground,BBQ尤如電兔,不停跑、爬、跳⋯歷時兩個多小時,我就追住佢兩個多小時,佢同我都全身濕透,怕佢吸番D汗入去會唔舒服,即刻返去同佢一齊沖涼⋯ 沖完涼,都係1200,先至過咗半日,晏都未食,Q MaMa已經感到十分疲累🤪仲有大半日呀⋯ 🤪🤪🤪🤪🤪有無放電助理介紹?包保可以減肥🤣🤣🤣🤣 #高齡日誌 #qmamaslife #babyjustusq #週日放電活動 #你放電所以我無電 #MaMa巧眼瞓怎麼辦 #強烈需要放電助理

A post shared by 車婉婉 Stephanie Che (@cheyuenyuen1228) on Nov 4, 2018 at 2:58am PST

自己骨肉當然唔會介意為佢付出啦!尤其是對車婉婉嚟講,呢個仔亦係得來不易!首先入行之後有算命師傅批佢呢世都結唔到婚、生唔到仔!但係最終車婉婉41歲就自然懷孕,仲以42歲嘅高齡,生咗BBQ呢個健康巨B!

早前婉婉有份參演嘅劇集《是咁的,法官閣下》開播,原來喺BBQ 5個月嗰陣,婉婉先抱住個仔去見監製,而且仲喺監製間房換片。

第一次做法官嘅角色,仲要邊餵奶邊拍劇,對於一個母乳媽媽嚟講都真係幾辛苦!對白長都唔係問題,最慘係餵奶令專注能力下降,而做法官講嘢又唔錯得,所以真係好大挑戰!

延伸閱讀:

【手機成癮】小五男生向父母吐心聲:拜託你們放下手機,陪陪我好嗎?

關注我們Facebook專頁
    相關新聞
      更多瀏覽