台慶變視后前哨戰 胡定欣推黃智雯上馬
2018年11月11日21:58

下月中就舉行的無綫《萬千星輝頒獎典禮》,每年視帝視后大獎都爭崩頭,不過無綫今年會搞創 新,早前宣布取消到新加坡及馬來西亞舉行《星和無綫電視大獎》及《馬來西亞星光薈萃頒獎典禮》,但 海外投票照舊並有意安排在11月19日台慶夜率先揭盅星馬兩地視帝視后,將台慶變成頒獎禮前哨 戰,肯定高潮迭起。

星馬視后大熱陳煒胡定欣叮噹馬頭,胡定欣被指在星馬宣傳時拉隊杯葛陳煒,原來 好戲在後頭,據悉攞過兩屆視后的定欣對獎項其實唔志在,瞓身拉票只為撐好姊妹黃智雯,甚至寧願自己棄票都誓幫黑馬黃智雯封后,由公司拉票拉到去星馬,姊妹聯手夾擊大熱陳煒!唔通皇后同太平公 主,真係不能共存?

撰文:東方新地 圖片:新傳媒圖片、Instagram

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

雞排妹「光棍節」派福利 噴血真空照宣傳新寫真

台慶變視后前哨戰 胡定欣推黃智雯上馬

11月19日舉行的51周年台慶,口號標榜「50+1」重新出發,無綫亦有別 以往大搞新意思,將台慶變《萬千星輝頒獎禮》前哨戰,日前就宣布取消到 新加坡及馬來西亞舉行《星和無綫電視大獎》及《馬來西亞星光薈萃頒獎典 禮》,只安排藝人到當地拉票宣傳,繼續由海外觀眾投票選舉,但特意安排獎項在台慶夜頒發,星馬兩地視帝視后當晚率先誕生,誰能跑出封帝后肯 定成為全晚焦點。

胡定欣
胡定欣
被指同煒哥不和,胡定欣日前出席《2019 無綫節目巡禮》,就同煒哥攬住影相 闢謠,但被問到杯葛煒哥一事,定欣就有備而來:「我特登㗎!我冇去新加 坡,煒哥就冇去馬來西亞,係最後一日先喺怡保同場,因為唔想見到大家!」 私下明明無交流,人前攬到實影相交功課,真係刻意咗啲!

各出奇謀拉票

而全城關注的《萬千星輝頒獎典禮》則在下月16日舉行,據知情者 爆:「公司有諗過將三個頒獎禮同一晚頒,依家仲未完全落實,總之想製 造多啲話題,不過星馬兩個頒獎禮都喺香港搞,觀眾關注度更大。一班藝 員都想分到一個半個獎,視后競爭最激烈。」先有李佳芯講明延後婚期博 盡搶今年視后,不過Ali一心瞄準下月《萬千星輝頒獎典禮》視后大獎,反 而對封星馬視后唔著緊,加上要拍新劇《殺手》,未能飛星馬拉 票,聲勢不及有份到當地拉票藝人。

胡定欣
胡定欣
除咗活動開始前攬住畀記者影相,胡定欣陳煒活動全程就經常各據一方,極少交流。

陳煒 憑太平公主爆紅

今年憑太平公主爆紅的陳煒,人氣由香港熱到去星馬,同《深宮計》皇后胡定欣劇中鬥到你死我活,原來今次星馬兩大頒獎典禮,兩 人均是視后大熱,兩人亦被點名於上月底隨大隊出發到星馬拉票宣 傳,不過此行有好姊妹黃智雯、李施嬅同行的定欣,人強馬壯聲勢力 壓勢孤力弱的陳煒,表面上兩人在公開場合無分你我一齊宣傳,實質私底下定欣同煒哥根本唔friend,更有指定欣拉隊Selfie更刻意將煒哥掟出局。

胡定欣
胡定欣
合照排位搶贏大熱煒哥外,攝到靚位的黃智雯,還可以同胡定欣、馬國 明、唐詩詠及王浩信紅人影合照玩埋一堆,全程表現興奮。
相反今年憑《深宮計》演技贏到開巷的陳煒,就只能企第一排大外檔。

據知情者透露:「劇集《深宮計》爆紅咗煒哥,完全搶晒定欣風頭,但 其實定欣咁落力拉票唔係為自己,佢根本唔志在,佢最想幫好姊妹黃智 雯,佢知道智雯今年為拍《三個女人一個「因」》人格分裂角色,好落力去做搞到好大壓力,套劇收視喺星馬好好,回響比喺香港更大,所以定欣唔想智雯錯失呢個良機好想對方攞獎,為全力撐好姊妹,佢寧願自己棄票,暗地裡講明叫大家唔使投票畀佢,投畀智雯就得,而且佢遲啲約滿都冇諗住再續約無綫,佢好希望喺走之前,幫到好姊妹上位!」

煒哥憑《深宮計》爆紅,更被網民推 選為今屆視后大熱,但胡定欣反而未有撐煒哥攞獎,落力為好姊妹黃智雯另一個劇《三個女人一個「因」》 拉票,火藥味十足!

有機冧莊

相比風雲變色的視后之爭,今年男藝人表現至今未見突出,造就周一(12 日)才播出的台慶劇《兄弟》,校啱最佳檔期令男一王浩信有機下月冧莊再封 帝。據知情者透露:「無綫刻意將《大帥哥》改喺12月先播,就係唔想實力張衞 健爭埋一份,始終王浩信同TVB仲有長約,之前啲緋聞搞衰晒形象,佢答應會 努力洗底,無綫都想大力推浩信再下一城攞獎煲起個勢!但得唔得就要睇《兄 弟》播出之後外界嘅反應嘞!」

胡定欣
胡定欣
黃智雯有好姊妹胡定欣撐攞視后夾擊大熱陳煒,巧合地兩人被安排孖住曹永廉蕭正楠一齊 出場,影相時二人全程無交流。

排位露玄機

剛在上周五(11月2日)無綫全台總動員出席的《2019無 綫節目巡禮》,大合照排位亦已露玄機。當晚全台二百多藝 人總動員雲集電視城,一如既往,大合照排位正好反映藝 人在公司得寵指數,得寵王浩信就一枝獨秀企正中間,兩 旁有兩大視后胡定欣唐詩詠平分秋色,不過最離奇都算係 今年表現一般的黃智雯,能在大合照排位靠近正中位,同 視后胡定欣只有兩個身位差距,另一邊同一距離已經係曾 是雙料視后的田蕊妮,相反,今年憑《深宮計》太平公主有 機叫胡的民間視后陳煒,雖然都被安排企第一排,但只能 企到大外檔,埋身戰第一回明顯已分高下!

每年無綫節目巡禮大合照排位,都直接反映藝人被捧指數,今年被指有機在台慶《萬 千星輝頒獎典禮》冧莊封帝的王浩信,一枝獨秀企正中間,得寵毋庸置疑,不過最離 奇睇怕應該係今年表現未見突出的黃智雯,突然企正前排當眼位置,排位更拍住雙 料視后田蕊妮,認真不可思議!

棄票益姊妹

胡定欣被指為避陳煒辭演《法證先鋒IV》,早前到星馬拉票,又拉隊Selfie唔預煒哥,令不和傳聞甚囂 塵上!原來定欣還暗地出手幫好姊妹黃智雯拉票, 甚至寧願自己棄票谷智雯攞獎。

表現風騷

大合照離奇企到好位的黃智雯,整晚都表現雀躍,心情明顯特別靚。

下年開拍的《降魔的2》,黃智雯再擔任女主角。

胡定欣同黃智雯、李施嬅、黎諾懿、袁偉豪及譚俊彥開心 Selfie ,又係獨欠陳煒。

李佳芯在台灣趕拍新劇《殺手》,未能出席節目巡禮,不過,答應公司延遲婚期的她,其實一直瞄準下月《萬千星輝頒獎典禮》視后大獎!

公開場合先合體

私下影相冇陳煒份,只在公開場合先見到胡定欣同陳煒合體宣 傳,不過企埋一齊又如何?!明顯同好姊妹黃智雯及李施嬅夾晒著 白色衫宣傳的定欣,點都係親姊妹多啲喎!

有劇造勢

有台慶劇《兄弟》造勢,王浩信今年有機冧莊再封帝,在日前《無綫 2019 節目巡禮》上亦地位超然!

延伸閱讀:

翔翔一句話拒絕范范講故事 黑人嚇到不敢說話!

關注我們Facebook專頁
    相關新聞
      更多瀏覽