【TVB台慶】台慶女星各出「奇服」,邊位最搶風頭?
2018年11月20日18:25

昨晚係TVB生日嘅大好日子,個個藝員都落足心機,著到靚一靚咁出席《萬千星輝賀台慶 2018》。節目上除咗有精彩嘅表演睇,當晚還即席頒發馬來西亞、新加坡「最喜愛TVB男主角」和「最喜愛TVB女主角」,而4個獎項分別落入袁偉豪和黃智雯手上,二人成為雙料視帝、視后。除了表演、獎項得主最值得令觀眾留意外,一眾女藝員的衣著打扮亦相當有話題性。唔知大家覺得邊位著得最大方得體,邊個著得最騎呢?

乾淨俐落 — 黃智雯

黃智雯以一身白色deep V 拖尾長裙現身,罕有地露出「事業線」,簡單得來又大方,絕不俗氣。沒有多餘的首飾搭配,單靠裙子的cutting來突顯氣質,非常搶眼。

除了雙料視后的衣著值得留意外,其實仲有好多著到好「騎呢」或高貴嘅女星衣著都好值得討論一下。

「大媽」味重 — 馮盈盈

如果要數到全場最性感的女星,一定非馮盈盈莫屬!低胸、兩邊裙身都以透視設計,她更向在場記者自爆「無著底褲!試衫時都嚇呆男友。」。盈盈這身打扮雖然係好性感,不過裙上的圖案,就隱若滲透出濃厚的「大媽味」.......高貴欠奉。

花花世界 — 高海寧

高ling以花花圖案加企領長裙現身,中國味重,驟眼睇仲有啲似酒樓的帶位員.......如果今年台慶是以「中國風」為主題咁就好適合喇。好彩高ling的妝容幫佢搶返啲分,令整體造型的評分提升了些少。

睇到眼花 — 吳沚默

吳沚默這身紅加米白色的晚裝裙真係睇到眼花,太多layer 又沒有亮點。好似淘寶有得買的平價貨咁,沒有氣質又帶點「娘」味。

魚網手臂 — 唐詩詠

其實簡簡單單就已經好有氣質,可惜兩臂上為甚麼要加多對魚網裝飾呢?咁就搞衰了整個造型,簡直是畫蛇添足⋯⋯

聖誕禮物 — 孫慧雪

雖然聖誕節就快到,不過孫慧雪都唔洗咁快就將自己包到好似份禮物咁吖......仲有成個月先到聖誕節吖小姐......

銀色窗簾布 — 黃心穎

好多男士心目中嘅女神心穎BB一出場,就閃到爆。皆因佢著咗件閃到眼都盲嘅晚裝,當她舉起雙手,一條條閃到爆嘅流蘇就好似一塊窗簾布咁,好彩佢後面無人行過,如果唔係一定會遮住人。

波波小姐 — 李施嬅

李施嬅一出場,她肩上的一大個波波球已經引來好多注意。唔知著上身之前洗唔洗吹漲個波呢?唉,企喺李施嬅後面就慘喇,一定俾佢個波遮住晒個樣......

露得唔靚 — 張秀文

一向鍾意走性感路線嘅張秀文,今次就著了這件超deep V 晚裝現身。不過胸前個兩條帶係發生緊咩事?好地地做咩要加兩條帶呢?

高貴大方 — 陳貝兒

作為大會司儀的貝兒,一向都好有時尚觸角,知道著咩先最襯自己。今次台慶貝兒選擇了這件釘滿閃片、deep V、高衩的高貴晚裝長裙亮相,不俗氣又有氣質,好有taste吖!

性感貴氣 — 王君馨

君馨以一身白色deep V長裙現身,健康性感更顯貴氣。首飾和服裝的配搭剛剛好,不會被首飾搶去亮點,十分大體。

Fit到爆 — 陳煒

煒哥現年44歲,身材一啲無「走樣」。雖然有好多女星都穿上deep V現身,但最有睇頭一定非陳煒莫屬。紅色已經夠搶眼,仲要長裙係超貼身,把煒哥美好的身材表露無遺!一個字「正!」

(左起: 阿Sa、黃翠如)

似層相識 — 黃翠如

翠如BB以白色露肩上衣再配上一條勁搶眼的黃色半身裙現身,簡潔得來又有氣質。不過大家覺唔覺呢套衫好似唔知喺邊度見過咁嘅.......個style有啲似阿Sa喺今年金像獎紅地毯著過個套衫......唔知大家又覺得似唔似呢?

每年台慶每位女星都花盡心思在打扮方面,務求在紅地毯上成為焦點。唔知大家覺得今年邊個著得最好睇呢?

Edit: Joey

Photo:網上圖片

Related Articles

關注我們Facebook專頁
    相關新聞
      更多瀏覽