《跳躍生命線》陳瀅角色名成劇集最強彩蛋 原來暗藏特別意思!
2018年11月12日17:40

《跳躍生命線》上星期五完滿落幕,相信唔少人都對於劇集有情人終成眷屬嘅大團圓結局感到滿意。然而,原來陳瀅於劇中的名字亦係編審冼翠貞特別設計嘅彩蛋之一!

撰文:東方新地|圖片:影片截圖、張曦雯劉佩玥Instagram

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

胡杏兒老公晒囝囝著泳褲背面照 大讚Brendan肉肉靚股!

《跳躍生命線》陳瀅角色名成劇集最強彩蛋

上星期五《跳躍生命線》播出大結局,唔少劇迷都對於劇集大團圓結局兼無爛尾而鬆一口氣!劇集最抵讚嘅地方,除咗係劇集有頭有尾之餘,仲會不時於劇中帶出正面訊息,而且亦設有一啲暗藏彩蛋,成功令劇集更為引人入勝!

跳躍生命線
跳躍生命線
跳躍生命線
跳躍生命線

講到彩蛋,陳瀅喺劇中嘅角色名原來亦係編審冼翠貞特別設計嘅隱藏彩蛋之一,皆因滿月呢個名貫穿成套劇嘅中心思想,亦與每集想帶出嘅訊息有緊密關連!

例如李佳芯第一集出事前抬頭望著滿月,與馬德鐘講嘅嗰句:「今晚月色好靚…」;第六集鄭子誠獨白又提及:「有月亮嘅夜晚,星星就會暗淡,要等到雲霧收起月色,星星先可以發光發亮…」,與此同時亦出現滿月嘅特寫鏡頭。

李佳芯出事前曾抬頭望著滿月。

大結局中,何廣沛、羅天宇於中秋月圓時,二人各自成雙成對,團團圓圓共慶中秋;片尾最後一句台詞「生命不是一條線,生命是一個圓」,亦係與滿月互相對應!

最後一集中,滿月再次出現。

另一方面,插曲《但願人長久》嘅歌詞意思亦與满月有關,編審以「但願人長久」為主旨貫穿劇集,呼應劇首李佳芯喺電話中仲未嚟得切講嘅說話。

以上種種設計都係編審想間接向觀眾表達一個訊息,即劇中各種無常、意外就係月缺;希望及奇蹟則為月圓,再配合插曲《但願人長久》嘅歌詞「人有悲歡離合,月有陰晴圓缺」,呢個就係人生,更係命運。因此,陳瀅角色名原來係暗藏特別意思!

《跳躍生命線》向觀眾派彩蛋

之前有人指《跳躍生命線》感情戲太多,應該改名叫《跳躍感情線》,臨近結局當然要交代多位角色的感情發展啦!其中愈走愈近的何廣沛及劉佩玥一齊去果欄買生果,何廣沛就表示自己曾在果欄打工,熟晒架步,實買到好嘢!

原來傑仔做救護員之前喺果欄打過工?

有咩咁巴閉呀?
點知何廣沛又真係不斷遇到熟人,仲話俾折頭佢!

何廣沛曾在果欄搬貨?

之後何廣沛就話佢以前喺果欄搬過貨!

去「和豐欄」搵「大巴姐」?

之後何廣沛帶劉佩玥去到一檔「和豐欄」,仲話呢度啲生果係全場最正!睇到呢度,觀眾們都覺得呢個名好似咁熟嘅?
呢度個老闆娘叫「大巴姐」,喂又係好熟咁喎!

Crossover《果欄中的江湖大嫂》

其實心水清的觀眾應該都知啦,何廣沛同劉佩玥去的檔口正正係今年3月《果欄中的江湖大嫂》中,女主角陳煒經營的「和豐欄」,而陳煒喺《果欄大嫂》中外號就係叫大巴姐。

大家應該都仲記得《果欄中的江湖大嫂》~
陳煒當時個角色就係叫大巴姐,不過佢今之未有喺《跳躍生命線》中客串。
大大個「和豐欄」!

何廣沛穿越兩劇 仲有兩個身份?

其實點解會有呢個彩蛋出現呢?因為何廣沛原來有份客串《果欄中的江湖大嫂》,喺大結局一集以果欄新人的身份現身,表示自己剛剛頂下一個果欄做店主。

唔講真係唔記得何廣沛出現過~

當時何廣沛同幾位主角陳煒、岑麗香及黃浩然表示自己從未賣過生果,即時被瘋狂質問!
香香幾大反應!
新人邊知咁多規矩喎!
何廣沛驚到想轉身就走!

《果欄中的江湖大嫂》係新手檔主,但何廣沛去到《跳躍生命線》就自稱搬過貨,唔通佢真係做唔掂生意,索性搬貨就算?

其實都係嚇吓佢啫!

《跳躍》雄姐殉職原來有寓意

《跳躍生命線》中,張彥博飾演嘅雄姐係全劇最受歡迎人物之一,因其性格溫柔體貼、單純天真,因此喺劇中非常討人歡喜!

可惜雄姐呢個角色喺上星期五嗰集,因接報到唐樓單位出勤時,房間地板突然坍塌,雄姐最後墮樓,並送上救護車趕往醫院搶救,何廣沛一邊用盡全力為好友兼同袍雄姐做心肺復甦,一邊大叫:「雄姐醒啊!」,聽到觀眾心都酸埋。

最後,雄姐宣告死亡,原本以為搶救一輪後會有個醫生走出嚟搖頭話:「對唔住,我哋盡咗力。」,不過今次無綫似乎有別於一向做法,捨棄舊有模式,反而以新聞報導手法報導雄姐殉職。

一幕幕回憶重現觀眾眼前

與此同時,劇集更安排雄姐暗戀對象李靖筠含淚彈結他,一幕幕回憶重現觀眾眼前,讓觀眾從入學堂開始到出班一同回顧雄姐點滴,的確更為賺人熱淚!

劇名及片尾曲轉成黑白

另外,最以諗唔到嘅係連劇名及片尾曲都由平日嘅彩色轉成黑白,再配合雄姐講出:「咁多位兄弟,我落更先啦,Good Day!」,成個效果極為煽情,同時亦為雄姐呢個角色嘅一生畫上完美句號。

一早埋下死亡伏線?!

可能唔少人對於雄姐明明係個好人,但都要安排佢喺劇中死去而感到傷心及不解。不過,據知雄姐喺劇中嘅其中一個使命,就是為身邊各人帶出更好嘅自已,例如第三集張彥博與何廣沛嘅相遇係有原因,因為雄姐要幫兄弟何廣沛及郭子豪和解。

另外,劇中馬德鐘不時會講救護員最無奈係遇上「無常」與「意外」,事實上無論好人定壞人都難逃命運嘅安排,因為呢啲就係無常,一切都係突然而來,人亦難以控制或改變。

雄姐於劇中一向嘅感覺係充滿正能量,而佢嘅死令觀眾傷心,但亦更加為劇集帶出「無常,就是救護員的日常」嘅主題,所以雄姐要喺最毫無先兆下,最突然同被認為最唔應該死亡嘅時刻就走。因此,如編審冼翠貞所指:「雄姐嘅死係必然,唔係為死而死!」。

《愛·回家》Terry亂入

去到最後,監製方駿釗就表示由歐瑞偉飾演的王Sir將會重遇一個大家好熟悉的拍檔,大家見到會一定會有驚喜!雖然未有透露呢個拍檔係邊個,但講到同歐瑞偉最有默契、最深入民心的拍檔根本只得一個,好可能係《愛·回家》的Terry(李偉健飾)!其實之前都有《果欄中的江湖大嫂》的角色亂入,如果見到Terry真係唔出奇!

監製透露由歐瑞偉飾演的王Sir將會重遇一個大家好熟悉的拍檔!

Terry(李偉健飾) 同KC (歐瑞偉飾)這對活寶每次的出場都笑料百出,他們兩人的關係錯綜複雜,是兩師徒又是好拍檔,還上演過男男SM的戲碼,趣味性十足,也看得出兩人的感情十分好!

KC和Terry呢個組合極深入民心。
雖然《開心速遞》中KC是Terry的舅父,但他們二人的互動經常讓觀眾疑惑真是舅甥那麼簡單?

之前有人話劇集成日談情說愛,應該改名叫《跳躍感情線》,最後KC… 王Sir都會同麥愛花(張文慈飾) 成為一對~

延伸閱讀:

韓國41歲美魔女4招減齡兼減20磅 小鮮肉都成裙下之臣!

關注我們Facebook專頁
    相關新聞
      更多瀏覽