71歲汪明荃IG好活躍 自創潮爆Tag人方法
2018年11月19日14:13

藝人要保持人氣,好多時都會活躍於社交平台,得閒會同粉絲交流交流。不過玩社交網唔係年輕人專利,已經70+1的汪阿姐汪明荃上個月都開咗IG帳戶!不過汪明荃身為行內老前輩,玩IG都同其他人與別不同,Tag人其實可以咁樣Tag㗎!

撰文:東方新地|圖片:Instagram、微博

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

71歲阿姐汪明荃勤力玩IG

阿姐汪明荃出名勤力,連玩IG出post都勤力過人,短短41日已經出咗58個post,分享大量靚相及生活照,粉絲們一定好滿意啦!IG功能多多,但就唔係每個人都可以靈活運用,不如學吓以下阿姐呢個新玩法啦!

阿姐
阿姐
阿姐IG當然見到家英哥啦!

阿姐
阿姐

自創潮爆Tag人方法

話說阿姐日前出席保良局盆菜宴活動,喺IG分享大批合照,當然就要順便Tag返相中人啦。不過重點來了,阿姐唔係用平時IG內置的Tag功能,而係手寫Tag人,直接喺張相上揮筆寫大家個名!藝人如朱咪咪、區瑞強、蔡康年等大家都識啦,不過一班高官總理大家就未必熟悉,所以阿姐細心地寫埋頭銜,真係高招!

阿姐
阿姐
阿姐
阿姐

汪明荃
汪明荃
汪明荃
汪明荃

陸浩明麥明詩都跟風!

眼見阿姐開創新潮流,一樣夠樣的《#後生仔傾吓偈》主持陸浩明及麥明詩馬上跟風,喺合照中手寫Tag人,麥明詩留言:「台慶綵排,Liza姐教我哋tag相新方法 係愛嘅tag法!」

「天然呆」真係好可愛 馬國明玩微博自製「紅V」

現今世代,唔少藝人都用心經營Facebook、Instagram及微博等社交平台,不時分享生活照、「福利照」,又可以同粉絲緊密交流。就連一向絕緣社交平台的馬國明,上月都終於開了微博帳號!馬明開通微博後似乎上晒癮,幾乎日日都更新微博,不過第一張相就唔見女友黃心穎~

馬國明
馬國明
馬國明微博第一張相係同《飛虎之雷霆極戰》演員黃宗澤、吳卓羲合照。
馬國明微博短時間已經有接近8萬粉絲!

V認証來了

話晒初踏入微博的世界,馬國明可能未熟悉微博操作,至今仍未得到「紅V」字新浪認證,所以網民紛紛留言提醒佢,於是馬明就擺出V字手勢自拍出post回應:「看見很多評論……都說想要認証……好啦好啦……V認証來了…yeah…」

馬國明
馬國明
V認証來了!
最近馬明同苟姑娘拍戲,並留言:「拍戲真好……每套戲都可以跟不同美女發生感情……我 最新 “飛虎” 老婆…」唔見心穎BB嬲豬?!

馬明真係好可愛……

馬明的幽默感真係唔講得笑,雖然未獲「紅V」字新浪認證,但佢竟然諗到一條絕世好橋,就係每張相都加個自家製紅V,連頭象圖片都加埋!網民都想問馬明真係好可愛……

加完紅V,仲加枝煙仔俾自己,不過馬明係想講吸煙危害健康,順道呼籲大家少吸煙!

馬國明式幽默不斷為網民帶來歡樂,佢留言:「看到很多評論……發覺大家越來越失控越來越過份……希望大家學會尊重別人……照顧別人感受……本人……馬明……由第1天演戲開始……從來都是走萌萌、可愛、幽默、得意、搞笑路線……形象只得1個字…… “型”……yeah……死未…」

不過呢種幽默似乎唔係個個網民都識欣賞,所以馬明解釋:「其實我已加咗表情 ……加咗文字 星期天……笑下啦⋯都仲有人誤會我唔知什麼叫 認証……真係 冇眼睇……希望大家多d 幽默感 啦…不過 還好 有好多都識笑……謝謝你們……謝謝你們 」

馬明都冇眼睇!

近日馬明更出了張得一個紅V的空白照,並寫道:「馬國明放假1天……」看來佢真係攰啦,大家放佢一馬啦!

延伸閱讀:

陪伴家人是最重要!張衞健 陪八旬媽媽逛花墟

關注我們Facebook專頁
    相關新聞
      更多瀏覽