混邊度最索?盤點娛樂圈10大混血女星
2018年11月19日22:55

成日啲人都話混血兒特別靚特別型,在於佢哋個樣天生睇落寧舍不同,而唔同國家混出嚟嘅混血兒亦有其獨特之處。其實圈中有唔少混血女星,依家一齊睇睇佢哋係邊度混邊度,等自己都可以參考吓同邊個國家混出嚟會最靚,有機會都去混番個呀嘛!

撰文:東方新地|圖片:新傳媒圖片、Instagram

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

混血女星鍾麗緹(Christy Chung)

唔好以為鍾麗緹喺加拿大出世同讀書就以為佢一個外國混亞洲嘅混血兒,其實佢係個百分之一百嘅亞洲混血兒,因為佢係由中國同越南嘅DNA組成,所以係純亞洲出產。而家47歲嘅佢更喺2016年同細佢12年嘅張倫碩結婚,係鍾麗緹第三段婚姻,現時一同養育鍾麗緹與前兩任老公所生的三個女兒。

混血女星
混血女星
混血女星
混血女星

混血女星
混血女星

李嘉欣(Michele Monique Reis)

大美人李嘉欣原來係個中葡混血兒,喺澳門出世。1988年參選香港小姐奪冠,同年成為國際華裔小姐冠軍,多年來都係香港娛樂圈最索嘅女星之一!李嘉欣喺2008年與香港富商許晉亨結婚後生下一子,但佢不單樣貌依然年輕,身材亦同樣保持得好好,其實佢今年47歲啦!

唐寧 (Leila Tong)

唐寧,本名江麗娜,而家36歲,8歲就以童星出道嘅佢,原來係個中國同印尼嘅混血兒。2010年嫁給大13年嘅舞台劇導演兼演員鄧偉傑,並已有一仔一女,可惜二人於上年宣布離婚,結束7年婚姻。

林嘉欣(Karena Lam)

都市傳說,叫「嘉欣」嘅都係靚女!出名有靚樣有演技嘅林嘉欣現時39歲,佢媽咪係個台日混血兒,而爸爸係個百分百香港人,所以嘉欣都有港台日嘅血統,唔知關唔關混血事,總之佢就好靚女啦!嘉欣2012年結婚生子後慢慢淡出影壇,而家佢已經有兩個女,分別7歲同4歲大。

梁洛施 (Luisa Isabella Nolasco Reis)

感覺上細睇到佢大嘅梁洛施,依家都不過係29歲,佢其實係澳門葡萄牙混血兒!爸爸係葡萄牙人,媽媽則為澳門人。Isabella 12歲就踏入娛樂圈從事模特兒工作,拍過唔少電影亦有唔少歌唱作品。至2009年,佢為富商李澤楷誕下一子,2010年再誕下一對雙胞胎男嬰,但2011年佢向外發聲明指與李澤楷已正式分手,而孩子會共同撫養。

韓君婷(Belinda Hamnett)

42歲嘅韓君婷一睇就可能完全以為佢係外國人,但其實佢係個中意混血兒,早年參加亞洲小姐奪得冠軍,但後來因感情問題嘅打擊下,令佢患上了厭食症。不過近年韓君婷已經完全走出厭食症陰霾,重新出發!

楊穎(Angelababy)

今年29歲嘅Angelababy (楊穎)喺上海出世,爺爺係個德國人,爸爸係個中德混血兒,而媽媽就係地道中國人,所以Baby自己帶有25%德國血統。2017年,Angelababy在老公黃曉明及家人的陪同下,於香港順利誕下兒子小海綿,依家做個幸福索媽~

昆凌 (Hannah Quinlivan)

同Angelbaby一樣都係模特兒出身,同樣嫁咗個天王老公嘅昆凌,今年只係24歲,有著出眾嘅漂亮臉蛋,立體嘅五官,昆凌其實係中澳韓混血兒,爸爸係澳洲人,媽媽則擁有中韓血統,混出昆凌嘅高質靚樣!昆凌雖然年紀輕輕,但在14年下嫁天王周杰倫後,分別在15及17年誕下女兒Hathaway及兒子Romeo,比好多早一步做個幸福靚媽!

張栢芝(Cecilia Cheung)

今年38歲嘅張栢芝,因其母親係個中英混血兒,所以佢擁有四分之一英國血統。2007年栢芝為謝霆鋒誕下兒子Lucas,2010年再剖腹誕下細仔Quintus,可惜栢芝霆鋒於2011年公開宣布離婚。現時栢芝專心照顧兩個兒子,不時都會喺網上大晒母子情,勁溫馨!

莫文蔚(Karen Joy Morris)

而家47歲嘅莫文蔚就最巴閉,皆因佢擁有四個國家嘅血統,包括有:中國、威爾斯、德國、伊朗,不過望落都似係個道地香港人!2011年佢就與德籍男友Johannes結婚,並於義大利的酒莊正式舉行婚禮。

延伸閱讀:

TVB女藝員台慶紅地氈鬥搶鏡 完全真空上陣都有?!

關注我們Facebook專頁
    相關新聞
      更多瀏覽