胡㻗只係好朋友? 劉穎鏇聲淚俱下否認「車震」
2018年11月14日19:05

2016年港姐亞軍劉穎鏇(Tiffany),樣貌標緻身材勁,雖然一直自稱單身,但日前被爆疑暗撻前香港先生胡㻗,兩人仲夜媽媽去到西貢銀線灣談情,疑似「車震」!今日劉穎鏇接受訪問時,聲淚俱下否認此事,希望大家唔好誤會!

撰文:東方新地|圖片:東方新地、Instagram、節目劇照

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

回顧洪卓立與湯怡11年愛情之路 如何由同公司藝人發展到情侶?

前文提要:

劉穎鏇被爆戀情 與「大鼻港男」車上摸黑蜜會

劉穎鏇青春係無敵,外在條件一流,追求者眾都好合理吖!但女神一直自稱單身,亦未有傳出咩緋聞。不過今日有報道指,其實女神已經封盤,與有「大鼻港男」之稱、藝人羅天宇的24歲弟弟胡㻗正打得火熱!好一對港姐港男配?

劉穎鏇
劉穎鏇
女神原來名花有主啦!
原來係「大鼻港男」胡㻗!

西貢幽暗處談情 唇膏甩晒色?

報道指劉穎鏇前晚出席劇集《兄弟》的飯局,離開時鬼祟步往附近商場,然後被影到登上胡㻗座駕,直駛西貢銀線灣。據稱胡㻗在一隱蔽的幽暗處停車,然後二人於車上摸黑蜜會20分鐘!直至記者上前採訪,劉穎鏇及胡㻗表現驚訝又慌張,隨即駕車離開。報道又指劉穎鏇本來塗上鮮紅色唇膏,但下車後明顯唇膏「離奇地」甩晒色,點解呢?

劉穎鏇
劉穎鏇
因咩事玩到唇膏都甩晒色?

胡㻗只係好朋友? 劉穎鏇聲淚俱下否認「車震」

今日劉穎鏇與森美及一眾「是非精」拍攝《學是學非》,被問到係咪同胡㻗拍緊拖,佢表示同對方係同一年的港姐、港男,之後再一齊上演員訓練班,只係好好的朋友。而兩人當晚唔係話特登要去西貢銀線灣,純粹係大家傾吓偈,劉穎鏇又指自己唔熟香港,唔知去嗰個地方會令人誤會。

劉穎鏇
劉穎鏇
劉穎鏇與森美及一眾「是非精」拍攝《學是學非》。
劉穎鏇
劉穎鏇
一班是非精扮《深宮計》?

唔希望大家會誤會

提到被指當時「車震」,鬼妹仔劉穎鏇就反問呢兩個字點解,而知道箇中意思後更激動得聲淚俱下!劉穎鏇稱兩人當時只係喺車傾偈,唔明點解會有呢個字眼出現,佢自己喺美國嚟香港,作為一個新人一直好努力工作,唔希望大家會有咩誤會。

劉穎鏇
劉穎鏇
鬼妹仔劉穎鏇就反問「車震」兩個字點解……
講到眼濕濕呀陰功!

劉穎鏇又稱,當時喺車上見到有人出嚟用閃光燈狂影,場面實在太恐怖,所以嚇到即時縮低頭,而且面青口唇白,結果又令大家誤會了。最後佢強調與胡㻗唔係男女朋友,所以無咩要避忌,又讚對方係個好男仔,好識照顧人。

抹完眼淚先笑番。

羅天宇弟弟 香港先生第四名

劉穎鏇係2016年港姐亞軍,而胡㻗就係2016港男第四名,而且係藝人羅天宇同母異父的弟弟,其父為前無綫藝員、當年「銀河十星」之一的胡越山。胡㻗樣貌不俗,身材高大健碩,當初面試時都被視作熱門,不過未能奪三甲。

羅天宇及胡㻗兩兄弟感情要好。

胡㻗被蘇韻姿搞「硬」?

2016年時港姐破天荒與停辦幾年的香港先生合辦,其中蘇韻姿在泳裝環節大晒33C招牌心形胸,極盡性感誘惑人!胡㻗當時一同進行問答環節,扮演一對多年好朋友,胡㻗仲忽然搭實Andrea膊頭,抽晒水喎!不過之後胡㻗突然表情生硬,仲一直用手遮住重要部位,原因就得佢自己知啦!

蘇韻姿身材確係勁!

搭晒膊頭交足戲喎!

但之後胡㻗突然表情生硬,仲一直用手遮住重要部位,原因就得佢自己知啦!

日久生情唔出奇

2016年時,TVB史無前例將香港小姐及香港先生合併舉行,所以胡㻗與劉穎鏇參選期間已經認識,之後齊齊就讀藝員訓練班做同學。睇返胡㻗社交網站的大合照,發現佢同劉穎鏇都經常喺不同場合同場,年紀相近又係靚仔靚女,日久生情唔出奇!

港姐港男不時同場出席活動。
劉穎鏇與胡㻗齊齊就讀藝員訓練班做同學。
劉穎鏇生日,胡㻗當然有份一齊慶祝!

同是籃球健將:

胡㻗熱愛打籃球,有代表TVB出戰不同比賽。
劉穎鏇讀書時期亦係籃球代表隊。

《兄弟》一齊拍:

2016年港姐亞軍劉穎鏇

現年只得21歲的劉穎鏇於1997年出生,喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項,擁有青春無敵的甜美外貌加上174cm模特兒身材,兼有豐滿上圍,外在條件無得輸!當年都有唔少觀眾話佢比馮盈盈更值得攞冠軍!

冠軍馮盈盈、亞軍劉穎鏇、季軍陳雅思及友誼小姐張寶兒。

延伸閱讀:

麥明詩考獲美國執業律師牌 網民叫退出娛圈做全職律師⋯

關注我們Facebook專頁
    相關新聞
      更多瀏覽