陪伴家人是最重要！張衞健陪八旬媽媽逛花墟

2018年11月19日15:08

53歲藝人張衞健(Dicky)很長時間都未有在香港露面或演出。近日，他在微博分享自己的近況，當日他難得有空閒，陪伴八旬母親去花卉巿場買花，更感性表示，「我認為對於老人，我們的陪伴是最重要的。」

編輯：東方新地|原文：SundayKiss | 圖片：張衛健＠IG、微博、新傳媒圖片、洪永城IG

張衞健陪八旬媽媽逛花墟

出名孝順的張衞健，周六(17日)帶媽媽到花卉巿場買花，返到家還陪她插花，他留言：「我認為對於老人，我們的陪伴是最重要的。」自13年媽媽游水遇溺危殆，身體機能一直下滑，他比已前更珍惜與媽媽相處的時光，平日他一有時間，都會陪媽媽做她喜歡的事，如游泳、食飯等。

珍惜與眼前人

早前，張衞健雖然不熟悉藍潔瑛，因同是天主教徒，主動幫忙安排她的追思會及安葬等後事。其後他感慨在IG留言：「看到地上的落葉，想起往日的朋友，還有那些快樂的時光。走在人生路上，大家走着走着就走散了，最後完全成了模糊的記憶。對於無法追回的事物，實在不必過於緬懷，或許各自趕路是最好的，不妨把祝願放在心里。現在因着時空的阻隔，彼此的歷史不再交叉，但將来在天主的國度裏，所有人的關係在基督内都是全新且親密的。」

View this post on Instagram
看到地上的落葉，想起往日的朋友，還有那些快樂的時光。走在人生路上，大家走着走着就走散了，最後完全成了模糊的記憶。對於無法追回的事物，實在不必過於緬懷，或許各自趕路是最好的，不妨把祝願放在心里。現在因着時空的阻隔，彼此的歷史不再交叉，但將来在天主的國度裏，所有人的關係在基督内都是全新且親密的。值得期待！（摘自孺子牛神父）
A post shared by 張衞健 (@dickyyyyyyyyyyyyyyyyyy) on Nov 17, 2018 at 8:26pm PST

《大帥哥》台慶劇變炮灰！男一張衞健暗示或缺席宣傳

無綫嚟緊下月播重頭劇《大帥哥》，睇返上年無綫大鑼大鼓邀請張衞健返港拍攝《大》劇，點知套劇拍完近一年都遲遲未播，之前有傳可能播出，但台慶將近卻突然突然抽起，改播王浩信孭飛的《兄弟》，Dicky早前到中環出席慈善步行活動宣傳，被問到《大》播出時間時，佢話冇正式收到無綫通知宣傳，真係唔知道！對於由台慶劇淪為炮灰劇，他表示：「由新入行喺TVB拍劇，《西遊記》同《鹿鼎記》都未試過喺台慶劇時間播放，我咁大個仔喺無綫，對我嚟講好平常。我拍呢套劇最大目標想用廣東話拍一套電視劇畀香港人睇。」

對於有傳有高層認為蔡思貝形象唔好，於是決定將《大帥哥》飛出台慶劇，Dicky幫口話蔡思貝好努力：「佢形象幾好，OK吖，好努力，好尊重所有合作同事。」講到洪永城話《大帥哥》於12月播出，Dicky就事先聲明話：「11月尾應承咗太太去二人世界，幾年前已經承諾咗太太，兩公婆要多啲二人世界。」唔通暗示未能出席宣傳？

《大帥哥》變倉底貨張衞健淪為炮灰？洪永城澄清：12月見！

近日盛傳張衞健有份主演的《大帥哥》淪為倉底貨，播映無期，不過洪永城日前在instagram上載一張跟張衛健的劇照，又透露《大帥哥》於12月播出：「馬炭：『大哥呀，究竟幾時播呀？出邊好多謠言啊，又話呢樣又話嗰樣…』大帥哥：『嘈嘈嘈唔好嘈，其他人道聽途（塗）說，你就要跟佢哋嘅咩？！後生仔唔使急，好嘢係值得等待，準備好12月見啦。』 #大帥哥」

View this post on Instagram
馬炭：「大哥呀，究竟幾時播呀？出邊好多謠言啊，又話呢樣又話嗰樣…」大帥哥：「嘈嘈嘈唔好嘈，其他人道聽途說，你就要跟佢哋嘅咩？！後生仔唔使急，好嘢係值得等待，準備好12月見啦。」 #大帥哥
A post shared by Tony Hung 洪永城 (@guruhung) on Oct 7, 2018 at 5:31am PDT

網民點睇？

不少網民留言話「好想睇」、「等到頸都長」，但也有網民擔心12月播出的話，套劇始終都係做炮灰檔，因為撞正聖誕節及元旦假期，以往不少劇集安排呢啲檔期播出都係會影響收視。

夾內地網站同步播映

對於種種傳言，《大帥哥》監製徐正康回應傳媒查詢時，表示因為《大》一早同內地網站優酷夾好會同步播出，加上審批過程需時，最後決定以2018年壓軸大劇推出！佢仲話Dicky係好專業嘅演員，絕對播映日期絕無怨言！

揭《大帥哥》變倉底貨死因張衞健蝕住回巢淪為炮灰

96年拍完無綫劇《西遊記》爆紅的張衞健（Dicky），離巢返內地狂賺人仔，直至上年，無綫助理總經理（戲劇製作）曾勵珍親自三顧草廬，成功打動Dicky不計酬勞回歸幫娘家再拍劇。據知情者透露：「珍姐當時搵 Dicky，講明想佢幫無綫50周年台慶造勢，不過上年套劇拍完已經九月，仲要做好多後期製作趕唔切，最後做唔成無綫50周年台慶劇，不過無綫嗰邊都答應咗Dicky，會係今年台慶劇嚟！拍好咗成年都未播，之前已經有 fans問過Dicky究竟幾時有得睇，佢都透露過話套劇喺今年暑假播，始終隔咗成廿年先返嚟再拍劇，Dicky好緊張今次演出，仲一早留晒時間做宣傳！」

被照肺多次

不過，近日無綫公布三大台慶劇，分別是《跳躍生命線》、《是咁的，法官閣下》及《兄弟》，《大帥哥》慘被飛出局。據知無綫突然變陣，抽起《大帥哥》改由王浩信朱晨麗孭飛的《兄弟》頂上，全因不滿劇中女一，近期黐親佢都冇好嘢的姣精蔡思貝，認為她形象差人氣大跌，怕她拖累收視，反而睇好近期形象入屋的朱晨麗拍上年視帝王浩信，而且無綫不滿姣思貝恃住被捧唔聽話，決定小懲大戒作警告。

據知情者透露：「無綫一路畀好多機會思貝，佢拍親啲劇好似《味想天開》、《潮流教主》、《踩過界》咁，全部都好有發揮，但偏偏佢好唔生性，拍劇成日掛住媾仔，自己形象衰不特止，最弊係搞到無綫班當紮小生，明明走勢好好嘅王浩信同洪永城，都畀佢搞到一塌糊塗，公司已經搵過思貝照肺幾次，講明叫佢收斂啲！」姣黐新男神不過就算多次被警告，蔡思貝依然唔爭氣。早前又因拍旅遊特輯姣黐新紮男神余德丞；八月余德丞踢波昏迷入住ICU，風頭火勢蔡思貝仍兩度踩去醫院試圖探對方。據知情者透露：「連Dickson（余德丞）媽咪都唔滿意思貝咁樣走嚟，怕畀人亂講，同無綫嗰邊投訴，公司先下令唔畀班女藝人再去醫院。」

余德丞八月踢波昏迷入院，蔡思貝兩度去醫院試圖探望都被拒進入病房，事件更引起無綫高層不滿，不過余德丞康復復工，蔡思貝又趁機繼續黐實男神。

唔聽話搞死自己，蔡思貝早已飛出無綫受捧名單，就連原本由她擔正女一的新劇《鐵探》，她亦被大減戲份，無綫專登加插張寶兒入劇，同余德丞加入感情線。不過累己仲累人，首當其衝被她拖累的張衞健套《大帥哥》播出無期，應該最無辜！

無綫日前舉行大型記者會，公布今年三套台慶劇，亦透露明年三套重頭劇，劇中演員大晒冷合照，但就完全冇提張衞健《大帥哥》。

參與討論劇本

事實上，無綫成功請到夠份量又好戲的福將張衞健回歸，當日Dicky在記者會上表示，是畀珍姐（曾勵珍「）的」佢返嚟，坦承不計酬勞更推掉唔少工作接拍《大帥哥》，珍姐當場亦被感動至落淚。據知情者透露：「拍TVB劇出名辛苦，酬勞更加同內地劇嘅價冇得比，Dicky答應返嚟，係覺得珍姐好有誠意，好多嘢都肯配合佢，好似每日畀足十個鐘佢休息，亦答應畀佢參與討論劇本，佢真係好想再拍一部高質素廣東話劇，不過大熱天時去到佛山拍外景，Dicky係緊張大師樣樣親力親為都好大壓力，好多大場面佢都冇用替身自己拍，加上為咗呢套劇，佢推咗好多工作，賺少好多錢，呢次佢真係蝕住返嚟幫無綫㗎！佢都估唔到拍得咁辛苦會變倉底貨！」將最強外援變炮灰，無綫呢條數睇嚟都要再計一次！