男童考試期間生病 媽媽不准兒子食藥:返去仲要溫書,考埋試先食
2018年11月09日20:52

11月是莘莘學子考試的時期,假如不幸生病了,對孩子溫習的能力可能大大下降。大部分家長都知道小朋友身體健康當然比成績重要,不過日前在Facebook專頁「診所低能奇觀」,診所護士向讀者分享了一則真人真事,原來有媽媽因不想生病的兒子食藥,以免影響溫習進度,所以要求兒子先溫好書,考好試,兩天後才可以食藥。

文章授權:診所低能奇觀

延伸閱讀:

影后林嘉欣笑談湊女經:正向管教 放手讓小朋友自由探索!

【BB濕疹】濕疹告急!4個牛油果對皮膚的好處

有日一對母子嚟到診所。

等睇醫生時,媽媽拎出書本遞俾個仔:「趁而家未睇得醫生,你溫多陣呀」

仔接過書本後:「嗯」

到睇完醫生拎藥俾錢後,媽媽行去坐位度,拎出一枝又一枝嘅藥水。

媽媽:「而家食埋藥先呀」

仔點頭。

媽媽望住我問:「啲藥係咪唔眼瞓㗎?」

我:「收鼻水嗰隻會眼瞓㗎~」

媽媽望望枝收鼻水,再望吓個仔,佢問阿仔:「你唔食枝收鼻水住得唔得呀?返去仲要溫書呀,一係考埋試先食呀?」

仔仔看似無力反抗,只有點頭…

我:「一係我問吓醫生有冇啲冇咁眼瞓嘅俾你呀?不過可能會係藥丸,好細粒嘅,吞唔吞到呀?」

媽媽:「唔駛啦唔駛啦,眼瞓嘅先有效㗎嘛,唔駛轉啦,而家唔食住就得啦」

我:「咁一係瞓前俾佢食啦」

媽媽:「唔得呀,佢考試呀,仲有兩日呀,我怕啲藥散唔到呀」

我:「唔會㗎,佢瞓醒就冇晒藥力㗎啦」

媽媽唔理我,望住阿仔講:「頂多兩日好冇,頂多兩日就有好日子過㗎啦」

媽媽將藥匙遞到仔口邊:「擘大口呀」

仔擘一擘大咗個口,再合返埋個口。

媽媽問:「做咩呀?食完返屋企㗎啦」

仔問:「媽咪呀,我幾時先有真係嘅好日子過呀?你次次都係咁講」

媽媽尷尬望望我,尷尬笑起上嚟:「哈哈,你講咩呀,考完試咪有好日子過囉」

仔:「呢個考試完咗,好快又有下一個考試…」

媽媽喝令:「擘大口呀,食咗佢先呀,食完返屋企啦!咁多嘢講…」

仔抿抿嘴後,擘大口吞咗匙藥水…

【前世情人】女兒,等妳長大後,爸爸想跟你說的十點愛情觀

接力賽最後一棒交給腦癱楊侑穎同學 全班棄奪冠陪他跑到終點

長輩用Emoji有障礙症?網民齊分享父母用錯Emoji笑話

心痛女兒被家暴進ICU 爸爸當街痛毆女婿:我湊大女兒給你來打?

延伸閱讀:

滙豐銀行年假增至24天 有薪產假14周增至16周 明年生效

關注我們Facebook專頁
    相關新聞
      更多瀏覽