女方放閃洩戀情!關楚耀暗撻「變臉」網紅空姐
2018年11月21日18:18

現年35歲的關楚耀(Kelvin)有個殿堂級唱片監製老竇關維麟同契爺譚詠麟照住,機會明顯比人多,事業大上大落都冇打沉信心,全靠一班圈中世叔伯背後支持,早前更有機會拍無綫劇《特技人》做男二,除咗事業轉旺,原來感情生活亦唔空虛,聲稱單身嘅佢今日被傳媒踢爆有個網紅空姐女友,不過新女是非多多,唔止被網友質疑佢用A貨名牌,仲搵到佢嘅舊相話佢「變靚」咗!

撰文:東方新地 圖片:新傳媒圖片、Instagram、微博

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

關楚耀 :個心唔想拍拖住

入行12年嘅關楚耀早前憑《特技人》演反叛富二代、Chok爆新導演入型入格,吸到唔少電視粉支持,成功一洗頹氣。今年8月,他接受本刊專訪大談感情生活:「當然有認識一啲異性,但自己個心唔想拍拖住,反而幾嚮往單身嘅自由,去邊唔使同人交代,幾鍾意種感覺。我覺得未遇到啱啫,遇到嘅時候就全心全意。」有多次被分手紀錄?「⋯⋯都係嘅,男女嘅嘢,無所謂嘅,女仔講分手先啫!」

關楚耀
關楚耀
關楚耀嘅契爺係譚詠麟,當年一出道即紅,當年TVB音樂頒獎禮新人獎佢就攞銀獎,金獎同銅獎由同期新人泳兒同衛詩奪得!

關楚耀
關楚耀
關楚耀在《特技人》戲份夠搶,劇中更有裸跑情節,佢亦唔介意晒肌裸跑博入屋。

緋聞女友多多

感情路上跌跌碰碰嘅Kelvin,09年和衛詩分手後,翌年便有圈外女友Megan Lee,然後16年再戀上韓國索模Miu Kim,可惜都係分手收場。

又同黑澀會美眉成員Mika傳緋聞!
關楚耀
關楚耀
2016年關楚耀與當時女友Miu Kim。

秘密遊東京

回復單身嘅佢不寂寞,火速又有新女友Joann Law,曾任模特兒嘅佢現職空姐,仲係一名網紅KOL,她的IG上有9萬4千多名粉絲,同Kelvin的9萬6千名粉絲數目差唔多。有指佢同Kelvin秘撻近一年,男方為免戀情曝光,Kelvin即使在社交網貼外遊相,都不會和女友同一時間上載,避免引起懷疑,相反Joann經常上載新照又提及自己有男友,好似早前Joann去了東京旅行連日以來都有喺IG貼相,其中一輯攝於主題樂園嘅單人照,雖然佢未提及同邊個去,但就留言:「分享一位很會拍照的男友 他的作品 #你就是我的開心樂園」關楚耀幾張相都有畀like。

Kelvin雖然冇貼女友嘅相,但就喺Ig貼咗張東京澀谷環境相。

同款相機、相機繩

以為貼冇樣嘅相就唔會穿煲?Kelvin同Joann各自在Ig貼出攞住同款相機嘅照片,相機就話同款唔奇,奇就奇在用埋同一款相機繩﹐戀情終被揭穿。

相機繩咁特別,又好難唔發現二人嘅地下情!

睇番今年情人節,Joann上載一張攝於馬爾代夫相,雖然佢淨喺社交網貼單人貼,但就留言話「謝謝他讓我成為幸福小姐一次Happy Valentine’s Day my valentine」有男友陪旅行梗係要大晒幸福,當時關楚耀都係有畀like。

當日Kelvin未有貼旅行相,只係上載一張抱住愛犬嘅相寫「放閃情人節Happy Valentine’s Day」呢張相Joann都有like,而馬爾代夫嘅風景照Kelvin喺9月才上載,真係好謹慎。

Kelvin被傳媒追問係咪有新戀情,佢未有正面回應,只係話對方係圈外人係普通女仔,二人處於了解階段,Kelvin又話自己大個仔,感情事想低調處理!

Angelababy是新女的偶像

關楚耀早年多次同Angelababy合作過,在多個公開場合也碰頭!估唔到Baby仲係Joann最欣賞嘅偶像,早年Baby同黃曉明結婚,佢都有喺IG發文分享感受,話足足喜歡佢十多年,又話Baby影響咗佢嘅審美觀!

Joann早年做過model,睇番佢當年幫公司影嘅官方照,再對比一下依家嘅樣似乎真係女大18變,鼻樑直過間尺,仲有V煞臉,唔少網友都話依家嘅Joann有幾分似Angelababy㖭!唔知你哋又覺得似唔似呢?

Joann仲喜歡分享性感相呃like吸粉絲!

女人要靚唔要命,真係冇錯!貪靚嘅Joann早年喺IG同微博post相,話瘦係餓出嚟,瘦到背脊骨突出。

唔少人為咗瘦啲睇落靚啲想盡辦法,有人會選擇節肥減肥,不過依家就連「筷子腿」都唔夠好,皆因最近有內地網紅就靠「牙籤腿」成功出位,估唔到Joann都練成「牙籤手」、「牙籤腿」!

佢原來都識得今年樂壇新人兼youtuber曾樂彤!

人紅是非多,不時有網友開post話Joann成日係網上曬命,話佢唔使做但成身名牌,經常換名牌袋,更有網友質疑佢係用A貨!

延伸閱讀:

回顧黃智雯11年上位之路 港姐第五名到雙料視后

關注我們Facebook專頁
    相關新聞
      更多瀏覽