傳裕美背男友搭上林作?12位疑似派帽女星逐個捉
2018年11月15日23:03

藝人裕美係中日混血兒,入行多年星運平平,而佢嘅感情生活相當複雜,2014年嫁畀教友老公,但其後被踢爆疑搞婚外情撻著黃子恒,裕美否認搞婚外情,但就自爆同老公搞離婚,而家佢有新老外男朋友,但近日又被指搭上林作,但已遭林作否認,話只係同公司有工作上的合作!

其實偷食呢回事,邊有分男定女喎!明星係公眾人物,偷食、紅杏出牆都真係不太容易,因為紙包不住火!以下就集合了12疑似派帽的中港台女星,大家一齊研究吓佢哋真係咪係大派帽子⋯⋯

撰文:東方新地 |圖片:Instagram、新傳媒圖片庫

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

偷食藝人黃子恆搞婚外情 裕美:「搞緊離婚。」

「Yamete~Yamete~搭錯車!」一聽到呢句歌詞真係好多回憶浮現出來,歌手和田裕美2014年嫁畀教友老公林恩浩,自此淡出娛樂圈,好一段日子冇在公開場合露面。不過裕美冇見一排後索咗勁多,下巴尖一尖,以前包包面離奇消失,唔講你真係未必認到佢呀!人妻愈變愈索,連感情生活都愈來愈精采,有報道指佢背夫偷食無綫藝人黃子恆,兩人齊齊去街市買餸返屋企煮飯仔,裕美之後更在男方屋企過夜!

偷食
偷食

裕美當年公認係肥妹仔一名,包包面已成其標記,點估到如今有咁大變化!

依家的裕美樣靚咗下巴又尖咗,甜美笑容配一把秀麗長髮,連身材都好索!

有報道指裕美與吳若希過氣緋聞男友黃子恆關係匪淺,兩人齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!

據知裕美以往不時在網上分享與老公的合照,但之後已鮮有咁樣做,似係感情轉淡的跡象!

對此裕美就表示當日係假期,所以一大班人開大食會,同行亦有其他幕後人員。一行人大約在八、九點離開,佢並沒有留低過夜。佢又話自己正拍攝劇集《心理追兇》,雖然同劇沒有黃子恆,不過自己好多嘢唔識,要向對方請教。最後佢話唔會理其他人點講,正如有人話佢整容一樣,佢唔會去理。

之後被問到老公會否介意,裕美就驚爆已經搞緊離婚!佢話自己已單身半年以上,現在辦離婚手續,不過就唔回答是否出現第三者,只係話兩人性格出現問題,曾經試過挽救呢段婚姻,但最終都係解決不了。裕美話剛剛簽咗新經理人,會拍劇重新出發。

裕美撻著有米外藉男友

事業愛情兩得意的裕美單拖遊街,去到藥房門口研究一陣買吓零食入吓貨。話說今年就滿30歲,裕美頭髮長咗、上圍又豐滿咗,多咗唔少女人味之餘,有愛情滋潤後人都靚咗,腰間其實亦都多咗小小肉地,呢啲唔通就係幸福肥?

裕美
裕美
今年就快滿30歲,裕美日前出動遊街,不過身邊就唔見熱戀中靚仔又有米的外籍男友Alex。有愛情滋潤嘅裕美亦開始多咗啲幸福肥,上圍有睇頭咗,不過條腰亦都粗埋。
裕美
裕美
一個人去到鬧市,一身便服又聽住歌,同老外拍拖的裕美連打扮都西化隨意咗。

據知,裕美男友Alex係英意混血兒,家住半山豪宅,身家豐厚而且事業有成,曾在一間大型私人銀行任投資工作,現在是本地一間外語學校的創瓣人。

裕美
裕美
兩年前失婚後又同黃子恒再無下文,裕美去年承認身邊有個老外新歡Alex,兩位仲一齊開IG放閃。

裕美
裕美

裕美
裕美
裕美
裕美

裕美
裕美
裕美
裕美

裕美驚爆背男友搭上林作

有人透露裕美同麥明詩前男友林作喺舊年拍攝時認識,林作見到裕美即刻起晒痰仲主動撩傾偈。裕美亦主動交換電話同IG兼主動msg林作,顯得好合拍。有指二人曖昧一年,裕美上個月請林作做直播嘉賓時撻著,林作仲話要同裕美表白,嚇到裕美好驚畀男友見到。

林作喺直播時對著鏡頭講:「我今晚上嚟係想教大家一堂課,叫橫刀奪愛!」仲話阿媽教佢遇到鍾意嘅嘢就去搶,嘩講得咁明顯,係咪姐係想喺人手上搶裕美返嚟呢?點知林作竟然直接叫裕美同男朋友分手添!

View this post on Instagram

好心分手吧,裕美!just break up

A post shared by Jolam 林作 (@jolamchok) on Oct 19, 2018 at 8:11am PDT

林作仲喺社交網站發出一張同裕美嘅合照,嘟起個嘴仔,寫道:「我喜歡妳#放心沒有人信」。裕美就唔知係甜笑定係尷尬笑喇……

View this post on Instagram

我喜歡妳 #放心沒有人信 @wadahiromi

A post shared by Jolam 林作 (@jolamchok) on Oct 16, 2018 at 10:19pm PDT

林作喺社交網仲寫:「我嘅女友美美。」有指「美美」就係林作對裕美嘅暱稱。

被指秘撻裕美,林作都有出Post回應,不過一方面又要做得咁出面,另一方面又澄清,真係好矛盾啊!

盤點12位疑似派帽的中港台女星

1.余香凝

現年31歲的陳家樂入行15年,當年參加新秀輾轉簽了英皇娛樂開始其演戲生涯,近年事業開始起飛,早前憑無綫劇《逆緣》中「冷凍爺爺」鍾定國一角成功入屋,工作機會不斷,可謂事業高峰!

陳家樂
陳家樂
陳家樂在《逆緣》飾演冷凍爺爺備受好評。
陳家樂
陳家樂
與兩位前輩姜大衛及黎耀祥擦出不少火花

揚言照顧余香凝一生

陳家樂除了事業順利,愛情同樣得意!陳家樂與余香凝於四年前合作拍港台劇《總有出頭天》擦出愛火花,拍拖近四年,人前人後表現恩愛!去年陳家樂駕車接女友放工不慎發生車禍,余香凝當場鼻骨爆裂,肉赤女友的陳家樂聲言會一生一世照顧女友,並送上鑽石戒指作為見證。

陳家樂
陳家樂
陳家樂與余香凝拍港台劇《總有出頭天》擦出愛火

陳家樂
陳家樂

早已認定對方

陳家樂曾不止一次在訪問中提及視余香凝為結婚對象,二人早已同居及互見家長,實是非卿不娶:「我係嘅!如果可以我係好希望一路行到組織家庭,至於得唔得就睇個天,希望我嘅付出可以做到,依家首期都未有,希望盡快展開人生下一個階段。嗰次撞車睇到佢係好強,我好緊張,反而係佢安慰我話佢冇事,叫我唔使擔心。」

去年3月 最後情人節

去年3月,陳家樂駕車接余香凝放工不慎撞車,女友傷鼻骨入院,陳家樂貼身照顧更承諾會照顧女友一世,二人感情穩定,男方一心向著結婚方向進發,今年情人節野餐慶祝,更互拍放上社交網晒恩愛。

情侶波衫

今年世界盃開鑼前夕,陳家樂與余香凝齊齊穿上球衣放閃,余香凝喺公開活動上仲話會跟隨男友捧阿根廷隊!

獨家!余香凝背陳家樂偷食

24歲的余香凝身形高䠷思想成熟,入行以來除男友外零緋聞,今年初佢曾表示愛情至上:「愛情同麵包我會揀愛情,唔使要求對方有車有樓,就算同愛嘅人坐巴士都好滿足,今年生日我都係同陳家樂食雞煲啫,經過撞車事件,我哋感情更加穩固,大家冇乜錢都唔緊要,最重要係開心。」講到至死不渝又如何?遇上有米保險才俊,拜金余香凝現形即背男友偷食,一腳踏兩船!

今年6月, 余香凝在大角咀拍MV至凌晨3時許,離開時有製作單位安排的專車唔坐,獨自搭的士到Victor屋企。
Victor亦早已在樓下企定定等余香凝到來。

保險才俊新歡 曾媾星夢新女

據知余香凝趁陳家樂近月忙於工作,暗地撻著年約30歲、在AIA保險做高層的許焯倫(Victor),男方年輕有為醒目上進,余香凝左右逢源! 知情者透露本身有保險經紀牌的余香凝有唔少保險界朋友,呢位Victor之前追求星夢新女戴祖儀不果,所以目標轉向余香凝,並以大量名牌禮物打動女神芳心!

余香凝凌晨送上門至翌日下午三時先離開男家,一早call定車在樓下等,睡眼惺忪個樣殘爆上車。
從事保險公司高層,返工時間有彈性的Victor在余香凝離開後半小時步出寓所,雖然著到官仔骨骨,不過個樣唔多精神,有女陪過夜都唔使去到咁盡㗎!

呢位就係據稱Victor之前追唔到的戴祖儀。

騎牛搵馬系列

16歲入行做模特兒發明星夢的余香凝,去年憑電影《骨妹》在澳門國際影展奪得「最佳新演員獎」後成為影壇新貴,與無家底事業剛起步的陳家樂拍拖,明顯是騎牛搵馬。新仔Victor從事保險業數年,高大靚仔又識氹客仔,很快便攀升至年薪過百萬的經理級。

呢日Victor返完AIA位於九龍灣的大本營,再落尖沙嘴為即將開業的日本燒肉店打點,見佢親力親為搬雜物,幹勁十足。

Victor家住觀塘半山舊式私樓,有車有樓,又與友人在尖沙咀合資開日本燒肉店。拜金余香凝極速見有老闆娘做,又被Victor貴價名牌禮物攻陷,即刻碼實送上門,完全唔念舊情!

做完正經事,Victor就到超市買餸煮飯冧女,然後搭的士返屋企。

花心女兩邊瞞

為咗掩飾一腳踏兩船,據悉余香凝同Victor講早已同家樂分手,不過因為顧及形象唔可以公開,故Victor一直配合女方低調,人多公開場合都保持距離,親密嘢就返屋企先做!至於家樂方面,近日佢埋頭搵銀,同余香凝見面時間極少,女友掛住瘟新仔都懵然不知…

Victor返歸唔夠半個鐘,余香凝校啱時間出現,可以自由拍卡出入又同看更熟晒,好明顯偷情日子唔短!

餐餐外賣趕撲火

上周日(10日),余香凝與Victor雙雙從寓所外出,餐餐買外賣返屋企爭取時間纏綿。現場所見,余香凝每次與Victor同行都非常小心,戴上口罩以免被途人認出,遇上有住客眼望望,二人即前後腳入𨋢好鬼祟。

話明偷食當然唔見得光,二人行去附近屋邨的連鎖快餐店買外賣飯盒,一 人一袋各有各拎。
余香凝與新仔出外一直保持距離,不過回程見附近人少即互相逗玩,Victor伸脷扮鬼扮馬。
隔住口罩都見到余香凝笑到腰果眼。

余香凝同Victor日頭食完飯盒返歸纏綿,夜晚再出動覓食補充體力,先去落單買Pizza,然後再去超市狂掃糧餉。

現場所見,佢哋每遇途人眼望望,即前後腳扮唔識,余香凝緊隨Victor身後返回寓所,繼續二人世界。

暫結束瘟仔生活

由6月4日至6月11日,余香凝都在Victor家過夜,至周二(11日)下午,余香凝終於捨得暫別新仔,二人一同離開寓所後即跳上的士,到達尖沙咀後分道揚鑣。余香凝去健身美容再與友人晚飯直落慶祝生日。連著多日粉藍色裙與白色波鞋的余香凝,終於捨得返回大圍公屋娘家。

陳家樂含淚回應…

余香凝差不多成個星期都在新仔家風流快活,沒半點失落之情,只有陳家樂默默悼念逝去的三年多感情。6月12日陳家樂在中環回應本刊記者,對余香凝一心一意的家樂知悉女方連日在新仔寓所過夜,悲痛到一度講唔到嘢,情緒激動轉身拭淚,其後哽咽認分手…

記者遞上余香凝新歡的照片,陳家樂表示唔認識對方。

陳家樂含淚道:「我哋最近分咗手⋯⋯呢排已經冇聯絡,(邊個提出分手? 係咪好傷心好難接受?)我哋一齊坐低傾 ⋯⋯有共識!」

「希望大家畀啲空間我。」

傷感的家樂未有正面回應是否第三者介入,只連番抖大氣說:「希望大家畀啲空間我。」三年感情話變就變,希望家樂化悲傷為力量,將來一定有更好的回報,圈中又多一個孝順又用情專一的筍盤,大把女神排隊等緊喎!

年薪過百萬有車有樓

余香凝新歡Victor在 AIA 任高級保險經理,為人進取有頭腦,年薪過百萬,在香港土生土長有車有樓,在其 IG 內有不少生活照,可見其生活尚算健康。平時喜歡與好友出外旅行及參與各種運動,不過閒時亦會唱K劈酒消遣,與一般時下年輕人生活無異。雖然已媾到余香凝,但佢仍以獨身宅男自居,未有在社交網洩露感情狀況。

Victor位於觀塘半山的舊式私樓屬自資物業,以往佢不時約三五知己返屋企打機玩樂,居高臨下背山面海,難怪余香凝唔捨得走啦!

2. 伊能靜

08年,「人妻」伊能靜被影到背住老公哈林庾澄慶,同男星黃維德在北京大街十指緊扣,伊能靜當時對於哈林說二人「沒離婚、沒分居」的說法大感冤枉,更說早在兩人婚姻出現問題的初期,哈林就曾提出分開「協議」,但她因為放不下家人而沒有做出任何決定,沒想到最後卻讓自己成為大家攻擊的對象,而隔年她隨即與哈林正式離婚!

時至今日,伊能靜與庾澄慶早已離婚,及各自再婚,庾澄慶與民視主播張嘉欣結婚﹐婚後育有一女。而伊能靜同黃維德無疾而終,伊能靜其後就和小10歲的秦昊結婚,感情穩定。真係你有你嘅生活,我有我嘅忙碌⋯⋯

3. 彎彎

呢單都好經典,電影《那些年我們一起追的女孩》的魔咒嗎!在《那些年》有份演出、台灣插畫天后彎彎(胡家瑋)同老公新婚不到一個月,就被直擊和同是插畫家的「黃大爺」當街親密擁吻、餵食,而彎彎更被爆在婚前10天,還相約「黃大爺」浸溫泉等親暱LINE對話紀錄。

彎彎(左)喺《那些年》中係沈佳宜(陳妍希飾演)嘅好姊妹,形象傻氣清純,佢亦因爲呢套戲而爲港人認識

婚外情曝光,彎彎形象插水,但事後她向大眾鞠躬道歉,並表示已獲得老公的原諒,重新出發!真係男人最痛算這種⋯

彎彎(胡家瑋)婚外情男主角黃大爺

知名插畫家彎彎與調酒師老公擺喜酒。

那邊廂《那些年》的導演及作家九把刀(原名柯景騰)本有一名交往十年的女友「小內」,但在2014年九把刀被爆背著女友劈腿中視女記者周亭羽,二人深夜去時鐘酒店, 九把刀和小內的10年情正式告吹,小三周亭羽表示聽到消息後直喊很驚訝!有網友提議九把刀寫本「那些年我們一起劈腿的事」小說!

女友小內

4. 賈靜雯

曾經是中台的人氣女星賈靜雯,09年4月3日開記招承認婚姻失敗,向丈夫孫志浩求見女兒,原來老公帶囡囡「梧桐妹」遠走美國,而這次也拉開離婚大戰的序幕,孫志浩大罵賈靜雯紅杏出牆,給男演員黃磊發曖昧短信;賈靜雯控訴孫志浩酗酒玩女人還家暴……2009年12月,雙方正式離婚,爭女大戰從台灣打到美國,又從美國打回台灣,賈靜雯賣掉房子打贏官司,將女兒留在身邊。

賈靜雯與丈夫孫志浩、女兒

5. 馬雅舒

馬雅舒曾經係「四爺的女人」,她和吳奇隆的婚姻卻因為女方劈腿畫下句點,有傳因為聚少離多,馬雅舒難忍寂寞和誘惑,紅杏出牆背叛吳奇隆,和老外開房最終導致婚姻破裂,面對綠到冇得再綠嘅帽,二人離婚收場。最後老外同馬雅舒結婚,而吳奇隆都搵到佢嘅最愛劉詩詩!

6. 章子怡

章子怡在和汪峰交往之前,曾和名主持人撒貝寧交往,當時有媒體指章子怡同汪峰拍拖的後兩個月,才跟舊愛正式分手,有劈腿的疑雲咁話。

7.張雨綺

2015年3月,「星女郎」張雨綺先後拍過星爺的《美人魚》及《長江七號》,不過有傳她背著尚在監獄的老公王全安,與貌似汪小菲的神秘男子約會鬧得沸沸揚揚,同年7月2日晚,她在微博發文宣布與王全安離婚,翌日王全安也發表離婚聲明!

8. 劉曉慶

劉曉慶絕對是娛樂圈傳奇,當年劉曉慶和陳國軍結婚後,有傳劉曉慶與某演員在拍《芙蓉鎮》時日久生情,後來又一起合拍《春桃》,關係更加異常,無法忍受被帶綠帽子的陳國軍知道後異常憤怒,決定捉姦,當時場景,他都寫在《我和劉曉慶–不得不說的故事》中,關於劉曉慶的諸多隱私也被曝光出來,相當精彩。大家時間多到唔知點用的話,可以買本睇睇⋯

劉曉慶與第二任丈夫陳國軍

9.黃奕

內地女星、曾飾演「小燕子」的黃奕,被內地媒體封為劈腿成癮的女星,她首段婚姻是嫁給金融才俊姜凱,但婚後不到一個月有傳女方出軌而離婚,姜凱曾在微博說:「人生最大遺憾是遇見你,一生最開心是閃離离!!Btw,淫貓永遠忘不了偷腥!」黃奕再婚嫁給黃毅清,但同樣婚後不久又有傳出軌,因為家暴事件搞到反晒面,之後仲離咗婚鬧上法庭!

黃奕與姜凱結婚

黃毅清曾喺微博暗寸老婆攻心計扮弱者,但冇耐雙黃閃電和好仲晒全家福

10. 章小蕙

章小蕙不止是敗家女,鐘鎮濤數億身家被她敗了,不得不宣佈破產,除此之外,章小蕙和鐘鎮濤結婚期間,傳出曾與陳曜旻傳緋聞, 但兩人堅持只是好朋友。鐘鎮濤破產後,最後同B哥哥離婚收場。

幸好,B哥如今找到一生中最愛范姜,范姜為他先後誕下兩名寶貝女!

11.李賽鳳

07年6月,女星李賽鳳突然被前夫羅啟仁爆大鑊,指她跟契仔宗天意通姦,李賽鳳還拖指對方是編劇奇才,反駁他的歌劇團是大淫團,女成員汪小莉才是第三者。近日,婚變事件又有離奇新發展,宗天意被踢爆是劇團老闆之一,李賽鳳懷疑前夫設下驚天大陰謀,目的令她冇得分身家 。

更高潮是表面上沒有太激烈反擊行動的李賽鳳, 竟然與「姦夫」宗天意合演一幕「衣櫃裡的男人」真人騷。媽呀!好亂呀⋯

12 楊思琦

楊思琦01年當選香港小姐冠軍後,密密工作,慳家嘅佢平日出席公開活動,置裝全靠贊助商提供,幾乎與名牌絕緣。2011年6月,一向形象清純兼慳家的33歲楊思琦,忽然自爆同相戀9年的31歲李泳豪分手,人人打個突,有傳因為一個「男人唔可以接受嘅理由」……

一直同男友李泳豪有情飲水飽的楊思琦,早前忽然自爆同男友九年情玩完,人人打個突。

楊思琦突然單方面宣布分手,點知有傳媒踢爆她其實是另有新歡,暗交富二代吳帥並珠胎暗結,因而更引發起思琦和李家罵戰,慳妹見異思遷變貪錢港女。

原來是空心老倌

經傳媒起底,原來吳帥唔係富二代,而是前香港跳水代表運動員,曾參賽亞特蘭大奧運會,第八屆全運會等大型比賽, 02年,被香港泳總指違反紀律,被重罰停賽 3年後,轉任游泳教練。 08年,突然爆出楊思琦到北京任奧運主持時與吳帥撻着。吳帥被揭是空心老倌,欠債纍纍,更試過被債主告上小額錢債追債三萬,一度要搬往土瓜灣劏房的他,自11年底現身美國接楊思琦後,自此失踪,丟低當時還有一個月就生得的楊思琦。

思琦決定做單親媽咪,12年女兒 Krystal出世後,獨力湊女養父母供樓的楊思琦更加搏命,唔止出寫真,仲頻頻返內地接騷拍廣告,有得搵就搵。慳家楊思琦喜歡將餘錢變磚頭,現手持四個物業,每月生活支出連供樓十萬唔少得,但佢都應付得來!

18個歷代最有氣質真女神 個個無P圖都好靚女!

【2019無綫節目巡禮】13套重點劇集大晒冷

翻煲幾多次都唔悶!8套最想深夜重播的高質神劇

【2019無綫節目巡禮】15套綜藝節目一覽

【金庸離世】細數歷代11位小龍女 陳玉蓮被金庸點名大讚

結婚12年 傳老婆出軌 黃浩然:呢個小問題已經過咗去…

專出童顏藝人?張彥博、孫慧雪原來係中學師兄妹⋯

【鐵達尼號神還原!】斥資40億打造 鐵達尼二號相隔110年再啟航

女神封盤!江嘉敏認戀電競公司高層 男友大起底

仔女睇得又讀得!盤點13位學霸星二代

《鬼怪》、《繼承者們》都不是第一?!節目公布最佳韓國電視劇前五名

女星中式婚嫁look逐個睇!裙褂、旗袍、潮褂都咁靚

女大18變!《爸爸2》12歲多多 變長腿美少女

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

延伸閱讀:

《是咁的,法官閣下》引起律政熱潮!盤點十套經典律師電視劇

關注我們Facebook專頁
    相關新聞
      更多瀏覽