阿嬌減磅瘦腰 慘遭老公打擊
2018年11月18日03:00
■鍾欣潼身形清減不少,笑言目標想再減10磅以上。

【星島日報報道】(星島日報報道)鍾欣潼(阿嬌)昨日出席商場聖誕裝飾開幕禮,可見她身形清減不少。將於12月在香港舉行婚宴的阿嬌表示,正戒吃甜及鹽兼做運動減磅,首日已減去5、6磅,亦好想立下目標,稍後在網上跟大家分享減肥方法。

談到今次香港的婚宴,阿嬌說:「件婚紗仲未試,但婚紗腰圍好細,我覺得之前試都無乜意思,因為肥試乜都唔好睇,所以想減肥後先試,我想比較勵志跟大家一起減肥。」阿嬌直言目標想再減10磅以上,現時進度理想,每日減到一磅。談到老公賴弘國可會陪她一起減磅?她說:「佢衰到呢!佢有健身習慣,我的起心肝話減肥,臨出門佢話好似今日好攰,我叫佢唔好打擊我。我好容易被打擊,因為我好懶,做運動成日好多藉口。」

談到今年是婚後與老公共度的首個聖誕節,阿嬌認為兩人在一起不會去分辨第一個聖誕節,但會清理聖誕樹上的裝飾,重新再布置過,她說:「去年打算跟佢一起布置聖誕節,但佢搵個朋友嚟布置,因為佢唔得閒,希望今年可以一齊布置。不過未知會唔會返台灣,大家未傾。」談到籌備婚宴,阿嬌坦言要再落實賓客名單,邀請自己的朋友已有30多圍酒席,當中有小學及中學同學,男家的親朋亦會來香港參加婚宴。

關注我們Facebook專頁
    相關新聞
      更多瀏覽