王敏奕被女Rapper怒罵「臭X」被指多次拆散舊愛戀情?
2018年11月16日14:25

26歲的王敏奕近年極速上位,不過女神名花有主,與年長13年的曾志偉長子曾國祥拍拖四年,兩人視對方為結婚對象,人前人後鬼咁恩愛。不過日前本土rapper火炭麗琪突然在網上爆seed,於IG Story鬧爆王敏奕係「臭X」,指佢「拆散前男友的戀情」,更誇張到詛咒王敏奕生性病!咩事咁大仇口呀?

原文:娛聞樂|圖片:新傳媒、Instagram

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

26歲王敏奕 《女人俱樂部》入屋

1992年出世的王敏奕今年26歲,擁有標緻五官,清純外表夠煞食,14歲時已經做模特兒出道,做模特兒期間拍過唔少廣告。之後慢慢進軍幕前,近年都拍過唔少電影。不過比較為人認知的應該都係2014年《女人俱樂部》!

王敏奕
王敏奕
王敏奕喺《女人俱樂部》飾演年輕版朱莉(李麗珍飾),劇中頻頻穿上校服,仲要係旗袍裙!

王敏奕
王敏奕

王敏奕
王敏奕
王敏奕喺08年電影《烈日當空》中演學生妹,當時只係得16歲卜卜脆,著校服超青春!
王敏奕
王敏奕
《DIVA華麗之後》入面都扮過學生妹!

王敏奕演最索女飛虎

TVB今年4月播出與邵氏及優酷合拍的《飛虎之潛行極戰》,演員陣容鼎盛,包括有苗僑偉、黃宗澤、吳卓羲、張兆輝及王敏德多位猛男主演,而王敏奕就係飛虎隊唯一一個女隊員。今次王敏奕放下一貫斯文靚女的形象,親身上陣拍攝大量動作場面,叻女!

王敏奕
王敏奕
做女飛虎有姿勢有實際!

王敏奕
王敏奕

王敏奕
王敏奕
劇中王敏奕同黃宗澤係一對戀人。
王敏奕
王敏奕
仲有個飛虎爸爸王敏德!

女神心早有所屬

可惜過女神心早有所屬,與曾志偉大仔曾國祥拍拖四年幾,人前人後sweet到爆。雖然近年曾國祥專注在台灣發展,兩口子聚少離多,不過感情穩定,志偉哥都當佢係新抱仔㗎啦!

早排慶祝男方生日。

成日喺公開場合放閃!

王敏奕被女Rapper怒罵「臭X」被指多次拆散舊愛戀情?

不過日前本土rapper「火炭麗琪」突然在網上爆seed,喺IG Story鬧爆王敏奕係「臭雞」,指佢「又拆散舊愛的戀情」、「你條八婆自己做過咩心照」等,最誇張係詛咒王敏奕生性病!火炭麗琪係為呢位「前男友」出頭,定係為呢位「前男友」的女友出頭呢?咁就無從得知啦。

仲要tag埋王敏奕,驚死佢睇唔到!
火炭麗琪IG相片。
原來火炭麗琪都唔係第一次喺IG Story鬧王敏奕,之前就暗示王敏奕試過打電話俾已分手的前男友,並說自己得到恐慌症(Panic Attack) ……

之後花生愈來愈多,首先有巴打話王敏奕曾被人發現與前度過夜爆房,仲有sex chat?不過網民花生,冇圖冇真相,大家睇完就算啦~

經理人唔回應

有傳媒就以上事件聯絡王敏奕經理人,對方指王敏奕並唔認識火炭麗琪呢個人,故唔打算作出任何回應。

傳黃宗澤攝位速食王敏奕

去年王敏奕參與網劇《飛虎極戰》,與Bosco合作做飛虎隊內的一對情侶,遇上情場老手,入世未深的王敏奕自然難以抵抗!據知兩人拍足四個月日見夜見,一拍即合,劇組人員見佢哋好到一杯嘢飲share,放工仲成日約埋去Bosco間蠔吧飲酒擦蠔。男友不在身邊,女仔芳心最脆弱之時,就最容易被人乘虛而入啦!

王敏奕與Bosco喺《飛虎》飾演情侶。

上男方保母車換衫

當時兩人在西貢市拍劇,拍完後王敏奕好自然走上Bosco架保母車換衫,男方就好識做咁企在車外護花。親密到咁?

交換口水冇問題

王敏奕與Bosco戲裡戲外不時打情罵俏,不時黐到實,仲會同飲一杯飲品,嘢食你一啖我一啖,交換口水完全唔覺有問題喎!

王敏奕醉爆街頭

去年本刊拍得王敏奕搵好姊妹陳瀅及糖妹陪散心,當晚三人到Bosco位於九龍城的蠔吧,在一樓的VIP房內擦蠔食牛扒狂飲紅酒白酒,至凌晨一時許,踢住拖鞋披頭散髮的王敏奕在姊妹兩邊扶實下離開。現場所見,王敏奕腳步浮浮企唔穩,手袋都要姊妹幫手拎住,不時自言自語,手機跌埋落地都冇意識執。

Bosco鬼祟閃人

就在三人在蠔吧門口商討去處期間,Bosco突然以光速跑落樓,跳上早已在門口等候的保母車,王敏奕見Bosco上車後,不時望向其方向,最終要陳瀅糖妹拉走佢。眼見糖妹及陳瀅在街頭照顧飲醉的王敏奕,Bosco竟然扮唔識扮路過,連一句問候都冇,咁唔正常有啲嘢喎!

當晚王敏奕的心情明顯非常差,醉哭街頭不特止,仲好唔想返屋企,好不容易才拉到佢去陳瀅座駕停泊的錶位,都要擾攘一大輪先成功上車。糖妹正想關門離開之時,王敏奕失控怒吼:「唔好打畀佢!唔好搵佢呀!」王敏奕似乎為感情事賣醉,好姊妹陳瀅與糖妹為睇實佢,所以非常清醒。

王敏奕 狂蜂浪蝶獻殷勤

事業起飛,王敏奕身邊亦出現唔少狂蜂浪蝶, 令曾國祥大為緊張。據Venus身邊友人透露,因為之前傳出同曾國祥分手,就有唔少男士趁機攝位想追求Venus:「近期Venus工作多咗,連社交圈子都擴闊埋,工作上成日會接觸到好多事業型嘅男士,身邊多咗唔少狂蜂浪蝶主動向佢獻殷勤,Venus又純又省鏡,呢啲好女仔圈中已經買少見少,啲仔梗係吼實佢啦!」

豪宅氹女友

見女友多仔埋身,曾國祥亦怕貨比貨不敢怠慢,就算唔肯定落嚟落實娶女友,亦不時製造驚喜為求箍住搶手女友,今年初就同女友一齊搬入貝沙灣一個千幾呎的望海單位。

王敏奕
王敏奕
王敏奕同Bosco在電台做完訪問一齊離開,不過踏出電台門口Bosco已急急腳上自己車走人,另一邊的王敏奕,就企在一旁等男友架車到。睇嚟曾國祥人釘人監控真係奏效!有仔想埋女友身都冇咁易。

據知情者透露:「上年Derek大部分時間喺台灣做嘢,掉低女友喺香港,搞到Venus冇晒安全感,兩個仲一度冷戰,Venus搬返去媽咪度住咗一輪,之後同Bosco傳出緋聞,Derek收到風都開始緊張,前排特登陪女友周圍睇樓,揀貝沙灣呢個新竇,就係想畀女友住得舒服啲,嗰度望到海又有會所,活動空間好多,就算做運動都唔使專登去外邊,Derek想女友多啲留喺屋企,仲一得閒就會揸車接送Venus,監控女友嘅行蹤,唔要畀啲狂蜂浪蝶有機會埋到女友身。」

王敏奕
王敏奕
同曾國祥拍拖四年,女方經常甜蜜放閃,近日曾國祥倒箍憑《飛虎》走紅的女友王敏奕,更豪租貝沙灣築愛巢氹女友。

隔絕觀音兵

早前王敏奕接受訪問,就承認近日多咗唔少工作:「上年佢 (指男友曾國祥) 開始忙,自己就比較得閒,反而依家自己多咗好多工作,同佢各有各忙,大家可以一齊搏殺吓先!」事業起飛又青春無敵,王敏奕亦唔再心急想嫁。

當日女友要到電台做訪問,曾國祥就一個人揸車去九龍城孤獨食泰菜,冇見一排成個人吹脹咗走晒樣,之後校啱時間揸車去電台接女友收工。

延伸閱讀:

林芊妤反擊:「思想正確應該無問題!」公開餵人奶相遭網民公審

關注我們Facebook專頁
    相關新聞
      更多瀏覽