麥明詩:「計過做藝人比律師搵得…」 大呻做藝人搵錢甚艱難!
2018年11月11日17:00

麥明詩入行至今保持貼地,近年繼續成為話題女王,當一個網絡內外人氣高企的港姐冠軍。今次她則與大家表白身在娛樂圈花花世界的擇偶條件,及如果再有機會揀一次,她會想做藝人定律師等問題!

撰文:東方新地|圖片:東方新地、麥明詩Facebook、新傳媒圖片庫

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

翔翔一句話拒絕范范講故事 黑人嚇到不敢說話!

麥明詩被Do姐窒到口啞啞

講到今年港姐泳裝問答環節,麥明詩與馮盈盈負責其中一個問答環節,並配合Dodo姐。當11號李明芙(Samantha)出場時,麥明詩負責問問題,問及關於公平的問題:「香港小姐得女仔可以參加會唔會唔公平?」起初Samantha都答到問題。

麥明詩
麥明詩

但其後麥明詩追問:「如果邊個佳麗當選咗你會覺得唔公平?」Samantha開始支吾以對,流露出尷尬嘅神情。Dodo姐見到Samantha面有難色,梗係馬上化解指:「唔洗逼住揀一個㗎。唔一定唔公平㗎嘛。」

麥明詩
麥明詩

點知麥明詩好似唔知Do姐係喺度俾落台階Samantha,反而向Do姐講:「Dodo姐咁nice嘅,我覺得好唔公平呀!我之前參選都冇咁樣…」隨即Do姐話麥明詩:「仲想點呀!你係香港小姐嚟㗎嘛!」結果窒到麥明詩只識得尷尬笑,但就令全場歡呼!

當重提麥明詩今年首次做港姐司儀,她笑言當晚並不覺得太緊張,因為自己不是參選港姐:「同埋,都知道Do姐(鄭裕玲)喺度,佢點都會主持大局鎮住個場!」,有經驗豐富的Do姐坐鎮,麥明詩當然放心!

她續指:「其實喺個問答環節,我哋同幕後係特別落咗心機,希望喺每個題目都突顯到個女仔嘅一啲特質,我覺得有一啲女仔亦都把握到呢個機會去 show off到佢哋嘅長處,所以我係開心做到呢件事。」,作為師姐,都希望可以於電視前將一眾候選港姐最好一面帶出來。

提到她自己當晚表現如何,麥明詩坦言:「有啲位的確係臨場反應唔夠快,拿捏個位其實係難嘅,我哋係負責問答,到邊個位幫佢打圓場其實係一個藝術嚟,因為如果咁啱嗰個位佢係想答,但你又阻止咗,其實亦都係剝奪咗佢嘅機會,但如果佢答唔到你又幫唔到佢,亦都會令件事無咁順暢,我當晚係有咁嘅情況。」。

由於自覺未能拿捏得當,故再次指:「好彩Do姐喺度,Do姐有幫手,最尾Do姐都話:『比起綵排進步咗好多!』咁我就開心嘞,哈哈哈!」,未知若然下次再有機會做港姐司儀,她又會否比今次淡定更多?

今年有份擔任港姐司儀 ,「我覺得成件事比起我之前主持嘅經歷係愈嚟愈進步嘅,同埋我自己嘅心情亦放鬆咗好多,希望下年繼續有機會。」

對於麥明詩一向有貼地、敢言的形象,事實上是她希望給大眾一個這樣的形象,抑或是真實的自己,她表示:「其實我係想可以做到自己,我覺得有咩唔可以講啫?大家就算唔做,攞出嚟傾吓、幻想吓都好吖!」

她續說:「其實我講嗰刻,我無諗自己係敢唔敢講,我講嗰刻我就係講 囉,件事係咁發生我咪講,我係咁諗我咪講譬如《 後生仔傾吓偈 》,唔係淨得後生仔睇,都有好多唔同年齡嘅階層睇,個平衡要攞得好準確。」,直指希望觀眾給予更多時間讓她能於幕前從錯誤中學習及成長。

問到她現在行的路是否如其所願,她說:「我參選之後入行,無好明確覺得我五年或者十 年之後會點,如果我做 一份文職或者係一個律師去,我好肯定我會揀依家呢一個職業,所以當諗到呢點,我就會重新有動力去克服更多嘅困難!」。

至於有無計過做藝人搵錢多啲定係律師搵錢多啲,她則直言自己的確有計過,而且話:「呢一刻係做藝人係多少少嘅,但如果計三十年嚟講,就好難講嘞,因為始終律師係會愈做愈賺得多,但藝人好難講,所以如果你計成個人生歷程,可能打和啦!」,一聽之下又似言之有理。

依家感情狀況係點?

爽直的麥明詩指:「我感情狀況係好積極咁搵緊新嘅感情!我依家學識珍惜人與人之間每一段關係,每個人嘅連繫都好特別,如果拍拖唔適合嘅咪試吓可唔可以做朋友囉!我自己又無好care人哋點去諗,我自己清楚就OK!」,果然很清楚地表達出來。

前度林作早前分享失戀經歷,提到跟一 個拍拖數年的女孩子剛分手,又指該女貪慕虛榮,問指的是否她:「呢個你問番佢嘞!哈哈⋯⋯」

至於現在與前度林作是什麼關係,她馬上笑指:「都係朋友!始終都係行內,大家都叫半同行,嘻嘻嘻!」,輕鬆回應一切。

有咩擇偶條件?

十優港姐是否好難追?麥明詩則笑稱:「唔使靚仔嘅!我鍾意funny,幽默感好緊要,同埋才華,才華係好吸引到我,才好廣泛, 可以係佢識作詩、對於天文地理好熟悉又好,或者啲gag好好笑,都係一種才,而當佢騷到佢種才,我係好仰慕嘅,我就會好興奮!」,是這樣的男生請自動現身。

她更說若然拍拖的話不會特登公開,指:「但如果畀人見到我都無辦法,上次就比較多人知,就發覺當好多人知,點都會令兩個人有壓力,所以我開始明白點解有啲藝人鍾意低調啲、唔交代咁多。」,體會多了點,人便成熟多一分。

至於想找個圈外定圈內的對象,她笑言:「我都想搵圈外人,當然如果圈中人啱,我都唔介意!如果同番自己圈內嘅人,我驚自己嘅眼界會變得好狹窄,我覺得做人係應該嘗試同一啲唔同嘅人去交往、去做朋友,因為自己熟嘅人,講嘅嘢梗係互相認同,咁大家咪無一個新嘅協同效應」,的確如是。

另外,再問到她心中有沒有結婚時間表,麥明詩坦言:「無!媽咪就反而成日催,但我會話:『 我仲咁後生!』」,就趁年輕,讓自己慢慢於世上尋找人生最心儀一位,又何嘗不可?

麥明詩於新劇《 殺手》演咩角色?

麥明詩最近忙於拍新劇《 殺手》,提起她於新劇的角色會是忠是奸,她笑言:「我呢啲畀人殺嘅啫,最開心就係有機會同祥哥(黎耀祥)合作做父女,佢就係殺手,我係盲嘅,我盲嘅原因係因為佢導致到有啲仇家嚟,傷害到我,所以呢段關係好複雜,但又好有味道。」

首次扮演盲女,她指今次角色非常之具挑戰性,怕因好多自然的反應都不可以做,坦言:「對眼又變到好無神,哈哈! 同埋我呢個角色仲要彈琴,我本身都識識地嘅,但好多年無彈,突然間要練番,都要下一啲苦功,同埋要喺唔睇住鍵盤嘅時候都彈到琴,其實都係幾難嘅。」

延伸閱讀:

山雞變鵪鶉?陳小春爆「最害怕的人」居然係佢…

關注我們Facebook專頁
    相關新聞
      更多瀏覽